ព័ត៌មានជាតិ
បន្តលើកកម្ពស់អតីតយុទ្ធជន និងមន្ត្រីចូលនិវត្តន៍ បន្ទាប់ពីពួកគាត់បានលះបង់គ្រប់បែបយ៉ាង ដើម្បីប្រទេសជាតិ
លោក ឈួរ សុបញ្ញា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមូលនិធិជាតិជំនួយសង្គម បានជំរុញមន្ត្រីជំនាញពាក់ព័ន្ធ ជាពិសេសមន្ទីរសង្គមកិច្ចរាជធានី-ខេត្ត ធ្វើយ៉ាងផ្តល់សេវាតម្រូវការ និងបន្តលើកកម្ពស់អតីតយុទ្ធជន និងមន្ត្រីចូលនិវត្តន៍ បន្ទាប់ពីពួកគាត់បានលះបង់គ្រប់បែបយ៉ាង ដើម្បីប្រទេសជាតិ។
លោក ឈួរ សុបញ្ញា ជំរុញបែបនេះ ខណៈមូលនិធិជាតិជំនួយសង្គម សហការជាមួយរដ្ឋបាលខេត្ត មន្ទីរស.អ.យ. និងសមាគមអតីតយុទ្ធជនខេត្ត នៅព្រឹកថ្ងៃទី ១៥ ខែកញ្ញា ឆ្នាំ ២០២២ បានប្រគល់ថវិកាឧបត្ថម្ភធានារ៉ាប់រងសង្គម និងបូជាសព ជូនគ្រួសារអតីតយុទ្ធជនចំនួន ២ គ្រួសារ នៅសាលទទួលភ្ញៀវខេត្តសៀមរាបចំនួន ៤៣គ្រួសារ ដោយមានការចូលរួមពីតំណាងប្រធានសមាគមអតីតយុទ្ធជនខេត្ត និងលោកប្រធានមន្ទីរ ស.អ.យ.ខេត្ត ផងដែរ។
លោក ឈួរ សុបញ្ញា បានថ្លែងថា ដើម្បីជាការរក្សានូវប្រសិទ្ធភាព និងប្រសិទ្ធផលខ្ពស់នោះ ក្រសួង សង្គមកិច្ច អតីតយុទ្ធជន និងយុវនីតិសម្បទា តាមរយៈមូលនិធិជាតិជំនួយសង្គម បានណែនាំឲ្យមន្ទីរ សង្គមកិច្ចរាជធានី-ខេត្ត ធ្វើយ៉ាងផ្តល់សេវាតម្រូវការ ព្រមទាំងខិតខំធ្វើរបបគោលនយោបាយ ផ្តល់ឲ្យដល់គ្រួសារអតីតយុទ្ធជន ពាក់ព័ន្ធនឹងអនុសាសន៍របស់ថ្នាក់ដឹកនាំ គឺធ្វើយ៉ាងណាត្រូវយកចិត្តទុកដាក់ ដល់បងប្អូន ពោលគឺរាជរដ្ឋាភិបាលមិបោះបង់បងប្អូនគ្រួសារអតីតយុទ្ធជន ដែលលោកមានគុណ បំណាច់ចំពោះជាតិ។
លោកឈួរ សុបញ្ញាបន្តថា តាមរយៈក្រសួងសង្គមកិច្ច អតីតយុទ្ធជន ដោយបានដោះស្រាយរបប គោលនយោបាយប្រចាំខែ របបគោលនយោបាយសម្រាប់សមាជិកអតីតយុទ្ធជន ដែលចូលនិវត្តន៍រហូតដល់ពេលសមាជិកអតីតយុទ្ធជនម្នាក់ៗ ជាពិសេសដល់សមាជិកអតីតយុទ្ធជនទទួលមរណភាព គឺមានការរៀបចំគោលការណ៍របបសម្រាប់ឧបត្ថម្ភដល់គ្រួសារ និងគោលនយោបាយជូនទៅតាមឋាន្ត រស័ក្ត កម្រិតតាមអនុក្រឹត្យ និងប្រកាសណែនាំ។
ជំនួសមុខឲ្យរដ្ឋមន្ត្រីក្រសួងសង្គមកិច្ច ក្រុមប្រឹក្សាភិបាលមូលនិធិជាតិជំនួយសង្គម ក្រុមការងារ និងខេត្ត លោក ឈួរ សុបញ្ញា បានចូលរួមរំលែកនូវមរណទុក្ខដ៏ក្រៀមក្រំ ចំពោះការបាត់បង់សមាជិកគ្រួសារ ដែលបានទទួលមរណភាព ហើយជាអតីតយុទ្ធជនធ្លាប់បានចូលរួមចំណែក លះបង់សាច់ ស្រស់ ឈាមស្រស់ ក្នុងបុព្វហេតុរំដោះការពារបូរណភាពទឹកដី រហូតទទួលបានជោគជ័យកន្លងមក៕
អត្ថបទ៖ វិមាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត