ព័ត៌មានជាតិ
យុវជនល្ខោនខោល ធ្វើឱ្យប្រតិភូនានាក្នុងមហោស្រពរបាំងមុខអន្តរជាតិ កោតសរសើរលើការសម្តែង និងល្ខោនខោលខ្មែរ
ការសម្តែងល្ខោនខោល នៅទីក្រុងសូឡូ ប្រទេសឥណ្ឌូនេសុី ក្នុងកម្មវិធី International Mask Festival 2023 THE POWER OF MASK ត្រូវបានបញ្ចប់ដោយជោគជ័យ និងស្នាមញញឹម។ ប្រតិភូដែលអញ្ជេីញមកពីប្រទេសនានា បានស្វែងយល់ពីវប្បធម៌គ្នាទៅវិញទៅមក ប្រកបដោយមិត្តភាព និងបានកោតសរសេីរអំពីការសម្តែងរបស់ពួកយេីងថា “ល្ខោនខោល” ការសម្តែងគឺមានភាពខ្លាំង រឹងមាំ និងស្វាហាប់ កាយវិការរហ័សរហួន សមជាទម្រង់ដែលសម្តែង ដោយបុរសពិតមែន។
នេះបើតាមរយៈសំណេរនៅលើបណ្តាញទំនាក់ទំនងសង្គម របស់ក្រុមយុវជនល្ខោនខោល។


មហោស្រពរបាំងមុខអន្តរជាតិឆ្នាំ២០២៣ « International Mask Festival 2023 » គឺជាវេទិកាស្វែងយល់ ពីវប្បធម៌គ្នាទៅវិញទៅមក ដែលមានបណ្តាប្រទេសជាច្រើនចូលរួម ដូចនេះ ក្រសួងវប្បធម៌ និងវិចិត្រសិល្បៈ ក៏បានរៀបចំ
ឱ្យយុវជនល្ខោនខោល តំណាងកម្ពុជាចូលរួមសម្តែងក្នុងកម្មវិធីនេះ ដែលប្រព្រឹត្តធ្វើចាប់ពីថ្ងៃទី១៥-១៩ ខែវិច្ឆិកា ឆ្នាំ២០២៣ នៅទីក្រុងសូឡូ ប្រទេសឥណ្ឌូនេស៊ី។
សម្រាប់ការសម្តែងនៅលើឆាកអន្តរជាតិនោះ ក្រុមយុវជនល្ខោនខោល ទាំង៦នាក់ បានលើកយកផ្ទាំងទស្សនីយភាព ល្ខោនខោល ឈុតចម្បាំងទូភី ទៅសម្តែង ដោយបានបញ្ចេញនូវសមត្ថភាព ឱ្យអន្តរជាតិបានឃើញពីភាពខ្លាំង និងស្វាហាប់ នៃរបាំខ្មែរមួយនេះ ហើយក៏ទទួលបានបណ្ណសរសើរមួយផងដែរ។ ចំពោះការធ្វើដំណើររបស់ ក្រុមយុវជនល្ខោនខោលទាំងទៅនិងមក គឺមានការឧបត្ថម្ភគាំទ្រដោយ បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និង ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា។


ដោយឡែក នៅល្ងាចថ្ងៃទី២៤ ខែវិច្ឆិកា ឆ្នាំ២០២៣ ក្រុមយុវជនល្ខោនខោល ក៏ត្រូវបានអញ្ជើញឱ្យសម្តែង ក្នុងកម្មវិធីប្រកួតបាល់ទាត់ ពានរង្វាន់សម្តេចអគ្គមហាសេនាបតីតេជោ ហ៊ុន សែន វគ្គផ្តាច់ព្រ័ត នៅពហុកីឡដ្ឋានស្តាតអូឡាំពិកផងដែរ៕
-
ជីវិតកម្សាន្ដ១ សប្តាហ៍ មុន
ចូលរួមមង្គលការ Mark-Kim ម្ដង Janie តែងខ្លួនសិចស៊ីមួយអស់ដៃ
-
ជីវិតកម្សាន្ដ៦ ថ្ងៃ មុន
ក្រោយផ្ទុះរឿងអាស្រូវពេស្យាចារ អតីតម្ចាស់មកុដ MGI បង្ហាញមុខលើកដំបូង
-
ជីវិតកម្សាន្ដ១ សប្តាហ៍ មុន
Lisa ត្រូវទស្សនិកជនកូរ៉េស្នើឲ្យចាកចេញពី Blackpink ព្រោះធ្វើឲ្យខូចមុខមាត់ K-pop
-
ព័ត៌មានអន្ដរជាតិ៥ ថ្ងៃ មុន
ប្ដីប្រពន្ធមួយគូកើតមហារីកថ្លើម មូលហេតុចេញពីផ្លែឈើដែលពួកគេបរិភោគញឹកញាប់
-
ជីវិតកម្សាន្ដ៦ ថ្ងៃ មុន
យុវជនល្ខោនខោលកម្ពុជា នាំយក”ល្ខោនខោលខ្មែរ” ទៅសម្ដែងលើឆាកអន្តរជាតិ នាប្រទេសឥណ្ឌូណេស៊ី
-
ជីវិតកម្សាន្ដ១ សប្តាហ៍ មុន
លេចមុខ Mint ចូលរួមមង្គលការ Mark-Kim ក្រោយល្បីថាមានជម្លោះនឹងគ្នាជាយូរ
-
ជីវិតកម្សាន្ដ១ សប្តាហ៍ មុន
ម្សិលមិញ តារាថៃ៣គូ រៀបពិធីមង្គលការព្រមគ្នាក្នុងថ្ងៃតែមួយ
-
ព័ត៌មានជាតិ៧ ថ្ងៃ មុន
ពិធីសម្ពោធស្ពានកោះពេជ្រ-កោះនរា ត្រូវប្ដូរពេលប្រារព្ធពីពេលព្រឹកមកធ្វើនៅពេលរសៀលវិញ