ព័ត៌មានជាតិ
សម្ដេចធិបតី បានអញ្ជើញនាយករដ្ឋមន្ត្រីម៉ាឡេស៊ីមកបំពេញទស្សនកិច្ចផ្លូវការនៅកម្ពុជា
ឆ្លើយតបនឹងសំណួររបស់ «កម្ពុជាថ្មី» នៅក្នុងសន្និសីទសារព័ត៌មាន រដ្ឋមន្ត្រីប្រតិភូអមនាយករដ្ឋមន្ត្រី ហ្សង់ ហ្វ្រង់ស្វ័រតាន់ បានឱ្យដឹងថា ក្នុងពេលបំពេញទស្សនកិច្ចផ្លូវការនៅម៉ាឡេស៊ីនាថ្ងៃទី២៧ ខែកុម្ភៈ ឆ្នាំ២០២៤ នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានអញ្ជើញនាយករដ្ឋមន្ត្រីម៉ាឡេស៊ី លោក អានវ៉ា អ៉ីប្រាហ៊ីម ឱ្យមកបំពេញទស្សនកិច្ចផ្លូវការនៅកម្ពុជា។
លោក ហ្សង់ ហ្វ្រង់ស្វ័រតាន់ បានឆ្លើយតបដូច្នេះ “ព្រឹកមិញនេះនាឱកាសចរចា ជាមួយ ឯកឧត្តម អានវ៉ា អ៉ីប្រាហ៊ីម សម្ដេចធិបតីបានអញ្ជើញជាផ្លូវការ ឯកឧត្តម អានវ៉ា អ៉ីប្រាហ៊ីម ឲ្យអញ្ជើញមកបំពេញទស្សនកិច្ចនៅក្នុងប្រទេសម្ពុជា” ។
ជាការឆ្លើយតប នាយករដ្ឋមន្ត្រីម៉ាឡេស៊ី លោក អានវ៉ា អ៉ីប្រាហ៊ីម បានបញ្ជាក់ជូនសម្ដេចធិបតី ហ៊ុន ម៉ាណែត វិញថា លោកនឹងពិនិត្យលទ្ធភាពក្នុងការបំពេញទស្សនកិច្ចផ្លូវការនៅកម្ពុជាឱ្យបានសមស្របតាមពេលវេលា។ បើតាមបន្ថែមរបស់រដ្ឋមន្ត្រីប្រតិភូអមនាយករដ្ឋមន្ត្រីរូបនេះ នាយករដ្ឋមន្ត្រីម៉ាឡេស៊ី មិនបានបញ្ជាក់ថា នឹងមកបំពេញទស្សនកិច្ចផ្លូវការនៅកម្ពុជា ក្នុងពេលវេលាជាក់លាក់ណាមួយនោះទេ។
គួរឱ្យដឹងបន្តិចថា នាយករដ្ឋមន្ត្រីម៉ាឡេស៊ី លោក អានវ៉ា អ៉ីប្រាហ៊ីម ធ្លាប់បានមកបំពេញទស្សនកិច្ចជាផ្លូវការនៅកម្ពុជាម្ដងរួចមកហើយ ពោលគឺកាលពីថ្ងៃទី២៧ ខែមីនា ឆ្នាំ២០២៣ តបតាមការអញ្ជើញរបស់សម្ដេចតេជោ ហ៊ុន សែន ។ ទស្សនកិច្ចរបស់លោក អានវ៉ា អ៉ីប្រាហ៊ីម នាកាលណោះ គឺក្រោមគោលបំណងធ្វើយ៉ាងណាដើម្បីបង្កើនល្បឿនស្ទុះនៃទំនាក់ទំនងរវាងកម្ពុជា និងម៉ាឡេស៊ី។
សូមបន្ថែមបន្តិចទៀតថា កម្ពុជា-ម៉ាឡេស៊ី បានចងចំណងការទូតជាមួយគ្នាជាផ្លូវការនៅក្នុងឆ្នាំ១៩៥៧ បើគិតត្រឹមឆ្នាំ២០២៤នេះ គឺទំនាក់ទំនងនៃប្រទេសទាំងពីរមានវ័យ៦៧ឆ្នាំ ហើយ៕
ដោយ៖ ង៉ិល ណារ៉ាត់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង