ជំរុញ​គាំទ្រ​ផលិតផល​ខ្មែរ សហគ្រាស​ចំនួន ១៤ អាច​នាំ​​គ្រាប់​ស្វាយ​ចន្ទី​កែច្នៃរួច ​តាំងលក់​តាម​ផ្សារទំនើបល្បីៗ​

បើយោងតាម​​សេចក្តីជូនដំណឹង​របស់​ក្រសួងពាណិជ្ជកម្មបាន​ឲ្យ​ដឹង​ថា ​ផ្សារទំនើប និងម៉ាតល្បីៗនានា​ចំនួន ១០ បានអនុញ្ញាតឱ្យសហគ្រាស ឬក្រុមហ៊ុន​ក្នុងស្រុក អាចតាំងលក់​ផលិតផល​គ្រាប់ស្វាយចន្ទីដែលកែច្នៃរួច ដើម្បី​គាំទ្រ​និង​ជំរុញ​ការ​ប្រើប្រាស់​ផលិតផលស្វាយ​ចន្ទីខ្មែរ​ឲ្យកាន់តែ​ទូលំទូលាយ។

ផ្សារទំនើប និងម៉ាតចំនួន​ទាំង​ ១០ រួមមាន៖ ផ្សារអ៊ីអន ផ្សារម៉ាក្រូ ផ្សារឡាក់គី ផ្សារជីបម៉ុង ផ្សារថៃហួត ផ្សារបាយ័ន ផ្សារបឹកស៊ី តេលាម៉ាត 7-Eleven និង Cambodian Superstore។

ក្នុង​សេចក្តីជូនដំណឹង​បាន​បញ្ជាក់ថា កាលពី​ថ្ងៃទី១២ ខែកក្កដា ឆ្នាំ២០២៤ តំណាងក្រសួងពាណិជ្ជកម្មបានជួបប្រជុំពិភាក្សាស្តីពី «ការដាក់លក់គ្រាប់ស្វាយ​ចន្ទី ដែលកែច្នៃរួចចូលទៅកាន់ផ្សារទំនើបនិងម៉ាតនានា» ដោយមានការអញ្ជើញចូលរួមពី រដ្ឋលេខាធិការដ្ឋានអាកាសចរណ៍ស៊ីវិល សហព័ន្ធស្វាយចន្ទីកម្ពុជា។

ជាលទ្ធផល បន្ទាប់ពីប្រជុំពិភាក្សាតំណាងផ្សារទាំង ១០ បានពិនិត្យ និងអនុញ្ញាតឱ្យសហគ្រាសនិងក្រុមហ៊ុនស្វាយចន្ទីចំនួន ១៤ អាចដាក់តាំងលក់ផលិតផលក្នុងផ្សារនិងម៉ាតបាន រួមមាន៖

១-ក្រុមហ៊ុន Khmer Organic Cooperative Co., Ltd.
២-សហគ្រាសគ្រាប់ស្វាយចន្ទី ចំការលើ ឡឹង ម៉ានុត
៣-ក្រុមហ៊ុន Veha Juice Co., Ltd
៤-ក្រុមហ៊ុន Ample Agro Products Co., Ltd.
៥-ក្រុមហ៊ុន សានតាណា អាហ្គា ប្រដាក់
៦- ក្រុមហ៊ុន Kamya AgriTrade Co., Ltd
៧-ក្រុមហ៊ុន HCST (ស្ទឹងត្រែង)
៨-ក្រុមហ៊ុន GLPH (កំពង់ធំ)
៩-សហគ្រាស 3CORECO
១០-សិប្បកម្មជ័យសំបូរកំពង់ធំ
១១-ក្រុមហ៊ុន ហេស អេហ្គ្រីខលឈរ ត្រេឌីង ខូអិលធីឌី (ភ្នំពេញ)
១២-ក្រុមហ៊ុន Khun Ream Agro Product Co., Ltd
១៣-ក្រុមហ៊ុន Kirirom Food Production
១៤-ក្រុមហ៊ុន VCPM Thanh Dat (Cambodia) Co., Ltd ៕