ព័ត៌មានជាតិ
មានតែច្រកព្រំដែនចំនួន ៥ ប៉ុណ្ណោះ ដែលត្រូវបានអនុញ្ញាតឱ្យនាំចូលសាច់បង្កកពីបរទេស
អគ្គនាយកដ្ឋានគយ និងរដ្ឋាករកម្ពុជា បានបញ្ជាក់ថា មានមាត់ច្រកព្រំដែនចំនួន ៥ ប៉ុណ្ណោះ ដែលត្រូវបានអនុញ្ញាតឱ្យនាំចូលសាច់បង្កកពីបរទេស។ ការបង្ហាញមាត់ច្រកនាំចូលសាច់បង្កកនេះត្រូវបានធ្វើឡើងស្របពេលដែលកម្ពុជាផ្អាកនាំចូលគ្រឿងក្នុងសត្វ និងបំណែកសាច់បង្កករយៈពេល៦ខែ ដែលបានចូលជាធរមានកាលពីថ្ងៃទី១២ ខែមេសា ឆ្នាំ២០២៤ កន្លងមកនេះ។
កិច្ចប្រជុំកាលពីថ្ងៃទី៤ ខែមេសា ឆ្នាំ២០២៤ កន្លងមកនេះ ដែលត្រូវបានរៀបចំឡើងក្នុងគោលបំណងផ្សព្វផ្សាយដល់វិស័យឯកជនពាក់ព័ន្ធ នូវវិធានការមួយចំនួនរបស់រាជរដ្ឋាភិបាលពាក់ព័ន្ធនឹងការកំណត់ក្រុមហ៊ុនមានគុណវុឌ្ឍិ និងការកំណត់មាត់ច្រកសម្រាប់ការនាំចូលមុខទំនិញសាច់បង្កកមានតែមាត់ច្រកព្រំដែនចំនួន ៥ ប៉ុណ្ណោះ ដែលត្រូវបានអនុញ្ញាតឱ្យនាំចូលសាច់បង្កក រួមមាន ច្រកទ្វារកំពង់ផែអន្តរជាតិក្រុងព្រះសីហនុ ច្រកទ្វារកំពង់ផែអន្តរជាតិរាជធានីភ្នំពេញ ច្រកទ្វារព្រំដែនអន្តរជាតិប៉ោយប៉ែត ច្រកទ្វារព្រំដែនអន្តរជាតិបាវិត និងច្រកទ្វារព្រំដែនអន្តរជាតិដូង។ ចំពោះការនាំចូលតាមមាត់ច្រកផ្សេងពីនេះ ត្រូវស្នើសុំការអនុញ្ញាតជាមុនពីអគ្គនាយកដ្ឋានគយនិងរដ្ឋាករកម្ពុជា។
អគ្គនាយកដ្ឋានគយ និងរដ្ឋាករកម្ពុជា គិតត្រឹមថ្ងៃទី០៤ ខែមេសា ឆ្នាំ២០២៤ មានក្រុមហ៊ុនចំនួន ២០ ត្រូវបានទទួលស្គាល់ថាជាក្រុមហ៊ុនមានគុណវុឌ្ឍិក្នុងការនាំចូលមុខទំនិញសាច់បង្កក។ ទោះជាយ៉ាងណាក៏ដោយ ចំពោះក្រុមហ៊ុនផ្សេងទៀតដែលមានបំណងនាំចូលមុខទំនិញនេះដែរ ត្រូវរៀបចំឃ្លាំងរក្សាសាច់បង្កករបស់ខ្លួនឱ្យបានសមស្របតាមលក្ខណៈបច្ចេកទេស និងត្រូវរួសរាន់ស្នើសុំមកអគ្គនាយកដ្ឋានគយនិងរដ្ឋាករកម្ពុជា ដើម្បីចុះពិនិត្យវាយតម្លៃលើគុណវុឌ្ឍិជាបន្តបន្ទាប់ទៀត។
ទន្ទឹមនេះ តំណាងអគ្គនាយកដ្ឋានគយនិងរដ្ឋាករកម្ពុជា ក៏បានបញ្ជាក់ថា ការកំណត់គុណវុឌ្ឍិ និងការកំណត់មាត់ច្រកសម្រាប់ការនាំចូលសាច់បង្កកនេះ គឺជាវិធានការដោយឡែក បន្ថែមលើវិធានការនានាផ្សេងទៀត ជាពិសេសពាក់ព័ន្ធនឹងប្រព្រឹត្តកម្មហាមឃាត់ ឬជាប់កម្រិតកំណត់ តាមច្បាប់និងបទប្បញ្ញត្តិជាធរមាន៕
-
ព័ត៌មានជាតិ១ សប្តាហ៍ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ព័ត៌មានជាតិ១០ ម៉ោង ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ចរាចរណ៍២២ ម៉ោង ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ១ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ជីវិតកម្សាន្ដ១ សប្តាហ៍ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានជាតិ១ សប្តាហ៍ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៦ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម