ព័ត៌មានជាតិ

ថ្ងៃនេះខេត្តកណ្តាល មានអ្នកឆ្លងកូវីដ១៩ថ្មីច្រើនជាងគេ រហូតដល់២៩នាក់

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

យោងតាមក្រសួងសុខាភិបាលបានឲ្យដឹងថាថ្ងៃនេះ អ្នកឆ្លងកូវីដ១៩ថ្មី នៅខេត្តកណ្តាលមានចំនួនរហូតដល់២៩នាក់ ដែលធ្វើឲ្យខេត្តនេះ មានអ្នកឆ្លងច្រើនជាងគេក្នុងចំណោមអ្នកឆ្លងសរុប៦៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងសុខាភិបាល គឺត្រឹមព្រឹកថ្ងៃទី១០មីនានេះ មានអ្នកឆ្លងកូវីដ១៩ថ្មីចំនួន៦៤នាក់ ក្នុងនោះនៅរាជធានីភ្នំពេញមានចំនួន២៧នាក់ ខេត្តសៀមរាបចំនួន១នាក់ ខេត្តព្រះសីហនុដែលធ្លាប់មានឆ្លងច្រើនបានធ្លាក់មកត្រឹម២នាក់ ខេត្តកណ្តាលមានចំនួន២៩ និងខេត្តព្រៃវែង មានចំនួន៥នាក់។ ការឆ្លងថ្មី២៩នាក់បន្ថែមទៀតនេះ បានធ្វើឲ្យខេត្តមួយនេះមានអ្នកឆ្លងជំងឺកូវីដ១៩ កើនឡើងដល់៣៥នាក់ភាគច្រើននិងមានអ្នកជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភៈមានចំនួន៧១៨៤ នាក់និងបានយកសំណាកទៅពិនិត្យចំនួន ៦៥១៣ នាក់អ្នកធ្វើចត្តាឡីស័កនៅមណ្ឌលមានចំនួន ១២១៧ នាក់និងអ្នកធ្វើចត្តាឡីស័កនៅផ្ទះមានចំនួន ៥៨២២ នាក់។

ដើម្បីទប់ស្កាត់ការចម្លងកូវីដ១៩ ចូលទៅក្នុងសហគមន៍រដ្ឋបាលខេត្តកណ្តាល បានសម្រេចបិទជាបណ្ដោះអាសន្នចំពោះកាស៊ីណូនិងសណ្ឋាគារជាសាកុងហ្វូកាស៊ីណូព្រីន កាស៊ីណូក្រោន កាស៊ីណូហ្គ្រេន កាស៊ីណូកាឡាក់ស៊ីនិងកាស៊ីណូយុងយ័ន។ បិទជាបណ្ដោះអាសន្នមិនឲ្យជនបរទេសធ្វើដំណើរចេញចូលទីប្រជុំជនជ្រៃធំឃុំសំពៅពូនស្រុកកោះធំ។ ត្រូវសហការអនុវត្តជាបន្ទាន់ ក្នុងការប្រមូលជនបរទេសនឹងមុខសញ្ញាពាក់ព័ន្ធធ្វើតេស្តយកសំណាកឲ្យបានត្រឹមត្រូវនិងរៀបចំប៉ុស្តិ៍ប្រចាំការ ដើម្បីគ្រប់គ្រងមណ្ឌលចត្តាឡីស័កឲ្យបានម៉ឺងម៉ាត់និងត្រូវយកចិត្តទុកដាក់ខ្ពស់ណែនាំបន្ថែមលើការងារការបង្ការការការពារការឆ្លងទប់ស្កាត់ជំងឺកូវីដ១៩ ដែលអនុវត្តតាមវិធានការរបស់ក្រសួងសុខាភិបាល៕

អត្ថបទ៖ សំអឿន

សូមចុចអាន៖ ក្តៅៗមុននេះ អធិការស្រុកល្វាឯមចុះបិទភូមិវាលធំហ៊ុមព័ទ្ធផ្ទះ ៣០០ ខ្នង

Related Topics:កូវីដ-១៩ ខេត្តកណ្ដាល

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា