Connect with us

ព័ត៌មានជាតិ

លោក ហែម ដារិទ្ធិ ត្រូវបានប្រកាសចូលកាន់តំណែងជាអភិបាលរងខេត្តព្រះសីហនុ

បានផុស

នៅ

លោក ហែម ដារិទ្ធិ អតីតអភិបាលខណ្ឌមានជ័យ ត្រូវបានប្រកាសចូលកាន់មុខតំណែងជាអភិបាលរងនៃគណៈអភិបាលខេត្តព្រះសីហនុហើយ នៅរសៀលថ្ងៃទី១៨ ខែធ្នូ ឆ្នាំ២០២៣ ក្រោមវត្តមានរបស់លោក ប្រាក់ សំអឿន រដ្ឋលេខាធិការក្រសួងមហាផ្ទៃ។ នេះបើតាមការផ្សព្វផ្សាយរបស់រដ្ឋបាលខេត្តព្រះសីហនុនៅថ្ងៃទី១៨ ខែធ្នូ នេះ។

លោក ប្រាក់ សំអឿន និងលោក ហែម ដារិទ្ធិ (លោក ហែម ដារិទ្ធិ នៅស្តាំដៃ) រូបភាពពី៖ រដ្ឋបាលខេត្តព្រះសីហនុ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីប្រកាសចូលកាន់តំណែងនេះ លោក គួច ចំរើន អភិបាលខេត្តព្រះសីហនុ បានគាំទ្រ និងលើកទឹកចិត្តដល់លោក ហែម ដារិទ្ធិ ឳ្យយកចិត្តទុកដាក់ខ្ពស់ ដើម្បីអនុវត្តតាមតួនាទី ភារកិច្ច ដែលថ្នាក់ដឹកនាំប្រគល់ជូនប្រកបដោយមនសិការវិជ្ជាជីវៈ មានការទទួលខុសត្រូវខ្ពស់ ធានានូវអភិបាលកិច្ចល្អ យុត្តិធម៌សង្គម និងការអភិវឌ្ឍ ពង្រឹងការផ្តល់សេវាសាធារណៈជូនប្រជាពលរដ្ឋ។ បន្ថែមពីនេះ លោកអភិបាលខេត្ត ក៏បានឱ្យលោក ហែម ដារិទ្ធិ ប្រកាន់ភ្ជាប់នូវអភិក្រមរបស់សម្តេចអគ្គមហាសេនាបតីតេជោ ហ៊ុន សែន គឺ “ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់” ផងដែរ។

លោក គួច ចំរើន (រូបភាពពី៖ រដ្ឋបាលខេត្តព្រះសីហនុ)

ដោយឡែក រដ្ឋលេខាធិការក្រសួងមហាផ្ទៃ លោក ប្រាក់ សំអឿន បានផ្តាំផ្ញើដល់លោក ហែម ដារិទ្ធិ ដែលជាអភិបាលរងថ្មី ត្រូវខិតខំបំពេញការងារឱ្យកាន់តែល្អប្រសើរបន្ថែមទៀត ដើម្បីបម្រើសង្គមជាតិ និងប្រជាពលរដ្ឋឱ្យបានល្អ។ ត្រូវមានសាមគ្គីភាពផ្ទៃក្នុងជាមួយគណៈអភិបាលខេត្ត គណៈអភិបាលក្រុង ស្រុក ពិសេសមន្រ្តីរាជការក្រោមឱវាទ និងមន្ទីរ អង្គភាពពាក់ព័ន្ធ ដើម្បីធ្វើយ៉ាងណាខិតខំប្រឹងប្រែងយកអស់កម្លាំងកាយចិត្ត ប្រាជ្ញាស្មារតី ចូលរួមចំណែកយ៉ាងសកម្មក្នុងការដឹកនាំចាត់ចែងការងារប្រចាំថ្ងៃនៅរដ្ឋបាលខេត្តព្រះសីហនុ និងអនុវត្តតាមគោលនយោបាយរបស់រដ្ឋាភិបាលដើម្បីឱ្យសង្គមរីកចម្រៀនគ្រប់វិស័យ។

លោក ប្រាក់ សំអឿន (រូបភាពពី៖ រដ្ឋបាលខេត្តព្រះសីហនុ)

សូមជម្រាបថា មុនក្លាយជាអភិបាលរងខេត្តព្រះសីហនុនេះ លោក ហែម ដារិទ្ធិ គឺជាអភិបាលខណ្ឌមានជ័យ រាជធានីភ្នំពេញ។ បន្ទាប់មក នៅថ្ងៃទី ៣០ ខែវិច្ឆិកា ឆ្នាំ២០២៣ តាមអនុក្រឹត្យ ស្តីពីការតែងតាំងមន្ត្រី បានតែងតាំងលោក ហែម ដារិទ្ធិ ឋានន្តរស័ក្តិឧត្តមមន្ត្រីថ្នាក់លេខ៣ ឱ្យកាន់មុខតំណែងជាអភិបាលរង នៃគណៈអភិបាលខេត្តព្រះសីហនុ និងចូលកាន់តំណែងនៅថ្ងៃទី១៨ ខែធ្នូនេះ៕

លោក ហែម ដារិទ្ធិ (រូបភាពពី៖ រដ្ឋបាលខេត្តព្រះសីហនុ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

អត្ថាធិប្បាយ៥ វិនាទី មុន

ទស្សនៈ៖ តើហេតុអ្វីបានជារដ្ឋមន្រ្តីការពារជាតិអាម៉េរិកមកទស្សនកិច្ចនៅកម្ពុជាក្នុងអំឡុងពេលនេះ?

ព័ត៌មានជាតិ៧ នាទី មុន

សមិទ្ធផល​ដ៏​សំខាន់ចំនួនពីរ​​ បញ្ចប់​ការ​សាងសង់​​ ជំរុញ​​ផ្លាស់ប្តូរ​មុខមាត់​ខេត្តកែប

ព័ត៌មានអន្ដរជាតិ៨ នាទី មុន

ប្រមុខណាតូស្វែងរកប្រាក់ជាង ៤០ ពាន់លានដុល្លារក្នុងមួយឆ្នាំៗជួយដល់ អ៊ុយក្រែន

សេចក្ដីជូនដំណឹង១៤ នាទី មុន

កុមារ១២០នាក់ មើលកុន 3D លើកដំបូងក្នុងឆាកជីវិត ជាមួយមីជាតិ នៅខេត្តសៀមរាប

ព័ត៌មានអន្ដរជាតិ១៩ នាទី មុន

អ៊ីស្រាអែល ប្រកាសទម្លាក់គ្រាប់បែកនៅហ្គាហ្សាដល់ឆ្នាំ ២០២៥ មិនខ្វល់ពាក្យរិះគន់

សេចក្ដីជូនដំណឹង១៨ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២២ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២២ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង២០ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានអន្ដរជាតិ៨ ម៉ោង មុន

លោក បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដី រុស្ស៊ី

Sokha Hotels

ព័ត៌មានពេញនិយម