ព័ត៌មានជាតិ
បឹងកន្សែងធ្លាប់តែស្ងាត់ជ្រងំ បច្ចុប្បន្នពេលយប់កាន់តែអ៊ូអរ ហាងលក់ដូរព្រោងព្រាត
បឹងកន្សែងបានប្រែក្លាយជាគោលដៅដ៏ទាក់ទាញនៅពេលរាត្រីជាមួយការរៀបចំកន្លែងកម្សាន្តរួមទាំងសំបូរហាងអាហារបើកលក់ព្រោងព្រាតបម្រើការកម្សាន្តរបស់ភ្ញៀវទេសចរ។
បឹងកន្សែងជាបឹងធម្មជាតិមានទីតាំងស្ថិតនៅក្នុងភូមិអូរកន្សែង សង្កាត់បឹងកន្សែង ចម្ងាយជាង ១ គីឡូម៉ែត្រពីក្រុងបានលុង ខេត្តរតនគិរី។
លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរីបានឲ្យកម្ពុជាថ្មីដឹងថា ដោយសារមានការយកចិត្តទុកដាក់ពីអាជ្ញាធរខេត្ត បឹងកន្សែងត្រូវបានរៀបចំអភិវឌ្ឍហេដ្ឋារចនាសម្ព័ន្ធសម្រាប់បម្រើការកម្សាន្តដល់ភ្ញៀវទេសចរ។
នៅពេលរាត្រីភ្ញៀវទេសចរជាច្រើនចូលចិត្តមកកម្សាន្តនៅបឹងកន្សែង ដោយសារទីនោះសំបូរហាងអាហារនិងភោជនីយដ្ឋានចម្រុះមានទាំងអាហារប្រចាំតំបន់និងអាហារកុម្ម៉ង់ផ្សេង។ នៅជុំវិញបឹងមានហាងអាហារនិងភោជនីយដ្ឋាន ១៧ កន្លែងទាំងខាងនៅកើត ខាងលិច និងខាងត្បូង។
បើតាមប្រធានមន្ទីរទេសចរណ៍ខេត្ត បឹងកន្សែងខុសប្លែកពីមុនពោលក្រោយពេលអាជ្ញាធរខេត្តរៀបចំអភិវឌ្ឍជាមួយការស្ថាបនាផ្លូវជុំវិញ រួមទាំងការរៀបចំភ្លើងបំភ្លឺសាធារណៈដែលអាចទាក់ទាញភ្ញៀវមកកម្សាន្តទាំងពេលថ្ងៃនិងពេលរាត្រី។
បឹងកន្សែងធ្លាប់ជាបឹងស្ងាត់ជ្រងំដោយព្រៃធម្មជាតិ ប្រែមកជាអឺងកងដោយសកម្មភាពរបស់មនុស្សម្នាជំនួសដោយលំនៅដ្ឋាន មន្ទីរពេទ្យ ភោជនីយដ្ឋាន និង សណ្ឋាគារប្រណិតៗស្អេកស្កះ។
រដ្ឋបាលខេត្តបានកែលម្អហេដ្ឋារចនាសម្ព័ន្ធផ្លូវជុំវិញមាត់បឹងកន្សែងដោយមានការពង្រីកផ្លូវ ដាក់លូបង្ហូរទឹក រៀបចំការ៉ូឡាចិញ្ចើមផ្លូវ សួនច្បារជុំវិញបឹងនិងបំពាក់ភ្លើងបំភ្លឺសាធារណៈជាដើម។ ការរៀបចំហេដ្ឋារនាសម្ព័ន្ធមានផ្លូវ ការរៀបចំភ្លើងបំភ្លឺដែលធ្វើឲ្យបរិយាកាសជុំវិញបឹងមានភាពស្រស់បំព្រង។
បុគ្គលិកមួយរូបបម្រើការនៅហាងអាហារមួយកន្លែងនៅខាងកើតបឹងកន្សែងបានឲ្យដឹងថា បឹងកន្សែងបានក្លាយជាគោលដៅទេសចរណ៍ដ៏ទាក់ទាញនៅពេលរាត្រីនៅខេត្តរតនគីរី។ ដោយសារនៅមិនឆ្ងាយពីទីប្រជុំជនក្រុង ភ្ញៀវទេសចរតែងតែចូលចិត្តមកបន្ធូរអារម្មណ៍នៅបឹងកន្សែងជាពិសេសនៅពេលរាត្រី ក្រៅពីទទួលអារម្មណ៍ស្រស់ថ្លាជាមួយធម្មជាតិ ជុំវិញអាចមកទទួលទានអាហារជួបជុំក្រុមគ្រួសារនិងមិត្តភ័ក្តិ។
កាលពីពេលថ្មីៗនេះអាជ្ញាធរខេត្តរតនគិរីបានរៀបចំពិធីបុណ្យអុំទូក បណ្ដែតប្រទីប សំពះព្រះខែ និងអកអំបុករយៈពេល ២ ថ្ងៃ ចាប់ពីថ្ងៃទី ២៣-២៤ ខែវិច្ឆិកា ឆ្នាំ២០២៣ នៅរមណីយដ្ឋានបឹងកន្សែង។
ពិធីបុណ្យអុំទូកបណ្តែតប្រទីបសំពះព្រះខែ និងអកអំបុករយៈពេល ២ ថ្ងៃនៅបឹងកន្សែង មានប្រជាពលរដ្ឋក្នុងខេត្តចូលទស្សនាកម្សាន្តចំនួន ៤៨,២០៩ នាក់។ ក្រៅពីនោះមានភ្ញៀវទេសចរជាតិ ៩,៨៩៣នាក់ និងភ្ញៀវអន្តរជាតិ៩១៧ នាក់ សរុប ៥៩,០១៩ នាក់៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ