ព័ត៌មានជាតិ
ក្រសួងការងារ នឹងចុះ MOU ជាមួយតំណាង សហគ្រាសឯកជនប្រមាណ ១៨ សមាគម
ក្រសួងការងារបណ្តុះបណ្តាលវិជ្ជាជីវៈ នឹងចុះអនុស្សារណៈយោគយល់គ្នា ជាមួយតំណាងវិស័យឯកជនចំនួន ១៨ សមាគម នៅថ្ងៃទី១១ ខែវិច្ឆកា ខាងមុននេះ។ នេះតាមការលើកឡើងរបស់លោក ហេង សួរ រដ្ឋមន្រ្ដីក្រសួងការងារ និងបណ្តុះបណ្តាលវិជ្ជាជីវៈ។
![](https://www.kampucheathmey.com/wp-content/uploads/2023/11/Feature-Imag_Article-9-1024x614.jpg)
ថ្លែងនៅក្នុងវេទិកាជួបជាមួយកម្មករកាលពីពេលថ្មីៗនេះ លោក ហេង សួរ បានលើកឡើងថា ចំពោះសមាគមដែលនឹង ត្រូវចុះអនុស្សារណៈយោគយល់គ្នានោះរួមមាន៖ សភាពពាណិជ្ជកម្ម, សហព័ន្ធនិយោជក និងសមាគមពាណិជ្ជកម្ម កម្ពុជា, សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា, សមាគមអ្នកសាងសង់ កម្ពុជា, សមាគមអ្នកអភិវឌ្ឃន៍លំនៅដ្ឋានកម្ពុជា, សមាគមទេសចរ, សមាគមសណ្ឋាគាកម្ពុជា, សហព័ន្ធចុងភៅកម្ពុជា, សមាគមភោជនីដ្ឋានកម្ពុជា, សមាគមសហគ្រិនស្រ្តីកម្ពុជា និងសមាគមដទៃផ្សេងៗទៀត។
បើតាមលោក ហេង សួរ មើលឃើញថា សមាគមទាំងអស់ បានជំរុញទៅដល់សមាជិករបស់ខ្លួន ផ្ដល់ឱកាសហាត់ការ និងកម្មសិក្សាដល់សិស្ស ដែលនឹងចូលរៀនវគ្គបណ្ដុះបណ្ដាលនាពេលខាងមុខនេះ ដើម្បីធានាថា សិស្សមិនត្រឹមតែ អាចអនុវត្តរោងជាងនៅឯសាលានោះទេ ប៉ុន្តែអាចអនុវត្តជាក់ស្ដែង និងធ្វើការជាក់ស្ដែងនៅក្នុងវិស័យឯកជនតែម្ដង។ ម្យ៉ាងវិញទៀត នឹងផ្ដល់ឱ្យវិស័យឯកជន នៅឱកាសដើម្បីពិនិត្យ និងជ្រើសរើសនៅរាល់សិស្សទាំងអស់នោះឱ្យចូល បម្រើការ ក្រោយពេលដែលចប់វគ្គបណ្តុះបណ្តាលវិជ្ជាជីវៈផងដែរ។
ជារួមកម្មវិធីបណ្ដុះបណ្ដាលវិជ្ជាជីវៈដល់យុវជនដែលមកពីគ្រួសារក្រីក្រ ងាយរងហានិភ័យ និងកម្មករនិយោជិក ១លាន ៥សែននាក់ ក៏នឹងដាក់ឱ្យដំណើរការនៅថ្ងៃ ១៤ ខែវិច្ជកា ឆ្នាំ ២០២៣ ជាមួយនឹងការដាក់ឱ្យអនុវត្ដនៅ បេឡាជាតិ សន្តិសុខសង្គម (ប.ស.ស) ផ្នែកថែមទាំសុខភាព តាមគោលការណ៍ស្ម័គចិត្តដល់បុគ្គលស្វ័យនិយោជន៍ និងអ្នកនៅក្នុង បន្ទុក ប.ស.ស។
សួមបញ្ជាក់ផងដែរថា នៅថ្ងៃទី ១០-១១ វិច្ឆិកា ក្រសួងការងារនឹងមានការពិព័រណ៍ការងារ និងផលិតភាពជាតិឆ្នាំ២០២៣ នៅអគាពិព័រណ៍កោះពេជ្រ ដែលមានឱកាសការងារសរុបជាង ២ម៉ឺន កន្លែងពីក្រុមហ៊ុនធំៗចំនួន ១៥០ក្រុមហ៊ុន៕
អត្ថបទ៖ ផល ធារិត
![](https://www.kampucheathmey.com/wp-content/uploads/2023/11/Feature-Imag_Article_1-6-1024x614.jpg)
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ