ព័ត៌មានជាតិ

លោក ហេង សួរ រាយការណ៍ពីវឌ្ឍនភាព នៃវិស័យការងារ សន្តិសុខសង្គម និង បណ្ដុះបណ្ដាលវិជ្ជាជីវៈ ជូនរដ្ឋសភា

បានផុស

២ years មុន

នៅ

ថ្ងៃអង្គារ ៩ មករា ២០២៤

ដោយ

នៅថ្ងៃទី ៩ ខែមករា ឆ្នាំ ២០២៤ នេះ លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានដឹកនាំសហការី រាយការណ៍ពីវឌ្ឍនភាពរបស់ក្រសួងស្ដីពីវិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ជូនគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទាការងារ បណ្ដុះបណ្ដាលវិជ្ជាជីវៈ និងកិច្ចការនារី នៃរដ្ឋសភា ដែលដឹកនាំដោយ លោកជំទាវ ឡោក ខេង ប្រធានគណៈកម្មការទី ៨ នាវិមានរដ្ឋសភា។

លោក ហេង សួរ បានរាយការណ៍ពីលទ្ធផល នៃអនុសាសន៍ទាំង ១០ ចំណុច របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដាក់ឲ្យក្រសួងការងារ និងបណ្ដុះបណ្ដាលវិជ្ជាជីវៈ តាំងពីដើមអាណត្តិទី ៧។ ក្នុងនោះ លោករដ្ឋមន្ត្រី បានរាយការណ៍ពីលទ្ធផល នៃអនុសាសន៍ ៦ ចំណុច ដែលក្រសួងបានអនុវត្តគ្រប់ជ្រុងជ្រោយនៅមុនបំណាច់ឆ្នាំ ២០២៣ និងអនុសាសន៍ ៤ ចំណុច នឹងត្រូវធ្វើបន្តតាមផែនការបានដាក់។

ក្រោយស្ដាប់សេចក្ដីរាយការណ៍ លោកជំទាវប្រធានគណៈកម្មការ បានវាយតម្លៃខ្ពស់ចំពោះលទ្ធផល និងកោតសរសើរចំពោះវឌ្ឍនភាពគួរឲ្យកត់សម្គាល់សម្រាប់វិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ដែលបានសម្រេចយ៉ាងច្រើនក្នុងដើមអាណត្តិទី ៧ នេះ៕