បញ្ចេញ​​ឈ្មោះ​មនុស្ស ១៧ នាក់​នៅ​​កំពត ពាក់ព័ន្ធ​​អ្នក​ឆ្លង​កូវិដ មង្គល​ការនៅ​ស្រុកកងមាស

អាជ្ញាធរ​ស្រុកឈូក ខេត្តកំពត បាន​បញ្ចេញ​បញ្ជីឈ្មោះ​អ្នក​ដែល​បាន​ពាក់ព័ន្ធ​អ្នក​ឆ្លង​កូវិដ នៅក្នុង​​ពិធី​មង្គលការ​មួយ​នៅ​ភូមិ​កោះតូច ឃុំពាមជីកង ស្រុក​កងមាស ខេត្តកំពង់ចាម៩។

តាម​សេចក្តីរាយការណ៍ នៅ​ស្រុកឈូក​ខេត្ត​កំពត មាន​ពាក់ព័ន្ធមនុស្ស ១៧ នាក់។ អ្នក​ឆ្លង​ទាំង ១៧ នាក់​ដែល​អាជ្ញាធរ​ខេត្ត​កំពត​រាយការណ៍ ជា​សាច់ញាតិឪពុកម្តាយខាងកូនកំលោះ ដែល​បានវិលត្រឡប់ទៅស្រុកវិញនៅភូមិត្រពាំងល្បើក ឃុំក្រាំងស្បូវ ស្រុកឈូក ខេត្តកំពត។

បុរសជនជាតិខ្មែរ រស់នៅសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ក្រសួងសុខាភិបាលបានរកឃើញមានផ្ទុកជំងឺកូវីដ១៩ និង​បានចូលរួមពិធីមង្គល​ការក្មួយ នៅភូមិកោះតូច ឃុំពាមជីកង ស្រុកកងមាស ខេត្តកំពង់ចាម។

រដ្ឋបាលខេត្តកំពង់ចាមបញ្ជាក់ថា ក្រុមមន្ត្រីចុះស្រាវជ្រាវ បានកំណត់មុខសញ្ញាពាក់ព័ន្ធនឹងព្រិត្តិការណ៍នេះ រួមមាន៖

១. ឪពុក-ម្តាយកូនក្រមុំ បានវិលត្រឡប់ទៅរាជធានីភ្នំពេញ និងស្នាក់នៅម្តុំក្រោយមន្ទីរពេទ្យកាល់ម៉ែត រាជធានីភ្នំពេញ បន្ទាប់ពីថ្ងៃមង្គលការ។

២. ឪពុក-ម្តាយកូនកំលោះបានវិលត្រឡប់ទៅស្រុកវិញ នៅភូមិត្រពាំងល្បើក ឃុំក្រាំងស្បូវ ស្រុកឈូក ខេត្តកំពត។

៣. កូនកំលោះក្រមុំ និងអ្នកកំដរបានត្រឡប់ទៅភ្នំពេញវិញ។

៤. អ្នករួមតុជាមួយផ្ទាល់៖ មានក្រុមអ្នកសំអាងការ និងអ្នកថតរូប រស់នៅភូមិព្រៃទទឹង និងភូមិវាលស្បូវ ឃុំឬស្សីស្រុក ស្រុកស្រីសន្ធរ ព្រមទាំងប្រជាពលរដ្ឋ ២ នាក់ផ្សេងទៀត រស់នៅភូមិដំណាក់ជ្រៃ ឃុំពាមជីកង ស្រុកកងមាស។

៥. ចុងភៅអ្នកលើកម្ហូប មេចុងភៅ រស់នៅភូមិត្រើយបឹង ឃុំឬស្សីស្រុក ស្រុកស្រីសន្ធរ។