ព័ត៌មានជាតិ
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៤ ម៉ឺន ៦ ពាន់កន្លែង សម្រាប់បម្រើលើវិស័យធំៗ ៣
ក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសពីតម្រូវការកម្លាំងពលកម្មក្នុងស្រុកប្រមាណជាង ៤ ម៉ឺន ៦ ពាន់កន្លែង សម្រាប់បម្រើទៅលើវិស័យធំៗ ចំនួន ៣ រួមមាន វិស័យឧស្សាហកម្ម សេវាកម្ម និងកសិកម្ម។
បើតាមក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា បច្ចុប្បន្ននេះ ក្រសួង មានតម្រូវការកម្លាំងពលកម្មចំនួន ៤៦ ២៧៨ កន្លែង សម្រាប់បម្រើទៅលើវិស័យធំៗ ចំនួន ៣ ក្នុងនោះ វិស័យឧស្សាហកម្មមានតម្រូវការចំនួន ៣៤ ៧០២ កន្លែង វិស័យសេវាកម្មមានចំនួន ៤ ៥៦០ កន្លែង និងវិស័យកសិកម្មមានចំនួន ៧ ០១៦ កន្លែង។
ក្នុងនោះនៅខេត្តរតនគីរី មានតម្រូវការផ្នែកកសិកម្មចំនួន ៣ ១៨៦ កន្លែង ខេត្តកំពង់ស្ពឺមានតម្រូវការកម្លាំងពលកម្មផ្នែកឧស្សាហកម្ម ១១ ១៣៤ កន្លែង។ ខេត្តក្រចេះមានតម្រូវការផ្នែកកសិកម្ម ៣ ៥០០ កន្លែង។ រាជធានីភ្នំពេញមាន ១០ ៥៩៥ កន្លែង ក្នុងនោះផ្នែកឧស្សាហកម្ម ៨ ៨១០ កន្លែង និងផ្នែកសេវាកម្ម ១ ៧៨៥ កន្លែង។
ខេត្តស្វាយរៀងមានចំនួន ១០ ៨៥៥ កន្លែង ក្នុងនោះវិស័យឧស្សាហកម្មមាន ៩ ៤៣៦ កន្លែង និងសេវាកម្ម ១ ៤១៩ កន្លែង។ ខេត្តកណ្តាលមានតម្រូវការកម្លាំងពលកម្មវិស័យឧស្សាហកម្ម ១ ១១០ កន្លែង។ ខេត្តតាកែវមាន ៣ ៦៦១ កន្លែង ក្នុងនោះវិស័យឧស្សាហកម្ម ៣ ៦២៤ កន្លែង និងសេវាកម្ម ៣៧ កន្លែង។ កំពង់ចាមមានតម្រូវការ ៣២៣ កន្លែង ក្នុងនោះវិស័យឧស្សាហកម្ម ២០០ កន្លែង និងសេវាកម្ម ១២៣ កន្លែង។ ខេត្តបន្ទាយមានជ័យមានតម្រូវការកម្លាំងពលកម្ម ៦៤៥ កន្លែង ក្នុងនោះផ្នែកវិស័យឧស្សាហកម្ម ២២៦ កន្លែង និងសេវាកម្ម ៤១៩ កន្លែង។ ខេត្តស្ទឹងត្រែង ៣២៨ កន្លែង ក្នុងនោះសេវាកម្ម ២៨ និងកសិកម្ម ៣០០ កន្លែង និងខេត្តផ្សេងៗ មាន ៩៤១ កន្លែង ក្នុងនោះឧស្សាហកម្មមាន ១៦២ កន្លែង សេវាកម្ម ៧៤៩ កន្លែង និងកសិកម្ម ៣០ កន្លែង។
ក្រសួងការងារ បានបន្តទៀតថា កម្លាំងពលកម្មជាង ៤ ម៉ឺន ៦ ពាន់កន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន អ្នកបញ្ជាម៉ាស៊ីនដេរចំនួន ២៤ ១៤២ កន្លែង កម្មករចម្ការដំណាំចំនួន ៩ ៩៨៦ កន្លែងកម្មករក្នុងផលិតកម្មចំនួន ៦ ៨៥០ កន្លែង អ្នកធ្វើការក្នុងកាស៊ីណូ ១ ២៤០ កន្លែង មន្ត្រីឥណទាន និងកម្ចីប្រាក់ ៨៧២ កន្លែង អ្នកទទួលបញ្ចាំ និងអ្នកចងការប្រាក់ ៥៣៨ កន្លែង អ្នកធ្វើការផ្នែកសិប្បកម្មខាងសម្ភារៈវាយនភណ្ឌធ្វើពីស្បែក ៥០០ កន្លែង អ្នកបញ្ជាម៉ាស៊ីនធ្វើស្បែកជើង ៤៩៥ កន្លែង កម្មករវេចខ្ចប់ដោយដៃ ៤០៥ កន្លែង អ្នកបច្ចេកទេសត្រួតពិនិត្យដំណើរការផលិត ៣៥៣ កន្លែង និងមុខរបរផ្សេងៗ ៣ ៨៩៧ កន្លែង៕
អត្ថបទ ៖ សំអឿន
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ