ព័ត៌មានជាតិ

គណៈប្រតិភូ ប.ស.ស ចូលរួមកិច្ចប្រជុំកំពូលថ្នាក់សកលប្រចាំឆ្នាំ ២០២៤ នៅសាធារណរដ្ឋប្រជាមានិតចិន

បានផុស

២ years មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

គណៈប្រតិភូ ប.ស.ស នៃក្រសួងការងារ និងបណ្ដុះបណ្ដាលវិជ្ជាជីវៈ ដឹកនាំដោយ លោក គាត ពុធណារិទ្ធិ ប្រធាននាយកដ្ឋានគ្រប់គ្រងការវិនិយោគមូលនិធិសន្តិសុខសង្គម តំណាងដ៏ខ្ពង់ខ្ពស់ លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម បានចូលរួមកិច្ចប្រជុំកំពូលថ្នាក់សកលប្រចាំឆ្នាំ ២០២៤ របស់កិច្ចសហប្រតិបត្តិការវិនិយោគិនអាស៊ី-ប៉ាស៊ីហ្វិក (APIC) ស្ដីពីការវិនិយោគមូលនិធិសន្តិសុខសង្គម នៅ Royal Hong Kong Yacht Club ទីក្រុងហុងកុង នៃសាធារណរដ្ឋប្រជាមានិតចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គាត ពុធណារិទ្ធិ ប្រធាននាយកដ្ឋានគ្រប់គ្រងការវិនិយោគមូលនិធិសន្តិសុខសង្គមបានឱ្យដឹងថា កិច្ចប្រជុំកំពូលក្នុងឆ្នាំ ២០២៤ នេះ គឺជាការជួបប្រជុំដោយផ្ទាល់ដំបូង នៃម្ចាស់ទ្រព្យសកម្មរបស់ស្ថាប័នឈានមុខគេលើពិភពលោក និងដៃគូដែលពាក់ព័ន្ធនឹងសន្តិសុខសង្គម បន្ទាប់ពីការរីករាលដាលជំងឺរាតត្បាត ក្នុងគោលបំណង ដើម្បីផ្ដល់នូវកិច្ចពិភាក្សាស៊ីជម្រៅ ការផ្លាស់ប្ដូរទស្សនៈរស់រវើក និងដំណោះស្រាយសម្រាប់វិស័យឧស្សាហកម្មនាពេលបច្ចុប្បន្ន។

សូមបញ្ជាក់ថា កិច្ចប្រជុំកំពូលថ្នាក់សកលប្រចាំឆ្នាំ ២០២៤ របស់កិច្ចសហប្រតិបត្តិការវិនិយោគិនអាស៊ី-ប៉ាស៊ីហ្វិក (APIC) បានប្រព្រឹត្តទៅចាប់ពីថ្ងៃទី ១៣-១៥ ខែវិច្ឆិកា ឆ្នាំ ២០២៤ ក្រោមការសហការរៀបចំដោយកិច្ចសហប្រតិបត្តិការវិនិយោគិនអាស៊ី-ប៉ាស៊ីហ្វិក (APIC) និងរដ្ឋបាលតំបន់ពិសេសហុងកុង (Invest Hong Kong SAR) និងដៃគូពាក់ព័ន្ធនានា ដោយមានការធ្វើបទបង្ហាញ កិច្ចពិភាក្សា និងកិច្ចពិភាក្សាតុមូល ពីវាគ្មិនកិត្តិយសអន្តរជាតិចំនួនប្រមាណ ៣០ រូប ព្រមទាំងមានសមាសភាពចូលរួមមកពីបណ្ដាប្រទេសក្នុងតំបន់អាស៊ី-ប៉ាស៊ីហ្វិក និងក្រៅតំបន់ សរុបចំនួនប្រមាណ ២០០ រូប៕

អត្ថបទ ៖ សំអឿន

Related Topics:បេឡាជាតិសន្តិសុខសង្គម (ប.ស.ស)ប.ស.ស

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា