ព័ត៌មានជាតិ

គាំទ្រសកម្មភាពរបស់អង្គការម៉ារីណុលដែលបានបន្តចូលរួមការពារសិទ្ធិកុមារនៅកម្ពុជា

បានផុស

៥ years មុន

នៅ

ថ្ងៃសៅរ៍ ៦ មីនា ២០២១

ដោយ

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតីសម្បទាបានថ្លែងនូវការសាទរចំពោះសកម្មភាពរបស់អង្គការម៉ារីណុលបានបន្តចូលរួមជាមួយក្រសួងសង្គមកិច្ចក្នុងការការពារសិទ្ធិទប់ស្កាត់អំពើឧក្រិដ្ឋកិម្មលើកុមាររួមនឹងការជួយបណ្តុះបណ្តាលកុមារនៅកម្ពុជាពិសេសប្រយុទ្ធប្រឆាំងរាល់ឧក្រិដ្ឌកម្មធ្ងន់ធ្ងរលើកុមាដោយធ្វើការសហការជាមួយនគរបាលជាតិកម្ពុជាដើម្បីស៊ើបអង្កេត ទប់ស្កាត់ និងរារាំងឧក្រិដ្ឋកម្ម ដែលបានប្រព្រឹត្តលើកុមារ តែម្តង។ លើសពីនេះទៀតបានផ្ដល់វគ្គបណ្តុះបណ្ដាល និងបង្កើតឱកាសសម្រាប់កិច្ចសហប្រតិបត្តិការនិងផ្លាស់ប្ដូរជំនាញអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឈួរ សុបញ្ញា ថ្លែងបែបនេះខណៈពេលជួបពិភាក្សាជាមួយ អង្គការ ម៉ារីណុលកម្ពុជា ស្ដីពី ការរៀបចំកិច្ចព្រមព្រៀងបន្ត ជួយដល់កុមារនៅកម្ពុជានាថ្ងៃម្សិលមុិញនេះ។

តំណាងអង្គការបានបង្ហាញថា តួនាទីរបស់អង្គការម៉ារីណុលបានចូលរួមប្រយុទ្ធប្រឆាំងរាល់ឧក្រិដ្ឌកម្មធ្ងន់ធ្ងរលើកុមាដោយធ្វើការសហការជាមួយនគរបាលជាតិកម្ពុជាដើម្បីស៊ើបអង្កេត ទប់ស្កាត់ និងរារាំងឧក្រិដ្ឋកម្ម ដែលបានប្រព្រឹត្តលើកុមារ ផ្ដល់វគ្គបណ្តុះបណ្ដាល និងបង្កើតឱកាសសម្រាប់កិច្ចសហប្រតិបត្តិការនិងផ្លាស់ប្ដូរជំនាញអន្តរជាតិ។

ជាមួយគ្នានេះដែរក៍បានផ្ដល់ជំនួយវេជ្ជសាស្ត្រ តំណាងផ្នែកច្បាប់ និងផ្គត់ផ្គង់ស្បៀងអាហារ និងសេវាសុខុមាលភាពផ្សេងៗដល់កុមាររងគ្រោះនិងគ្រួសាររបស់គេ។ ការជួយបន្ទុកចំណាយទាំងនេះពីគ្រួសាររបស់គេ គឺមិនត្រឹមតែបានជួយពួកគេក្នុងពេលលំបាកប៉ុណ្ណោះទេ តែក៏បានលើកទឹកចិត្តពួកគេឡើងវិញនិងអោយពួកគេរាយការណ៍ពីបទល្មើស ដូចជាបទល្មើសផ្លូវភេទ និងបទល្មើសផ្សេងៗទៀតផងដែរ៕

អត្ថបទ ៖ វិមាន