ព័ត៌មានជាតិ
ទូតអាមេរិកមកទឹកដីខេត្តបន្ទាយមានជ័យដើម្បីស្វែងយល់អំពីសក្តានុពលនិងការជួញដូរមនុស្សឆ្លងដែន
បន្ទាយមានជ័យ ៖ ព្រឹកថ្ងៃទី៨ ខែកុម្ភៈ ឆ្នាំ២០២២នេះ លោកតែទ្រីកមើហ្វី ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានធ្វើដំណើរទៅកាន់ទឹកដីខេត្តបន្ទាយមានជ័យ ដើម្បីស្វែងយល់អំពីសក្ដានុពលនៃខេត្តជាប់ព្រំដែនមួយនេះ ព្រមទាំងសកម្មភាពនៃការជួញដូរមនុស្សឆ្លងដែននិងវិស័យសុខាភិបាលផងដែរ ក្នុងដំណើរទស្សនកិច្ចនោះលោកទូតក៏បានជួបពិភាក្សាការងារជាមួយលោកអ៊ុ រាត្រី អភិបាលខេត្តបន្ទាយមានមានជ័យផងដែរ។
លោកអ៊ុ រាត្រី បានជម្រាបជូនឯកអគ្គរដ្ឋទូតថា ខេត្តបន្ទាយមានជ័យស្ថិតនៅប៉ែកពាយ័ព្យនៃព្រះរាជាណាចក្រកម្ពុជាមានចម្ងាយប្រមាណ៣៥៩គីឡូម៉ែត្រពីរាជធានីភ្នំពេញ មានព្រំប្រទល់ជាប់ប្រទេសថៃប្រវែង១៥៣គីឡូម៉ែត្រ ហើយខេត្តនេះមានផ្ទៃដីសរុប៦.៦៧៩គីឡូម៉ែត្រការ៉េចែកចេញជា២ក្រុង៧ស្រុក ៥៥ឃុំ ១០សង្កាត់ និង៦៥៨ភូមិមានប្រជាជនពលរដ្ឋប្រមាណ៧៩ម៉ឺននាក់ ក្នុងនោះមាន៨៥%ប្រកបមុខរបរធ្វើស្រែចំការនិង១៥%ជាអាជីវករពាណិជ្ជករសិប្បករកម្មករនេសាទត្រីនិងចិញ្ចឹមសត្វ។
លោកបាននិយាយបន្តថា ខេត្តបន្ទាយមានជ័យមានច្រកសេដ្ឋកិច្ចសំខាន់ៗចំនួន៣ គឺច្រកអន្តរជាតិប៉ោយប៉ែតច្រកទ្វាបឹងត្រកួន និង ច្រកព្រំដែនម៉ាឡៃ ខេត្តក៏មានតំបន់សេដ្ឋកិច្ចពិសេស៥កន្លែងនៅក្រុងប៉ោយប៉ែត គឺតំបន់សេដ្ឋកិច្ចពិសេសអូរនាង តំបន់សេដ្ឋកិច្ចពិសេសសានកូ តំបន់សេដ្ឋកិច្ចពិសេសប៉ោយប៉ែតភីភី តំបន់សេដ្ឋកិច្ចពិសេសលីអ៊ុតនី ព្រមទាំងឧទ្យានឧស្សាហកម្ម១កន្លែង នៅក្រុងសិរីសោភ័ណ។
ដោយឡែកនៅក្រុងប៉ោយប៉ែតមានក្រុមហ៊ុនជប៉ុនចំនួន៦កន្លែង កំពុងដំណើរការនៅតំបន់សេដ្ឋកិច្ចពិសេសសានកូនិង១ក្រុមហ៊ុនទៀត នៅតំបន់សេដ្ឋកិច្ចពិសេសប៉ោយប៉ែតភីភី ផលិតសម្ភារៈបរិក្ខារអេឡិចត្រូនិច។
ក្នុងនោះលោកបានថ្លែងអំណរគុណដល់ប្រជាជននិងរដ្ឋាភិបាលសហរដ្ឋអាមេរិកតាមរយៈការខិតខំប្រឹងប្រែងរបស់សម្តេចតេជោហ៊ុន សែន នាយករដ្ឋមន្ត្រី ក្នុងកម្មវិធីCOVAXបានផ្តល់វ៉ាក់សាំងJohnsonandJohnson សម្រាប់ការជូនប្រជាពលរដ្ឋក្នុងខេត្តបន្ទាយមានជ័យមួយចំនួនផងដែរដែលខេត្តទទួលបានពីថ្នាក់ជាតិផ្តល់មក។
លោកឯកអគ្គរដ្ឋទូតសហរដ្ឋអាមេរិកប្រចាំកម្ពុជាបានលើកថា ប្រតិភូស្ថានទូតមកទស្សនកិច្ចនៅខេត្តបន្ទាយមានជ័យក្នុងគោលបំណងចង់សិក្សាស្វែងយល់ពីសក្តានុពលខេត្តបញ្ហាការជួញដូរមនុស្សឆ្លងដែននិងផ្នែកសុខាភិបាលផ្នែកអប់រំ។
លោកទូតបានគូសបញ្ជាក់ថា លោកពិតជារីករាយដែលបានមកកាន់ខេត្តបន្ទាយមានជ័យជាលើកទី២ដែលលោកបានអញ្ជើញមកកាលពី៨ឆ្នាំមុនជាមួយក្រុមគ្រួសារក្នុងដំណើរទស្សនកិច្ចសិក្សាស្វែងយល់និងបំពេញបេសកកម្មការងារមួយចំនួននាពេលនោះ៕
ដោយ ៖ វ៉ាន់ណាង
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៩ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ