ព័ត៌មានជាតិ
ឯកអគ្គរដ្ឋតទូតអាមេរិក៖ ខេត្តសៀមរាបជាកន្លែងទេសចរណ៍ ទាក់ទាញបំផុត ខណៈលោកមានបេសសកម្មការទូត រយៈពេល៥ឆ្នាំ
លោក ប៉ាទីក ម័រហ្វី W. Patrick Murphy ឯកអគ្គរដ្ឋទូតអាមេរិកប្រចាំកម្ពុជា បានលើកឡើងថា ខេត្ដសៀមរាបជាតំបន់ទេសចរណ៍ ទាក់ទាញបំផុតសម្រាប់លោក ខណៈលោកបានបំពេញបេសកកម្មការទូតនៅកម្ពុជាក្នុងរយៈពេល៥ឆ្នាំកន្លងមក។
លោក W. Patrick Murphy បានលើកឡើងបែបនេះ នៅក្នុងជំនួបជាមួយអ្នកសារព័ត៌មាននៅក្នុងខេត្តសៀមរាប នារសៀលថ្ងៃទី២៩ ខែមេសា ឆ្នាំ២០២៤។
លោកបានថ្លែងថា ឆ្នាំនេះជាឆ្នាំចុងក្រោយនៃបេសកកម្មជាឯកអគ្គរដ្ឋទូតសហរដ្ឋអាមេរិកនៅកម្ពុជា ហើយលោកចងចាំបំផុតគឺនៅខេត្តសៀមរាប ទីដែលលោកបានចូលរួមសកម្មភាពកម្សាន្តមួយចំនួនដូចជាកម្មវិធីរត់ពាក់កណ្តាលម៉ារ៉ាតុន នៅអង្គរវត្ត ការទស្សនាការសម្តែងសិល្បៈរបស់អង្គការហ្វាពន្លឺសិល្បៈ ទស្សនាសារៈមន្ទីរ ម្ហូបអាហារ និងការទស្សនាសត្វស្លាប ដែលនៅខេត្តសៀមរាប ដែលមានសត្វស្លាបជាច្រើនប្រភេទសម្រាប់ភ្ញៀវទេសចរទស្សនា។
លោកលើកឡើងថា លោកក៏ពេញចិត្តនូវការចូលរួមលើកកម្ពស់ និងធ្វើឲ្យប្រសើរឡើងវិញនូវប្រាសាទភ្នំបាខែង នៅខេត្តសៀមរាប រួមជាមួយនឹងប្រាសាទព្រះវិហារ នៅខេត្តព្រះវិហារ ដែលជាផ្នែកមួយនៃការធ្វើឲ្យរមណីយដ្ឋានវប្បធម៌ទាំងនេះ មានអ្នកទេសចរជាតិ និងអន្តរជាតិ ជាច្រើនបានចូលមកទស្សនាកម្សាន្ត។
ក្នុងរយៈពេល៥ឆ្នាំនេះដែរ លោកសង្កេតឃើញថា ប្រទេសកម្ពុជាទទួលបានជោគជ័យក្នុងការប្រយុទ្ធប្រឆាំងនឹងជំងឺកូវីដ១៩ ក៏ដូចជាជោគជ័យនៅក្នុងការធ្វើជាម្ចាស់ផ្ទះនៃកិច្ចប្រជុំអាស៊ានផងដែរ។
ជាមួយគ្នានេះកម្ពុជាក៏មានការរីកចម្រើនលើវិស័យសុខភាពសាធារណៈ ដែលនៅពេលបច្ចុប្បន្ននេះ ពលរដ្ឋកម្ពុជា មានការយល់ដឹងអំពីបញ្ហានេះកាន់តែមានចំនួនច្រើន។
លោកសង្កេតឃើញថា ខេត្ដសៀមរាប មានអ្នកទេសចរទៅកម្សាន្ដច្រើនជាងឆ្នាំមុន ហើយពាក់ព័ន្ធនឹងសេដ្ឋកិច្ចក៏មានដៃគូរមកអភិវឌ្ឍន៍ផងដែរ។
លោក ប៉ាកទីក ម័រហ្វី ឯកអគ្គរដ្ឋទូតសហរដ្ឋអាមេរិកប្រចាំកម្ពុជា នឹងបញ្ចប់អាណត្ដិរបស់ខ្លួននៅឆ្នាំនេះ ហើយលោកថាក្រោយពីបញ្ចប់អាណត្ដិលោកនឹងវិលទៅសហរដ្ឋអាមេរិក៕
អត្ថបទ៖ គឿន វេត
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព