មន្ទីរពេទ្យបង្អែកស្រុកបរកែវចាក់វ៉ាក់សាំង​កូវីដ​១៩ដល់មន្រ្តីនគរបាល និងមន្រ្តីសុខាភិបាលចំនួន៣៦៤នាក់

យោងតាមលោកស្រីវេជ្ជបណ្ឌិត ឡឹក ចន្ធី អនុប្រធានមន្ទីរពេទ្យ ទទួលបន្ទុកការងារបច្ចេកទេសនៃមន្ទីរពេទ្យបង្អែកស្រុកបរកែវ ​ខេត្តរតនគិរី ការផ្តល់វ៉ាក់សាំងបង្ការជំងឺកូវីដ-១៩ បានសម្រេចជោគជ័យ១០០ភាគរយហើយ គឺបានចាក់ដល់មន្ត្រីនគរបាលចំនួន ២០៤នាក់ និងមន្ត្រីសុខាភិបាលចំនួន១៦០នាក់ សរុបស្មើនិង ៣៦៤នាក់។

លោកស្រីវេជ្ជបណ្ឌិតក៏បានបញ្ជាក់ថា បន្ទាប់ពីការចាក់វ៉ាក់សាំងបង្ការកូវីដ-១៩ លើកទី១នេះហើយ មន្ទីរពេទ្យបង្អែកស្រុកបរកែវក៏ដូចជាមន្ទីរពេទ្យបង្អែកខេត្តរតនគិរី នឹងរៀបចំចាក់វ៉ាក់សាំងបង្ការជំងឺកូវីដ-១៩ ក្នុងដំណាក់កាលទី២ទៀត ហើយការផ្តល់វ៉ាក់សាំងនេះ គឺទៅដល់មន្ត្រីរាជការស៊ីវិល មានប្រធាន អនុប្រធានមន្ទីរ អភិបាល អភិបាលរង ស្មៀនឃុំ ឧទ្យានុរក្សបរិស្ថាន នៅទូទាំងខេត្តរតនគិរីផងដែរ។

សូមបញ្ចាក់ផងដែរថា មន្ទីរពេទ្យបង្អែកស្រុកបរកែវ ជាទីតាំងផ្តល់វ៉ាក់សាំងបង្ការជំងឺកូវីដ-១៩ សម្រាប់ប្រជាពលរដ្ឋ និងមន្ត្រីរាជការមកពីតាមបណ្តាស្រុក គឺស្រុកបរកែវ ស្រុកអូរយ៉ាដាវ និងស្រុកអណ្តូងមាស៕

អត្ថបទ៖ វុទ្ធឦសាន