ព័ត៌មានជាតិ
ច្រាំងស្ទឹងសង្កែជាច្រើនកន្លែងបាក់ស្រុត ក្រោយពីមានការទម្លាក់កម្ពស់ទឹកស្ទឹងសង្កែ
ច្រាំងស្ទឹងសង្កែជាច្រើនកន្លែងបានបាក់ស្រុត ក្រោយរដ្ឋបាលខេត្តបាត់ដំបងបានបញ្ជាទៅមន្ទីរធនធានទឹកនិងឧតុនិយមឲ្យទម្លាក់កម្ពស់ទឹកស្ទឹងពីជាង ១០ ម៉ែត្រមកនៅត្រឹម ៦ ម៉ែត្រឬក្រោមនេះ ដើម្បីសំអាតបរិស្ថានទឹកដែលពោរពេញដោយស្លែរ។
ជាក់ស្ដែងច្រាំងស្ទឹងដែលបាក់ស្រុតស្ថិតនៅប្របនឹងវិមានឯករាជ្យ នៅក្បែរសណ្ឋាគារឃីង ដែលស្ថិតនៅកណ្ដាលបេះដូងក្រុងបាត់ដំបង និងនៅចំពីមុខសាលាឃុំអូរដំបង១ ស្ថិតនៅក្នុងទឹកដីស្រុកសង្កែ។
ស្ថានភាពទឹកស្ទឹងសង្កែស្ថិតនៅនឹងថ្កល់អស់រយៈពេលជាច្រើនខែ ហើយនៅរយៈពេលមួយខែចុងក្រោយរដ្ឋបាលខេត្តបាត់ដំបងបានចាត់ឲ្យបើកទ្វារស្ទាក់ទឹកនៅទំនប់សាលាតាអនដើម្បីឲ្យកម្ពស់ទឹកទាបចុះ ក៏ស្រាប់តែគេឃើញច្រាំងស្ទឹងជាច្រើនកន្លែងបានប្រេះស្រាំនិងបាក់ស្រុត។
បើតាមការសន្និដ្ឋានពីពលរដ្ឋ ការបាក់ស្រុតអាចមកពីបច្ចេកទេសនៃការស្ថាបនាច្រាំងស្ទឹងមិនទាន់មានកម្រិតស្តង់ដារព្រោះទាំងនៅក្នុងក្រុង ក៏ដូចជានៅតាមស្រុកមួយចំនួនបានប្រេះស្រុតយ៉ាងខ្លាំង ដែលអាចបង្កជាហានិភ័យដល់អ្នកបើកបរយានយន្ត ព្រោះចំណុចខ្លះមិនត្រឹមតែស្រុតច្រាំងស្ទឹងប៉ុណ្ណោះទេ ថែមទាំងប្រេះទាញដល់ផ្លូវថ្នល់មួយចំហៀងថែមទៀត។
កន្លងមកនេះ រដ្ឋបាលខេត្តបាត់ដំបងបានស្ថាបនាច្រាំងស្ទឹងសង្កែជាច្រើនកន្លែង ដែលក្នុងនោះក៏មានពាក់ព័ន្ធមន្ទីរជំនាញនិងក្រុមហ៊ុន ទុយ គី បានសម្រុកស្ថាបនាច្រាំងស្ទឹងទាំងនៅកណ្ដាលក្រុងបាត់ដំបង ក៏ដូចជាតាមបណ្ដាលស្រុកដែលជាប់នឹងដងស្ទឹងសង្កែ ដើម្បីរៀបចំឲ្យមានសោភ័ណភាព និងលើកមុខមាត់ឲ្យខេត្តបាត់ដំបង ក្នុងគោលបំណងទាក់ទាញភ្ញៀវទេសចរជាតិនិងអន្តរជាតិឲ្យចូលមកកម្សាន្តឲ្យបានកាន់តែច្រើនឡើង។
ទាក់ទងច្រាំងស្ទឹងដែលទើបស្ថាបនារួចមិនបានមួយឆ្នាំផងស្រាប់តែបាក់ស្រុត ប្រជាពលរដ្ឋបានស្នើដល់អាជ្ញាធរខេត្តឬក្រសួងពាក់ព័ន្ធឲ្យពិនិត្យឡើងវិញទៅលើក្រុមហ៊ុនដែលម៉ៅការសាងសង់ ព្រោះបញ្ហាទាំងនេះក៏ស្ថិតនៅក្រោមក្រសែភ្នែករបស់ភ្ញៀវទេសចរជាតិនិងអន្តរជាតិផងដែរ។
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ