ព័ត៌មានជាតិ
លិខិតពីរច្បាប់បញ្ជាក់បន្ថែមករណីស្លាប់អ្នកគ្រូបង្រៀននៅខេត្តក្រចេះ
ការចែកចាយព័ត៌មានតៗគ្នាលើករណីអ្នកគ្រូបង្រៀនម្នាក់នៅខេត្តក្រចេះបានស្លាប់ ដោយលើកឡើងពាក់ព័ន្ធការចាក់វា៉ក់សាំងកូវីឌ ១៩ ត្រូវបានអ្នកនាំពាក្យក្រសួងសុខាភិបាលធ្វើការច្រានចោល។ អ្នកនាំពាក្យក្រសួងសុខាភិបាលបានធ្វើការឆ្លើយបំភ្លឺថា អ្នកគ្រូបង្រៀនរូបនោះបានស្លាប់ ដោយសារមានជំងឺរលាកស្រោមខួរក្បាលធ្ងន់ធ្ងរ មិនពាក់ព័ន្ធការចាក់វា៉ក់សាំងកូវីដ ១៩ ទេ។
បន្ថែមពីការអះអាងរបស់មន្រ្តីក្រសួងសុខាភិបាល ការិយាល័យអប់រំយុវជននិងកីឡាស្រុកឈ្នួល ក៏បញ្ជាក់ពីករណីស្លាប់គ្រូបង្រៀនរូបនេះដែរ។ ក្នុងលិខិតសុំច្បាប់របស់អ្នកគ្រូឈ្មោះ ឆន ណារី ជាគ្រូបង្រៀនវិទ្យាល័យហ៊ុន សែនឈ្នួល បានស្នើឈប់សម្រាកចំនួន ១៦ ថ្ងៃ ពីថ្ងៃទី ០១ កុម្ភៈដល់ ១៦ កុម្ភៈឆ្នាំ ២០២១ មូលហេតុសម្រាកព្យាបាលជំងឺ។
ជាមួយគ្នានេះ មន្ទីរពេទ្យកាល់ម៉ែត ក៏បញ្ជាក់ដែរថា គ្រូបង្រៀនឈ្មោះ ឆន ណារី ពិតជាបានសម្រាកព្យាបាលជំងឺនៅមន្ទីរពេទ្យកាល់ម៉ែតប្រាកដមែន។
លោក ស្រី ឱ វណ្ណឌីន អ្នកនាំពាក្យក្រសួងសុខាភិបាល ធ្វើការច្រានចោលព័ត៌មានមានគ្រូបង្រៀនស្រីម្នាក់ស្លាប់ដោយសារការចាក់វ៉ាក់សាំងកូវីដ១៩។
ក្រសួងសុខាភិបាលធ្វើការច្រានចោលទាំងស្រុងការចុះផ្សព្វផ្សាយព័ត៌មានប្រឌិតនេះ។ អ្វីដែលក្រសួងទទួលបាន គឺអ្នកគ្រូដែលស្លាប់នោះ គឺមានជំងឺរលាកស្រោមខួរក្បាលធ្ងន់ធ្ងរ បន្ទាប់ពីគ្រូពេទ្យជួយសង្គ្រោះមិនបាន។
ការច្រានចោលនេះ បានធ្វើឡើងបន្ទាប់ពីមានគណនីហ្វេប៊ុកមួយបង្ហោះថា មានគ្រូបង្រៀនម្នាក់នៅខេត្តក្រចេះស្លាប់បាត់បង់ជីវិតដោយសារវ៉ាក់សាំងកូវីដ១៩ស៊ីណូហ្វាមរបស់ចិន។
បើតាមអ្នកនាំពាក្យក្រសួងសុខាភិបាល មកទល់ពេលនេះក្រសួងនៅមិនទាន់មានការចាក់វ៉ាក់សាំងកូវីដ១៩ដល់ក្រុមគ្រូបង្រៀននៅឡើយទេ។ មានន័យថារហូតមកដល់ពេលនេះនៅមិនទាន់មានគ្រូបង្រៀនណាម្នាក់ទទួលបានចាក់វ៉ាក់សាំងនេះទេ៕
អត្ថបទ៖ ប៊ុណ្ណារ៉ា
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម