ព័ត៌មានជាតិ
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
តំណាងតំបន់រមណីយដ្ឋានឆ្មាបាត់ និងរីស៊តនៅខេត្តកោះកុង អះអាងថា ពួកគាត់បានត្រៀមខ្លួនរួចរាល់ហើយ ដើម្បីទទួលស្វាគមន៍ភ្ញៀវទេសចរជាតិ-អន្តរជាតិ មកលេងកម្សាន្ត នាថ្ងៃបុណ្យភ្ជុំបិណ្ឌ ដោយបំពេញសេវាមិនឱ្យខកបំណងឡើយ។
ក្នុងចំណោមតំបន់ទេសចរណ៍ដទៃទៀតនៅក្នុងខេត្តកោះកុង គេសង្កេតឃើញថា តំបន់រមណីយដ្ឋានឆ្មាបាត់ និងរីស៊តនៅខេត្តកោះកុង កំពុងតែសម្រិតសម្រាំងស្អាតសោភណភាពបរិស្ថានអនាម័យឱ្យកាន់តែទាក់ទាញសម្រាប់ការទទួលភ្ញៀវទេសចរគ្រប់ទិសទី នាឱកាសពិធីបុណ្យកាន់បិណ្ឌ និងភ្ជុំបិណ្ឌឆ្នាំនេះ។
ប្រាប់ កម្ពុជាថ្មី លោក មឿន សូរ៉េន អ្នកចាត់ការទូទៅនៅរីស៊តកោះកុង រៀបរាប់នៅថ្ងៃទី ២៧ ខែកញ្ញា ឆ្នាំ ២០២៤ ថា ភោជនីយដ្ឋានឆ្មាបាត់ និងនៅរីស៊ត បានបង្កើតឡើងជាង ២ ឆ្នាំ មកហើយ ក្នុងន័យចូលរួមចំណែកអភិវឌ្ឍន៍វិស័យទេសចរណ៍ក្នុងខេត្តកោះកុង ខណៈខេត្តនេះសំបូរទៅដោយតំបន់ទេសចរណ៍ធម្មជាតិជាច្រើនគួរឱ្យមកលេងកម្សាន្តលំហែកាយ។ ជាក់ស្តែង តំបន់ទេសចរណ៍របស់លោក ស្ថិតនៅសង្កាត់ស្ទឹងវែង មានចម្ងាយពីក្រុងខេមរភូមិន្ទជាង ៧ គីឡូម៉ែត្រ ងាយស្រួលដល់ភ្ញៀវទេសចរមកកម្សាន្តបានតាមតម្រូវការ។
អ្នកចាត់ការទូទៅនៅរីស៊តកោះកុង បន្តថា បច្ចុប្បន្ន ភោជនីយដ្ឋាន និងនៅរីស៊តកោះកុង មានបម្រើសេវាកម្មផ្តល់កន្លែងស្នាក់នៅ ជិះទូកលេងកម្សាន្តតាមដងព្រែកគយគន់ព្រៃកោងកាង ស្ទូចក្តាមថ្ម ស្ទូចត្រី ផ្តល់ជូនអាហារសមុទ្រស្រស់ដ៏ឆ្ងាញ់ ខ្ចុះអង្គុយកម្សាន្ត និងតៀមស្រាបែបបរទេសផងដែរ។
លោក មឿន សូរ៉េន បន្ថែមថា ឱកាសពិធីបុណ្យភ្ជុំបិណ្ឌ គិតមកទល់ពេលនេះ មានភ្ញៀវកក់បន្ទប់ស្នាក់នៅកម្សាន្តជាង ៤០ ភាគរយហើយ ភាគច្រើនជាអ្នកទេសចរក្នុងស្រុកមកពីរាជធានីភ្នំពេញ និងតាមបណ្តាខេត្តផ្សេងៗ។ ចំពោះតម្លៃសេវាកម្មវិញ មិនដំឡើងថ្លៃនោះទេ ពោលគឺរក្សាគុណភាព សុវត្ថិភាព និងបញ្ចុះតម្លៃជូនអ្នកទេសចរគ្រប់មជ្ឈដ្ឋាន។
បើតាមអ្នកចាត់ការទូទៅនៅរីស៊តកោះកុង ក៏បានអំពាវនាវដល់អ្នកទេសចរទាំងអស់ មេត្តាអញ្ជើញមកលេងកម្សាន្តនៅតំបន់ទេសចរណ៍របស់ខ្លួនគ្រប់រដូវកាលបាន ដោយត្រឡប់ទៅលំនៅឋានប្រកបដោយសុវត្ថិភាពល្អ និងរំសាយអស់ទុក្ខកង្វល់នានា ដើម្បីបំពេញការងារអាជីវកម្មកាន់តែរីកចម្រើនបន្ថែមទៀត។
ខណៈពិធីបុណ្យភ្ជុំបិណ្ឌកាន់តែខិតជិតមកដល់ លោក សាគុណ ភក្តី ប្រធានការិយាល័យផ្សព្វផ្សាយព័ត៌មានទេសចរណ៍ នៃមន្ទីរទេសចរណ៍ខេត្តកោះកុង លើកឡើងដែរថា ថ្នាក់ដឹកនាំ និងមន្ត្រីរាជការមន្ទីរ បានចេញសេចក្ដីជូនដំណឹងមួយដល់គ្រប់សេវាករ ប្រតិបត្តិករ និងតំបន់រមណីយដ្ឋានទេសចរណ៍ទាំងអស់ក្នុងខេត្តកោះកុង ត្រូវអនុវត្តឱ្យបានខ្ជាប់ខ្ជួននូវការថែរក្សាសោភ័ណភាព អនាម័យបរិស្ថាន សន្តិសុខសណ្ដាប់ធ្នាប់ គុណភាពចំណីអាហារ ជាពិសេសកុំលួចដំឡើងថ្លៃហួសកំណត់ដែលធ្វើឱ្យប៉ះពាល់ដល់អាជីវកម្មរបស់ខ្លួន។
លោក សាគុណ ភក្តី មើលឃើញថា លំហូរទេសចរ នឹងអាចមកលេងកម្សាន្តកាន់តែច្រើននៅតាមតំបន់ទេសចរណ៍ក្នុងខេត្ត ប្រសិនបើកំណាត់ផ្លូវជាតិលេខ ៤៨ ស្ថាបនារួចរាល់តាមផែនការកំណត់ ប៉ុន្តែនៅពេលនេះទេសចរ នឹងបោះគោលដៅទៅលេងនៅតំបន់រមណីយដ្ឋានស្រុកស្រែអំបិល ព្រោះទីនោះក៏មានរមណីយដ្ឋានថ្មីទើបបង្កើត និងងាយស្រួលធ្វើដំណើរដោយផ្លូវជាតិលេខ ៤។
ទោះយ៉ាងណា នៅថ្ងៃបុណ្យភ្ជុំបិណ្ឌនេះ នៅទីរួមខេត្តកោះកុង នឹងមានទេសចរផងដែរ មកពីខេត្តបាត់ដំបង សៀមរាប បន្ទាយមានជ័យ និងខេត្តពោធិ៍សាត់ ប្រសិនបើពួកគាត់មានបំណងមកលេងដោយធ្វើដំណើរតាមផ្លូវជាតិលេខ ១០ ខណៈស្ថាបនាបានជិត ៨០ ភាគរយហើយ៕
អត្ថបទ ៖ សិរីវឌ្ឍនៈ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ