Connect with us

ព័ត៌មានជាតិ

សហគមន៍កសិកម្មចំនួន ៣ ទទួលបានការបណ្ដុះបណ្ដាលពង្រឹងសមត្ថភាពដាំដុះបន្លែ

បានផុស

នៅ

ក្រុម​ប្រជាកសិករ​​ផលិត​ដំណាំ​កសិកម្ម​បន្លែ​នៅ​សហគមន៍​ចំនួន ​៣ ក្នុង​ខេត្ត​បាត់ដំបង មាន​សមាជិក​ចំនួន​ ៦៣ នាក់ ទទួល​បាន​ការ​បណ្ដុះបណ្ដាល​ ពង្រឹង​សមត្ថភាព​បន្ថែម​លើ​បច្ចេកទេស​ផលិតកម្ម​ដំណាំ​បន្លែ ពី​គ្រូ​បង្គោល​បច្ចេកទេស​ផលិត​កម្ម​បន្លែ​សហភាព​សហគមន៍​កសិកម្ម​បាត់ដំបង (ស.ស.ក.ប.) ដើម្បី​លើក​កម្ពស់​វិស័យ​កសិកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​មន្ត្រី​ជំនាញ​នៃ​សហភាព​សហគមន៍​ខេត្ត​បាត់ដំបងបាន​ឲ្យ​ដឹង​ថា ក្រុម​ផលិត​ដែល​ទទួល​បាន​ការ​បណ្តុះបណ្តាល​នា​ពេល​នេះ គឺ​មកពី​តាម​សហគមន៍​ចំនួន ៣ ផ្សេងគ្នា​ក្នុង​នោះ​មាន ១-សហគមន៍​កសិកម្ម​ពន្លឺ​ថ្មី​ក្តី​សង្ឃឹម​នៃ​កសិករ, ២-សហគមន៍​កសិកម្ម​អាង​កំពីងពួយ ,៣-សហគមន៍​កសិកម្ម​ទឹក​ចិត្ត​កសិករ​គារ​មាន​ជ័យ។

បើ​តាម​ប្រភព​ដដែល​បាន​អះអាង​ថា«សម្រាប់​ការ​បណ្ដុះបណ្ដាល​នេះ ​​គ្រូ​បង្គោល​ពន្យល់​ផ្ដោត​ទៅ​លើ​ការ​ដាំដុះ​ដំណាំ​លក្ខណៈ​គ្រួសារ មាន​ដូច​ជា ការ​ថែ​ទាំ​ដំណាំ ការ​គ្រប់គ្រង​សត្វល្អិត​បំផ្លាញ​ផលដំណាំ និងទី៣- ការ​ផលិត​ជី​បូកា​ឈិ​ សម្រាប់​ប្រើប្រាស់​ដោយ​ខ្លួនឯង»។

​ស្របពេល​ជា​មួយ​គ្នា​នេះ ក្រុម​កសិករ​ជា​អ្នក​ផលិត​ដំណាំ​បន្លែ​នៅ​តាម​សហគមន៍​​បាន​លើក​ឡើង​ប្រហាក់ប្រហែល​គ្នា​​ថា ការ​ចូលរៀន​ក្នុង​វគ្គ​បណ្ដុះបណ្ដាល​ពី​គ្រូ​បង្គោលក្នុង​សហភាព​សហគមន៍​កសិកម្ម​ថ្ងៃនេះ​ ពិតជា​មាន​អត្ថប្រយោជន៍​ណាស់​សម្រាប់​ពួកគាត់ក្នុង​ការ​ប្រកប​របរ​កសិកម្ម​បន្លែ​ឲ្យ​កាន់​តែ​មាន​បរិមាណ និង​គុណភាព​ល្អ​ប្រសើរ​មួយ​កម្រិត​ទៀត ព្រម​ទាំង​បាន​ទទួល​ផល​កើន​ឡើង​តាម​ការ​រៀន​សូត្រ​បន្ថែមទៅ​លើ​ការ​ថែទាំ​ដំណាំ​ការ​គ្រប់គ្រង​សត្វ​ល្អិត​បំផ្លាញ​ដំណាំ និង​ការ​ផលិត​ជី​សរីរាង្គ ប្រើប្រាស់​ដោយ​ខ្លួនឯង មិន​ពិបាក​ចំណាយ​ថវិកា​ទិញ​ពី​ទីផ្សារ​នោះ​ទេ​។

ដោយឡែកមន្ត្រី​កសិកម្ម​ខេត្ត​បាន​ឱ្យ​ដឹង​ដែរ​ថា កសិករ​ផលិត​ដំណាំ​កសិកម្ម​បន្លែ​តាម​សហគមន៍ បើ​អនុវត្តន៍​តាម​ការ​ណែនាំ​ពី​គ្រូ​បង្កោល​ដែល​បាន​ពន្យល់​អំពី​ការ​ដាំ​បន្លែ​តាម​​បច្ចេកទេស​​ចំនួន ៣ ខាងលើ នោះ​នឹង​បាន​ហុច​ផល​បាន​តាម​ការ​រំពឹង​​ទុក​ ដោយ​អាច​បង្កើន​ចំណូល​ថវិកា​យ៉ាង​ប្រសើរ​បន្ថែម​ទៀត។ ខណៈ​ទីផ្សារ​តម្រូវ​ការ​បន្លែ ដែល​ដាំ​តាម​ស្តង់ដារ និង​បច្ចេកទេស​ល្អ ដែល​កើត​ចេញ​ពី​តាម​បណ្ដា​សហគមន៍​នានា​ក្នុង​ខេត្ត មិន​មាន​សារធាតុ​គីមី​ណា​មួយ​នាំឲ្យ​​ប៉ះពាល់​ដល់​សុខភាព​អ្នក​បរិភោគ​រួម និង​រៀបចំ​ការ​វេច ខ្ចប់​តាម​ស្តង់ដារ​ បច្ចេកទេស​ត្រឹមត្រូវ​ប្រកប​ដោយ​អនាម័យ​ល្អ​ផង។

បើ​តាម​មន្ត្រី​រដ្ឋបាល​សាលា​ស្រុក​បាណន់ កសិករ​អ្នក​​ផលិត​​ដំណាំ​​កសិកម្ម​បន្លែ​ក្នុង​សហគមន៍​កសិកម្ម​អាង​កំពីងពួយ ហាក់​មាន​សន្ទុះ​លើ​ទីផ្សារ​តាម​បណ្ដា​ខេត្ត​នានា​ក្នុង​ស្រុក​​បាន​ល្អ​ប្រសើរ។

លោក សួង ហុក ប្រធាន​សហគមន៍បាន​ឲ្យ​ដឹង​ថា សហគមន៍​កសិកម្ម​អាង​កំពីង​ពួយ បាន​បង្កើត​ឡើង​នៅ​ក្នុងអំឡុងចុងឆ្នាំ២០១៩ រហូត​មកដល់ឆ្នាំ២០២៤ នេះ មាន​សមាជិក​​ចូលរួម​ចំនួន ២១០នាក់ ក្នុង​នោះ​ជាស្ត្រី ៩០នាក់ ហើយ​បច្ចុប្បន្ន​មាន​ដំណាំ​បន្លែ​ចម្រុះ តែ​ក្នុង​ចំណោម​បន្លែ​នៅ​ក្នុង​សហគមន៍​របស់​លោក មាន​តែ​បន្លែ​ត្រសក់ ដំណើរ​ការ​លើ​ទីផ្សារ​ល្អ​​ជាង​បន្លែ​ផ្សេងៗ។

លោកថា «បច្ចុប្បន្ន​បន្លែ​ក្នុង​សហគមន៍​បាន​ដើរ​លើ​ទីផ្សារ​ក្នុង​ស្រុក​បាន​ប្រសើរ ក្រៅ​ពី​ផ្គត់ផ្គង់​ទីផ្សារ​ក្នុង​ខេត្ត​ក៏​មាន​ទៅ​តាម​បណ្ដា​ខេត្ត​មួយ​ចំនួន​ទៀត​ដូច​ជា ភ្នំពេញ ខេត្ត​កំពង់ឆ្នាំង ខេត្ត​សៀមរាប ខេត្ត​កំពង់ធំ ខេត្ត​កំពង់ស្ពឺ ជាដើម»។

ជា​ចុង​ក្រោយ ប្រធាន​សហគមន៍​រូប​នេះក៏​បាន​អំពាវនាវ​ឲ្យ​ប្រជាជន​ខ្មែរ ចូលរួម​លើក​កម្ពស់​បន្លែ​ក្នុង​ស្រុក ឲ្យ​កាន់​តែ​ប្រសើរ​ថែម​ទៀត ជា​មួយ​ការ​ដាំដុះ​ប្រកប​ដោយ​ស្តង់ដារ និង​បច្ចេកទេស​ល្អ​ មិន​ប៉ះពាល់​សុខភាព តាមរយៈ​ការ​ផលិត​ជី​សរីរាង្គ​ដោយ​ខ្លួនឯង និង​គ្មាន​សារធាតុគីមី​​នោះ​ទេ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១០ នាទី មុន

យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់

សេដ្ឋកិច្ច១៤ នាទី មុន

ទោះបីមិនហ៊ឺហា! តែរបរលក់ម្ជូរតាមរទេះ អាចរកប្រាក់ចំណូលជាង ១០ម៉ឺនរៀល ក្នុងមួយថ្ងៃ

ព័ត៌មានជាតិ២៦ នាទី មុន

រដ្ឋកំពុងយកចិត្តទុកដាក់ខ្ពស់លើបញ្ហាគ្រោះថ្នាក់ចរាចរណ៍ ការឆ្លងរោគអេដស៍ ដែលបង្កឡើងព្រោះគ្រឿងស្រវឹង

សេដ្ឋកិច្ច៣២ នាទី មុន

Elon Musk គំរាម​ហាម​​​ឧបករណ៍​​ Apple ក្នុង ​ក្រុម​ហ៊ុន​​​ខ្លួន​ ប្រសិន​បើ​​​បំពាក់​​មុខងារ ​OpenAI ​​ក្នុង​ប្រព័ន្ធ​ប្រតិបត្តិការ​

ព័ត៌មានអន្ដរជាតិ៣៦ នាទី មុន

UN៖​​ ប្រជាជនស៊ូដង់ជាង ១០ លាននាក់បានភៀសខ្លួនចេញពីផ្ទះសម្បែង ខណៈសង្គ្រាមនៅតែបន្ត

Sokha Hotels

ព័ត៌មានពេញនិយម