Connect with us

ព័ត៌មានជាតិ

អាជ្ញាធរស្រុកព្រះនេត្រព្រះជីកប្រឡាយ ៨ គីឡូម៉ែត្រ ឱ្យទេសចរជិះទូកគយគន់សត្វស្លាបរាប់ម៉ឺនក្បាល

បានផុស

នៅ

ដើម្បីទាក់ទាញភ្ញៀវទេសចរទៅទស្សនាសហគមន៍តំបន់ការពារធម្មជាតិទេសចរណ៍រហាលកេះ(អាវៀង)ដែលសម្បូរសត្វស្លាបរាប់មុឺនក្បាលហើរលើវេហា និងចូលទ្រនំទំលើមែកឈើនាពេលរសៀលនៅរដូវវស្សាបាន ខណៈបច្ចុប្បន្នតំបន់ទេសចរណ៍មួយនេះដែលនៅមិនឆ្ងាយពីទីរួមខេត្តបបន្ទាយមានជ័យប្រមាណជា ២៣ គីឡូម៉ែត្រ ស្ថិតនៅក្នុងឃុំឈ្នួមានជ័យស្រុកព្រះនេត្រព្រះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរឃុំឈ្នួមានជ័យបានខិតខំរកដៃគូមកអភិឌ្ឍជីកប្រឡាយស្ថាបនាផ្លូវតភ្ជាប់ពីផ្លូវជាតិលេខ៦Aដែលជាផ្លូវទេសចរណ៍ដ៍សំខាន់ទៅកាន់តំបន់ទេសចរណ៍រហាលកេះខាងលើតាមរយះជិះទូកកាណូតនារដូវវស្សាទឹកលិច។

តាមរយៈការផ្តល់បទសម្ភាសពីលោកខុង ប៊ុន មេឃុំឈ្នួមានជ័យបានឱ្យដឹងថា ជាកិច្ចផ្តួចផ្តើមរបស់លោកនៅដើមឆ្នាំ២០២៤នេះដើម្បីសម្រួលដល់ការធ្វើដំណើររបស់ភ្ញៀវទេសចរណ៍ និងជាប្រយោជន៍សម្រាបកសិករបានទឹកស្រោចស្របដំំណាំកសិកម្មឃុំបានធ្វើគម្រោងចំនួន២គឺជីកប្រឡាយប្រវែងជាង៨គីឡូម៉ែត្រទៅទល់នឹងបឹងអភិរក្សរហាលកេះដើម្បីឱ្យភ្ញៀវទេសចរណ៍អាចទៅកម្សាន្តលេងនារដូវវស្សា និងមួយទៀតគឺការលើកផ្លូវប្រវែងជាងបីគីឡូម៉ែត្រតភ្ជាប់ពីផ្លូវភូមិរពាក់ដែលភ្ជាប់ពីផ្លូវជាតិលេខ៦ ាA ទៅដល់តំបន់សត្វស្លាប។

តាមការរំពឹងទុកក្រោយជីកប្រឡាយ និងស្ថាបនាផ្លូវនៅខែមេសាខាងមុខដែលជារដូវបុណ្យចូលឆ្នាំប្រពៃណីជាតិនឹងមានភ្ញៀវទេសចរណ៍មកកម្សាន្តច្រើនហើយរហូតដល់ខែវស្សាក៏នៅតែមានភ្ញៀវមកកម្សាន្តលេងតាមរយៈការជិះទូកកាណូត ដោយបច្ចុប្បន្នចាប់ពីចុងខែមករាមកជាពីសេសរៀងរាល់ថ្ងៃសៅរ៍-អាទិត្យមានភ្ញៀវមកកំសាន្តលេងចន្លោះពី២០០​ទៅ​៣០០​នាក់ធ្វើដំណើរតតាមម៉ូតូ រថយន្តកគ្រប់ប្រភេទ តាមផ្លូវគោកលើផ្លូវខ្នងប្រឡាយ រួចកាត់វាលស្រែទៅកាន់ទីនោះ។

ភ្ញៀវបានអង្គុយមើលថ្ងៃលិច មើលសត្វស្វាបហើរចូលទ្រនំ រាប់ម៉ឺនសែនក្បាល នៅវេលាចាប់ពីម៉ោង ៥ ទៅម៉ោង៦ល្ងាច ។

ក្រៅពីនេះភ្ញៀវទេសចរណ៍ក៍អាចជិះទូកលេងលើផ្ទៃបឹងមើលការនេសាទត្រី ជាលក្ខណៈគ្រួសារនិងអាចទស្សនាការដាំផ្លែឪឡឹកឬក៍ទិញបរិភោគភ្លាមៗនៅនឹងចំការ។

តាមអាជ្ញាធរប្រវត្តិតំបន់នេះវាជាទំនប់ស្ទាក់បំបែក និងបង្វែរទឹកនៃប្រព័ន្ធធារាសាស្ត្រ ដែលកសាងឡើងក្នុងសម័យកម្ពុជាប្រជាធិបតេយ្យ (ឆ្នាំ១៩៧៥-៧៩)។ តំបន់រហាលកេះនេះមានផ្ទៃដីទឹក និងព្រៃលិចទឹក ទំហំ ២៨ ហិកតា។

មានសត្វស្លាបបានកើនចំនួនជិត ១០ ប្រភេទ រួមមានសត្វស្លាប ចង្គៀលខ្យង ក្អែកទឹក ស្មោញ ត្រយ៉ង ទាព្រៃ ទុងប្រផេះ ខ្វែកធំ ទោម ត្លុម មាន់ទឹក ជាដើម ក្រៅពីនោះ មានសត្វកុក យ៉ាងច្រើនដែរ៕

អត្វបទ៖ អ ពៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤ នាទី មុន

អភិបាលរងខេត្តស្វាយរៀង២រូប ចុះធ្វើបច្ចុប្បន្នភាព​ការបង្ក្រាបល្បែងស៊ីសងខុសច្បាប់ នៅក្រុងបាវិត 

ព័ត៌មានជាតិ១៨ នាទី មុន

ប្រមុខការទូតខ្មែរ៖ កិច្ចសហប្រតិបត្តិការមេគង្គ-ឡានឆាង នឹងបន្តជាវិជ្ជមានជាមួយយន្តការអនុតំបន់មេគង្គដទៃទៀត

ជីវិតកម្សាន្ដ៥៦ នាទី មុន

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

ព័ត៌មានអន្ដរជាតិ៥៨ នាទី មុន

មកដឹងចំនួនពលករ ថៃ ត្រៀមចំណាកស្រុកទៅធ្វើការនៅ កូរ៉េខាងត្បូង ឆ្នាំនេះ

ព័ត៌មានជាតិ១ ម៉ោង មុន

យុវជនសង្គមស៊ីវិល ជួបពិភាក្សាជាមួយតំណាងក្រសួងព័ត៌មាន លើកិច្ចការសង្គម និងព័ត៌មាន

Sokha Hotels

ព័ត៌មានពេញនិយម