ឧកញ៉ា និងក្រុមហ៊ុនធំៗបរិច្ចាគថវិកាជិត២០លានដុល្លារចូលរួមសកម្មភាពទប់ស្កាត់ជំងឺកូវីដ១៩

នៅថ្ងៃទី១១ ខែមីនា ឆ្នាំ២០២១នេះ ឧកញ៉ា និងក្រុមហ៊ុនធំៗជាច្រើននៅប្រទេសកម្ពុជាបានបរិច្ចាគថវិកាសរុបជិត២០លានដុល្លារ ដើម្បីចូលរួមសកម្មភាពទប់ស្កាត់ការរីករាលដាលជំងឺកូវីដ១៩ ក្នុងព្រឹត្តិការណ៍២០កុម្ភៈ។ ឧកញ៉ា និងក្រុមហ៊ុនធំៗទាំងនោះរួមមានដូចខាងក្រោម៖

១. អ្នកឧកញ៉ា គិត ម៉េង អគ្គនាយកក្រុមហ៊ុន Royal Group និងលោកជំទាវ ម៉ៅ ចំណាន ព្រមទាំងក្រុមគ្រួសារ បានប្រកាសសូមបរិច្ចាគថវិកា៣លានដុល្លារ ជូនសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដើម្បីចូលរួមសកម្មភាពទប់ស្កាត់ការរីករាលដាលជំងឺកូវីដ១៩ ក្នុងព្រឹត្តិការណ៍២០កុម្ភៈ។

២. អ្នកឧកញ៉ា ឡេង ណាវ៉ាត្រា និងក្រុមគ្រួសារ បានប្រកាសសូមបរិច្ចាគថវិកា៣លានដុល្លារ។

៣. អ្នកឧកញ៉ា ហុង ពីវ អគ្គនាយកក្រុមហ៊ុនពិភពថ្មីគ្រុប និងក្រុមគ្រួសារ ប្រកាសសូមបរិច្ចាគថវិកា៣លានដុល្លារ។

៤. អ្នកឧកញ៉ ចេន ហ្ស៊ី ប្រធានក្រុមប្រឹក្សាភិបាល ក្រុមហ៊ុនព្រីនស៍ ហូល ឌីង គ្រុប បានប្រកាសសូមបរិច្ចាគថវិកា៣លានដុល្លារ។

៥. ក្រុមហ៊ុន ជីបម៉ុង បានប្រកាសសូមបរិច្ចាគថវិកា៣លានដុល្លារ។

៦. ក្រុមហ៊ុន ប៉េងហួត គ្រុប បានប្រកាសសូមបរិច្ចាគថវិកា៣លានដុល្លារ។

៧. ឧកញ៉ាចំនួន៣រូបរួមមាន ឧកញ៉ា អ៉ឹង ប៊ុនហ៊ូវ, ឧកញ៉ា លឹម រស់ និងឧកញ៉ា លឹម ប៊ុនសួរ បានប្រកាសសូមបរិច្ចាគថវិកា១លានដុល្លារ។

៨. ឧកញ៉ា ថោង សារ៉ាត់ និងលោកជំទាវ ទាវ ធីតា បានប្រកាសសូមបរិច្ចាគថវិកា១ម៉ឺនដុល្លារ។

៩. ឧកញ៉ា ឡេង ប្រុស បងប្រុសបង្កើតរបស់អ្នកឧកញ៉ា ឡេង ណាវ៉ាត្រា និងលោកជំទាវ វ៉ន សុមេតា, លោកឧកញ៉ា ឡេង និមល និងលោកជំទាវ រឿន ស្រីពេជ្រ និងលោកជំទាវឧកញ៉ា ឡេង បញ្ចពណ៌ ប្រធានក្រុមហ៊ុន GSM Leng Navatra Cosmetics បានប្រកាសសូមបរិច្ចាគថវិកាម្នាក់ៗ១ម៉ឺនដុល្លារ សរុប៣ម៉ឺនដុល្លារ។

អត្ថបទ៖ វ៉ាត វិន