​ស្នងការ​នគរបាលខេត្តតាកែវ​បញ្ជូន​ជនសង្ស័យ​គ្រឿងញៀន៤​នាក់​ទៅ​តុលាការ​
Connect with us
Helistar Cambodia - Helicopter Charter Services

ព័ត៌មានជាតិ

​ស្នងការ​នគរបាលខេត្តតាកែវ​បញ្ជូន​ជនសង្ស័យ​គ្រឿងញៀន៤​នាក់​ទៅ​តុលាការ​

បានផុស

នៅ

កម្លាំង​ជំនាញ​ប្រឆាំង​បទល្មើស​គ្រឿងញៀន​នៃ​ស្នងការ​នគរបាល​ខេត្តតាកែវ បាន​កសាង​សំណុំរឿង​បញ្ជូន​ជនសង្ស័យ​គ្រឿងញៀន​៤​នាក់​ទៅ​តុលាការ បន្ទាប់ពី​ជំនាញ​តាម​ស្រុក​ពីរ​ផ្សេងគ្នា​ចាប់​ឃាត់​ខ្លួន​បាន​និង​បញ្ជូនមក​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមាន​ការណែនាំ​ និង​បញ្ជា​ផ្ទាល់ពី​លោក​ឧត្តមទោ សុខ សំណាង ស្នងការ​នគរបាល​ខេត្តតាកែវ​ក្នុង​ការ​បង្ការ​ទប់ស្កាត់ និងបង្ក្រាប​បទល្មើស​ផ្សេងៗ​តាម​មូលដ្ឋាន ពិសេស​បទល្មើស​គ្រឿងញៀន នៅ​ថ្ងៃទី​០៩ ខែកុម្ភៈ ឆ្នាំ​២០២១ វេលា​ម៉ោង​៩​និង​៣០​នាទី​ព្រឹក លោក​វរសេនីយ៍ឯក ភី ឆុន អធិការ​នគរបាល​ស្រុក​សំរោង បាន​ដឹកនាំ​កម្លាំង​ជំនាញ​អធិការដ្ឋាន សហការ​ជាមួយ​កម្លាំង​ប៉ុស្តិ៍នគរបាល​រដ្ឋបាល​ស្លា បាន​បង្ក្រាប​មុខសញ្ញា​ជួញដូរ និង​ប្រើប្រាស់​ដោយ​ខុសច្បាប់​នូវ​សារធាតុ​ញៀន នៅ​ចំណុច​ភូមិ​ស្លា​ខាងកើត ឃុំ​ស្លា ស្រុក​សំរោង ដោយបាន​ឃាត់ខ្លួន​ជនសង្ស័យ​ម្នាក់​ឈ្មោះ អ៊ំ ពន្លក ហៅ​ង៉ែត ភេទ​ប្រុស អាយុ​៣០​ឆ្នាំ មុខរបរ​មិន​ពិតប្រាកដ រស់នៅ​ភូមិ​ព្រៃ​ស្នួល ឃុំ​រវៀង ស្រុក​សំរោង​។ ដោយឡែក​វត្ថុតាង​មាន ម្សៅ​ក្រាម​ពណ៌​ស​ថ្លា​ចំនួន​០៤​កញ្ចប់​តូច​។

ចំណែក​ជនសង្ស័យ​៣​នាក់​ទៀត​ត្រូវបាន​ឃាត់ខ្លួន​នៅ​ខ្នង​ព្រែក​កា​វ៉ា​ក់ ស្ថិត​ក្នុងភូមិ​អន្លុង​មាស ឃុំ​ព្រៃ​ល្វា ស្រុក​ព្រៃកប្បាស ដោយ​កម្លាំង​អធិការដ្ឋាន​នគរបាល​ស្រុក​ព្រៃកប្បាស សហការ​ជាមួយ​កម្លាំង​ប៉ុស្តិ៍នគរបាល​រដ្ឋបាល​កំ​ពង់រាប និង​កម្លាំង​ប៉ុស្តិ៍នគរបាល​រដ្ឋបាល​ព្រៃ​ល្វា​កាលពី​ថ្ងៃទី​០៨ ខែកុម្ភៈ ឆ្នាំ​២០២១ វេលា​ម៉ោង ២៣​និង​៤៥​នាទី​។

ជនសង្ស័យ​មានឈ្មោះ​ ១​ឈ្មោះ ឡេង លាភ ភេទ​ប្រុស អាយុ​២០​ឆ្នាំ មុខរបរ​មិន​ពិតប្រាកដ​។ ២​ឈ្មោះ គង់ ពុ​ត្រា ភេទ​ប្រុស អាយុ​២១​ឆ្នាំ មុខរបរ​មិន​ពិតប្រាកដ ទាំង​២​នាក់​រស់នៅ​ភូមិ​រកា ឃុំ​ស្នោ ស្រុក​ព្រៃកប្បាស​។​និង​ទី​៣​ឈ្មោះ ឡេង ហាក់ ភេទ​ប្រុស អាយុ​២៤​ឆ្នាំ មុខរបរ​មិន​ពិតប្រាកដ រស់នៅ​ភូមិ​អន្លុង​តាសេក​ក្រោម ឃុំ​ព្រែក​អំបិល ស្រុក​ស្អាង ខេត្តកណ្តាល​។

វត្ថុតាង​ដក​ហូត​មាន ម្សៅ​ក្រាម​ពណ៌​ស​ថ្លា​សង្ស័យ​សារធាតុ​ញៀន​០៣​កញ្ចប់ (​ធំ​០១​កញ្ចប់​, តូច​០២​កញ្ចប់​) ថង់​សម្រាប់​ច្រក​គ្រឿងញៀន​មួយចំនួន អំពូល​សម្រាប់​ជក់​ថ្នាំញៀន​០១ ទូរស័ព្ទដៃ​០៣​គ្រឿង និង​ម៉ូតូ​០២​គ្រឿង​ផងដែរ​។​

បច្ចុប្បន្ន​ជនសង្ស័យ​ទាំង​៤​នាក់​ខាងលើ​និង​វត្ថុតាង ត្រូវបាន​កម្លាំង​ជំនាញ​នៃ​ស្នងការ​នគរបាល​ខេត្តតាកែវ​កសាង​សំណុំរឿង​បញ្ជូនទៅ​សាលាដំបូង​ខេត្ត​ចាត់ការ​តាម​នីតិវិធី​៕

អត្ថបទ ៖ វីរៈ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

បាត់ដំបង ចាប់ផ្តើមពិនិត្យប័ណ្ណចាក់វ៉ាក់សាំងជាផ្លូវការ មុនចូលក្នុងសាលាខេត្ត

ព័ត៌មានជាតិ១១ ម៉ោង មុន

ជនជាតិ​ថៃ​ម្នាក់ ​វេរ​លុយ​ជាមួយ​ម្ចាស់​ហាង​បុរី KTH ៦៥១.០០០​បាត ហើយ​រត់​គេច​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ១១ ម៉ោង មុន

ផ្ទុះ​កំប៉ុង​ហ្គាស​បង្ក​ឲ្យ​ឆេះ​ផ្ទះ​មួយ​ខ្នង​ នៅ​សង្កាត់​ក្បាលកោះ​

ព័ត៌មានជាតិ១៣ ម៉ោង មុន

រដ​បាល​ខេត្ត​បញ្ជា​ឲ្យ​បិទ​ផ្សារ រលួស​បន្ទាប់ពី​ផ្ទុះ​ជំងឺ​កូ​វីដ១៩ខ្លាំង

ព័ត៌មានជាតិ១៤ ម៉ោង មុន

ម្ចាស់​សំណង់​ស្ថានីយ​ប្រេង​ឥន្ធនៈ​TOTAL បាន​លើក​ឡើង​ថា សំណង់​របស់​លោក​មានច្បាប់​និង​មិន​រំលោភ​យក​ដី​រដ្ឋ​នោះ​ទេ

Sokha Hotels

ព័ត៌មានពេញនិយម

Helistar Cambodia - Helicopter Charter Services