ព័ត៌មានជាតិ

មន្ត្រីនគរបាលប៉ុស្តិ៍ព្រះស្រែ ស្រុកឧដុង្គ ម្នាក់ យកកាំភ្លើងAK ប៉ងបាញ់សម្លាប់ប្រជាការពារ

បានផុស

៥ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

មន្ត្រីនគរបាលប៉ុស្ដិ៍ព្រះស្រែពាក់ស័ក្ដិ៣ម្នាក់ ព្រោះតែទំនាស់ពាក្យសម្ដីក្នុងវង់ផឹកស៊ី ស្ទុះទៅយកកាំភ្លើងAK បើកសោអាម៉េបញ្ជូលគ្រាប់ប៉ងបាញ់សម្លាប់ប្រជាការពារម្នាក់ តែត្រូវបានប្រជាការពារផ្សេងទៀតដែលអង្គុយផឹកស៊ីជាមួយគ្នា ជួយចាប់និងដណ្ដើមកាំភ្លើងបានមកវិញ។

ករណីនេះបានកើតឡើងកាលពីយប់ថ្ងៃទី១៦ ខែកុម្ភៈ ឆ្នាំ២០២១ នៅចំណុចភូមិពោធិ៍កោង ឃុំព្រះស្រែ ស្រុកឧដុង្គ ខេត្តកំពង់ស្ពឺ។

ជនសង្ស័យមានឈ្មោះ ឱម ពេជ្រពិដោ មានឋានន្តរស័ក្តិ អនុសេនីយ៍ឯក (ស័ក្តិ ៣) ជាមន្ត្រីនគរបាលរដ្ឋបាលឃុំព្រះស្រែ ស្រុកឧដុង្គ ខេត្តកំពង់ស្ពឺ។ ចំណែកជនរងគ្រោះមានឈ្មោះ អ៊ី សុផល ភេទប្រុស មានមុខរបរ ប្រជាការពារភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅមុនពេលកើតហេតុ ជនសង្ស័យ និងជនរងគ្រោះ ព្រមទាំងកម្លាំងប្រជាការពារដទៃទៀត បានផឹកស៊ីជាមួយគ្នា។ លុះដល់ម៉ោងប្រហែល៨យប់ថ្ងៃទី១៦ ខែកុម្ភៈ ឆ្នាំ២០២១ ជនសង្ស័យបាននិយាយទៅកាន់ជនរងគ្រោះ និងកម្លាំងប្រជាការពារដទៃទៀតថា «ពួកប្រជាការពារ មិចមិនដើរល្បាតជាមួយអញ? មិចទៅដើរជាមួយប៉ូលិសផ្សេង?» ពេលនោះជនរងគ្រោះ អ៊ី សុផល បានតបវិញថា៖«ពួកខ្ញុំដើរតាមបទបញ្ជារបស់មេប៉ុស្តិ៍ បើមេប៉ុស្តិ៍ឲ្យទៅជាមួយអ្នកណា ខ្ញុំទៅជាមួយអ្នកនោះ។» ពេលលឺដូចឆ្នេះ ធ្វើឲ្យជនសង្ស័យខឹង និងស្រែកថា «អញទៅយកកាំភ្លើងបាញ់ ឯង (ជនរងគ្រោះ) ចោលមួយមើល។» និយាយរួចជនសង្ស័យក៏ជិះម៉ូតូចេញទៅមួយបាត់។ មួយសន្ទុះក្រោយមក ស្រាប់តែ ជនសង្ស័យស្ពាយកាំភ្លើងAK (បើកសោ និងអាម៉េបញ្ចូលគ្រាប់ហើយស្រេច) ទៅភ្ជង់បម្រុងបាញ់សម្លាប់ជនរងគ្រោះមែន តែដោយមានកម្លាំងប្រជាការពារនៅកន្លែងកើតហេតុ ជួយជ្រោងកាំភ្លើងឡើងលើទាន់ ទើបបាញ់ខុសជនរងគ្រោះ ចំនួន១គ្រាប់ និងត្រូវប្រជាការពារម្នាក់កាច់យកបង់កាំភ្លើងចេញ និងដណ្តើមកាំភ្លើងបានទើបមិនបណ្ដាលឲ្យមានអ្នកណារងរបួស ឬស្លាប់ នៅក្នុងពេលកើតហេតុ។

ក្រោយកើតហេតុ ជនសង្ស័យត្រូវបានឃាត់ខ្លួនបញ្ជូនទៅស្នងការដ្ឋាននគរបាលខេត្តកំពង់ស្ពឺ ដើម្បីសាកសួរ និងចាត់ការតាមផ្លូវច្បាប់៕

អត្ថបទ ៖ សុខុម

Related Topics:ខេត្តកំពង់ស្ពឺ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា