ព័ត៌មានជាតិ
ឯកឧត្តម ហ៊ុន ម៉ានី គាំទ្រចំពោះចំណាត់ការផ្ដន្ទាទោសចិនតៃវ៉ាន់២នាក់ ដែលបំផ្លាញមុខមាត់កម្ពុជា
តាមរយៈសំណេរនៅលើទំព័រហ្វេសប៊ុក ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ នៅរសៀលថ្ងៃសៅរ៍ ទី១៧ ខែកុម្ភៈ នេះ បានប្រកាសគាំទ្រដល់រាជរដ្ឋាភិបាល ចំពោះវិធានការម៉ឺងម៉ាត់ ក្នុងការបង្រ្កាបជនជាតិចិនតៃវ៉ាន់ពីរនាក់ ដែលផលិតវីដេអូបំផ្លាញកិត្តិយសខេត្តព្រះសីហនុ របស់កម្ពុជា។
គួរជម្រាបថា សាលាដំបូងខេត្តព្រះសីហនុនៅថ្ងៃទី ១៥ ខែកុម្ភៈ បានសម្រេចផ្ដន្ទាទោសបុរសជនជាតិចិនតៃវ៉ាន់ ឈ្មោះ CHEN NENG CHUAN អាយុ៣១ឆ្នាំ និងឈ្មោះ LU TSU HSIEN ភេទប្រុស អាយុ៣៤ឆ្នាំ ឱ្យជាប់ពន្ធនាគាររយៈពេល ២ ឆ្នាំ និងពិន័យប្រាក់ម្នាក់ ៤ លានរៀល ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្ដិសុខសង្គម ក្រោយពេលដែលពួកគេចូលមកកម្ពុជាដើម្បីផលិតវីដេអូបំភ្លើសការពិត អំពីសកម្មភាពពាក់ព័ន្ធ នឹងការជួញដូរមនុស្ស ការបង្ខាំងធ្វើទារុណកម្ម អំពើចាប់រំលោភ និងការលក់សរីរាង្គមនុស្ស។
សម្រាប់ឯកឧត្តម ហ៊ុន ម៉ានី ចំណាត់ការរបស់តុលាការខេត្តព្រះសីហនុនេះ ជាសារព្រមានមួយទៅកាន់ជនបរទេសឱ្យបានដឹងថា កម្ពុជានឹងមិនអនុញ្ញាតឱ្យមានអំពើទុច្ចរិតបែបបំផ្លាញមុខមាត់ កេរ្តិ៍ឈ្មោះបានឡើយ ទោះប្រព្រឹត្តក្នុងពេលវេលាបច្ចុប្បន្ន ឬទៅថ្ងៃអនាគតក៏ដោយ។
បើតាម ឯកឧត្តម ហ៊ុន ម៉ានី ទង្វើរបស់ជនជាតិចិនតៃវ៉ាន់២នាក់នេះ គឺជាការមូលបង្កាច់ខុសស្ថានភាពជាក់ស្ដែងនៅកម្ពុជាដែលកំពុងមានភាពសុខសាន្តក្រោមម្លប់នៃសន្តិភាព និងបានធ្វើឱ្យប៉ះពាល់យ៉ាងធ្ងន់ធ្ងរមកលើកិត្តិយស និងមុខមាត់របស់កម្ពុជា ដែលមិនអាចអត់ឱនឱ្យបានឡើយ។
ក្រៅតែពីការគាំទ្រចំណោះចំណាត់ការរបស់តុលាការ ឯកឧត្តមរដ្ឋមន្ត្រី ក៏បានដាក់ក្ដីសង្ឃឹមថា នឹងមិនមានអំពើបែបនេះ កើតឡើងសារជាថ្មីម្តងទៀតនៅលើទឹកដីកម្ពុជានោះទេ។
ជាចុងក្រោយ ឯកឧត្តម ក៏បានអំពាវនាវដល់ពលរដ្ឋខ្មែរត្រូវចូលរួមទប់ស្កាត់ការចែកចាយ និងផ្សព្វផ្សាយមាតិកាដែលមានលក្ខណៈបំភ្លៃការពិត និងមានចរិតញុះញង់ឱ្យមានការយល់ច្រលំមកលើសង្គមជាតិកម្ពុជា៕
ដោយ÷ ង៉ិល ណារ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ