ព័ត៌មានជាតិ
លទ្ធផលស្រាវជ្រាវបង្ហាញថា សមាជិក ប.ស.ស ៩៣% ពេញចិត្តលើសេវាសុខាភិបាល
យោងតាមលទ្ធផលស្រាវជ្រាវបានបង្ហាញឱ្យដឹងថា មានសមាជិក ប.ស.ស. ប្រមាណ ៩៣% បានពេញចិត្តទៅលើសេវាសុខាភិបាល និងប្រមាណ ៨៧% មានការយល់ដឹងអំពីការអនុវត្តរបបសន្តិសុខសង្គមផ្នែកថែទាំសុខភាព។
លទ្ធផលស្រាវជ្រាវនេះ ត្រូវបានក្រុមហ៊ុន Indochina Research (Cambodia) ធ្វើបទបង្ហាញអំពីលទ្ធផលបឋម នៃរបាយការណ៍វាយតម្លៃការយល់ដឹង និងភាពពេញចិត្តរបស់សមាជិក ប.ស.ស. ជូន លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ កាលពីរសៀលថ្ងៃទី ១៨ កក្កដា នៅទីស្នាក់ការកណ្តាល ប.ស.ស។
លោក ម៉េង ហុង បានមានប្រសាសន៍ថា គម្រោងស្រាវជ្រាវនេះ បានជ្រើសរើស និងធ្វើកិច្ចសម្ភាសន៍ជាមួយសមាជិក ប.ស.ស. នៅខេត្តចំនួន ៩ ដោយយកសំណាកសមាជិក ប.ស.ស. ចូលរួមសរុបចំនួន ៩០០ នាក់ ដែលបានចូលទៅប្រើប្រាស់សេវាសន្តិសុខសង្គមនៅក្នុងឆ្នាំ ២០២២។ តាមរយៈគម្រោងស្រាវជ្រាវនេះជាលទ្ធផលបង្ហាញថា សមាជិក ប.ស.ស. ប្រមាណ ៨៧% មានការយល់ដឹងអំពីការអនុវត្តរបបសន្តិសុខសង្គមផ្នែកថែទាំសុខភាព ស្របពេលនឹងអត្រា នៃភាពពេញចិត្តលើការទទួលបានអត្ថប្រយោជន៍ពីរបបសន្តិសុខសង្គមមានជាង ៩៧% និងភាពពេញចិត្តលើសេវាសុខាភិបាលជារួមមាន ៩៣%។
លោកប្រតិភូរាជរដ្ឋាភិបាល ក៏បានដាក់ចេញជាអនុសាសន៍គន្លឹះបន្ថែមទៀតទៅដល់ថ្នាក់ដឹកនាំគ្រប់នាយកដ្ឋានពាក់ព័ន្ធ ត្រូវពិនិត្យឱ្យបានហ្មត់ចត់លើសំណាក នៃការចុះស្ទង់មតិ ដែលក្រុមហ៊ុន Indochina Research (Cambodia) បានចុះធ្វើកន្លងមក ដើម្បីប្រមូលជាធាតុចូលបន្ថែមចំពោះចំណុចខ្វះខាត សំដៅឈានទៅរកដំណោះស្រាយចំពោះបញ្ហាប្រឈមនានា ក្នុងន័យបង្កើនការយល់ដឹង និងការពេញចិត្តរបស់សមាជិក ប.ស.ស បន្ថែមទៀត៕
អត្ថបទ ៖ សំអឿន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត