ព័ត៌មានជាតិ
ព័ត៌មានបន្ថែម៖ សពបុរសខ្មែរស្លាប់ដោយកូវីដ មិនអាចទុកយូរ ត្រូវបូជាភ្លាមៗ
លោកស្រី វេជ្ជបណ្ឌិត យក់សម្បត្តិ រដ្ឋលេខាធិការក្រសួងសុខាភិបាល បានមានប្រសាសន៍នៅរសៀលថ្ងៃនេះថា អ្នកកើតជំងឺកូវីដ១៩ម្នាក់ ដែលសម្រាកព្យាបាលនៅមន្ទីរពេទ្យមិត្តភាពខ្មែរ សូវៀតបានទទួលមរណភាពនៅវេលាម៉ោង១០និង៤០នាទីព្រឹក ថ្ងៃទី១១ ខែមីនា ឆ្នាំ២០២១នេះ គឺដោយសារអ្នកជំងឺមានបញ្ហារលាកសួតរ៉ាំរ៉ៃ ដែលបណ្តាលមកពីគាត់ពិសាបារីជាច្រើនឆ្នាំ។
លោកស្រីបានបន្តថា«អ្នកជំងឺកូវីដដែល ស្លាប់នឹងគាត់ជាអ្នកជំងឺម្នាក់មានបញ្ហាសួតរ៉ាំរ៉ៃដោយសារគាត់ជាអ្នកជក់បារីច្រើន និងជក់ច្រើនឆ្នាំហើយ ដែលមានការរលាកសួតហើយដល់គាត់មានកូវីដ១៩វិជ្ជមានទៀត វាធ្វើឲ្យសួតគាត់កាន់ទ្រុឌទ្រោម»។ លោកស្រីបានបន្តទៀតថា គ្រូពេទ្យបានខិតខំព្យាយាមយកចិត្តទុកដាក់ព្យាបាលគាត់ជាទីបំផុត ដោយបានដាក់អុកស៊ីហ្សែនជួនគាត់ជាច្រើនថ្ងៃ ហើយចុងក្រោយនេះ គ្រូពេទ្យបានប្រើប្រាស់ម៉ាស៊ីនជំនួយដង្ហើមទៀត តែដោយសារតែសួតរបស់គាត់មានការរលាកខ្លាំង ទើបយើងមិនអាចជួយសង្គ្រោះគាត់បាន។
បើយោងតាមក្រសួងសុខាភិបាលជនរងគ្រោះ ដែលស្លាប់ដោយសារកូវីដ១៩នេះ ជាជនជាតិខ្មែរ មានអាយុ៥០ឆ្នាំ មានទីលំនៅសង្កាត់ចាក់អង្រែ ខណ្ឌមានជ័យ រាជធានីភ្នំពេញ ជាអ្នកបើកបរឲ្យថៅកែជនជាតិចិននៅខេត្តព្រះសីហនុ ដែលមានផ្ទុកជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ។
សពនេះ ត្រូវបានរកឃើញថា មានឆ្លងវីរុសកូវីដ-១៩ នៅថ្ងៃទី២៧ ខែកុម្ភៈ ឆ្នាំ២០២១ ដែលមានលទ្ធផលបញ្ជាក់ដោយមន្ទីរពិសោធន៍ នៃវិទ្យាស្ថានប៉ាស្ទ័រកម្ពុជា។ ក្រសួងសុខាភិបាលបានបញ្ជាក់ទៀតថា សពរបស់អ្នកកើតជំងឺកូវីដ-១៩នេះ មិនអាចរក្សាទុកបានយូរនោះទេ ពោលនឹងត្រូវរៀបចំបូជាតាមអ្វីដែលជាការកំណត់របស់ប្រមុខនៃរាជរដ្ឋាភិបាល នាពេលថ្មីៗនេះ។
គួរបញ្ជាក់ថានេះ គឺជាករណីទី១ហើយនៅប្រទេសកម្ពុជា ដែលមានអ្នកជំងឺស្លាប់ដោយសារជំងឺកូវីដ១៩ ក្នុងចំណោមអ្នកជំងឺសរុបចំនួន១១៦៣នាក់ ក្នុងនោះអ្នកជាសះស្បើយចំនួន៥៩៧នាក់និងអ្នកជំងឺ៥៦៥នាក់ កំពុងសម្រាកព្យាបាលនៅតាមមន្ទីរពេទ្យ៕
អត្ថបទ៖ សំអឿន
សូមចុចអាន៖ អត្តសញ្ញាណជនជាតិខ្មែរស្លាប់ដំបូង ធ្លាប់បើកឡានឲ្យចិន រស់នៅចាក់អង្រែ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ