ព័ត៌មានជាតិ
ចិនស្នើកម្ពុជាកែលម្អចំណុចមួយចំនួនមុននឹងអនុញ្ញាតឲ្យនាំផ្លែស្វាយស្រស់ទៅកាន់ប្រទេសខ្លួន
អគ្គរដ្ឋបាលគយនៃខេត្តក្វាងស៊ីនៃប្រទេសចិន បានស្នើឲ្យអគ្គនាយកដ្ឋានកសិកម្មកម្ពុជាកែលម្អនូវចំណុចខ្វះខាតមួយចំនួនទាក់ទិននឹងហេដ្ឋារចនាសម្ព័ន្ធចម្ការស្វាយវិធានការអនាម័យនិងភូតគាមអនាម័យឱ្យស្របតាមលក្ខខណ្ឌតម្រូវរបស់ប្រទេសចិនជាមុនសិន ទើបអនុញ្ញាតឲ្យនាំផ្លែស្វាយស្រស់ទៅកាន់ប្រទេសចិន។
ការស្នើនេះបន្ទាប់ពីតំណាងអគ្គរដ្ឋបាលគយនៃខេត្តក្វាងស៊ីនៃសាធារណរដ្ឋប្រជាមានិតចិននិងក្រុមការងារអគ្គនាយកដ្ឋានកសិកម្មកម្ពុជាបានដំណើរការត្រួតពិនិត្យទៅលើក្រុមហ៊ុនចម្ការស្វាយចំនួន៣និងរោងចក្រប្រព្រឹត្តិកម្មពងរុយក្នុងផ្លែស្វាយចំនួន៤តាមអនឡាញដែលគ្រោងនាំចេញផ្លែស្វាយស្រស់ទៅកាន់ប្រទេសចិន។
តាមរយៈផេកហ្វេប៊ុកផ្លូវការរបស់លោក វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទបានឲ្យដឹងថា ក្នុងការត្រួតពិនិត្យនោះភាគីចិនបានរកឃើញនូវចំណុចខ្វះចន្លោះមួយចំនួនដែលតម្រូវឱ្យកែលម្អបន្ថែមរួមមាន១.កែលម្អហេដ្ឋារចនាសម្ព័ន្ធដូចជា ការធ្វើខ័ណ្ឌចែកបន្ទប់វេចខ្ចប់ និងឃ្លាំងត្រជាក់ ហើយនិងត្រូវបន្ថែមឧបករណ៍មួយចំនួនទៀតនៅរោងចក្រប្រព្រឹត្តកម្ម ដើម្បីបង្កើនការគ្រប់គ្រងអនាម័យនិងហានិភ័យបង្កដោយសមាសភាពចង្រៃឱ្យកាន់តែមានប្រសិទ្ធភាពខ្ពស់។
២. ត្រូវពង្រឹងវិធានការនានានៅក្នុងចម្ការនិងរោងចក្រដើម្បីទប់ស្កាត់ការរីករាលដាល ជំងឺកូវីដ-១៩ ឱ្យកាន់តែល្អប្រសើរនិង៣.ពង្រឹងការយល់ដឹងបន្ថែមទៀតជូនទៅដល់អ្នកដាំស្វាយ និងម្ចាស់រោងចក្រប្រព្រឹត្តកម្មអំពីវិធានការ អនាម័យនិងភូតគាមអនាម័យឱ្យស្របតាមលក្ខខណ្ឌតម្រូវរបស់ភាគីចិន។
យ៉ាងណាក៏ដោយភាគីចិនបានពិនិត្យឃើញថា ទាំងចម្ការស្វាយនិងរោងចក្រប្រព្រឹត្តកម្មពងរុយក្នុងផ្លែស្វាយ មានចំណុចល្អ ប្រសើរច្រើនបើទោះបីជានៅមានចំណុចមួយចំនួនត្រូវកែលម្អបន្ថែមក៏ដោយហើយបានសន្យាថានឹងពន្លឿនការរៀបចំរបាយការណ៍វាយតម្លៃនេះឱ្យបានលឿនបំផុតពោលរយៈពេល១សប្ដាហ៍បន្ទាប់ពីកិច្ចប្រជុំនេះ។
ចំណែកក្រុមការងារអគ្គនាយកដ្ឋានកសិកម្ម នឹងខិតខំជំរុញឲ្យក្រុមហ៊ុនធ្វើការកែលម្អនូវចំណុចខ្វះខាត ឱ្យបានលឿនបំផុតដើម្បីឈានទៅសម្រេចឲ្យខានតែបានក្នុងការនាំចេញផ្លែស្វាយស្រស់ទៅកាន់ប្រទេសចិន នៅក្នុងឆ្នាំនេះ។
គួរបញ្ជាក់ថាមូលហេតុចម្បងនៃការអូសបន្លាយពេលវេលានៃការធ្វើសេចក្តីសម្រេចចិត្តក្នុងការអនុញ្ញាតឲ្យកម្ពុជានាំផ្លែស្វាយស្រស់ចេញពីកម្ពុជានោះមានពីរចំណុចគឺ១. ការយល់ដឹងរបស់កម្ពុជាទាក់ទងទៅនឹងការគ្រប់គ្រងអនាម័យនិងភូតគាមអនាម័យ (ទាំងការនាំចូលនិងនាំចេញផលិតផលកសិកម្មនិងទាំងការដាំដុះដំណាំ) នៅមានកម្រិតដោយព្រះរាជាណាចក្រកម្ពុជាយើងពុំទាន់មានច្បាប់ស្តីពី អនាម័យនិងភូតគាមអនាម័យនៅឡើយដែរ ។២. ផ្លែស្វាយជាប្រភេទផ្លែឈើមួយដែលមានសក្តានុពល ផ្ទុកពងរុយដែលនឹងអាចចាប់ផ្តើមញស់ជាដង្កូវ ហើយក្លាយជាសត្វរុយអាចទៅបំផ្លាញដំណាំនានានៅក្នុងប្រទេសនាំចូលដែលមានភូមិសាស្ត្រស្ថិតនៅក្នុងតំបន់ មានស្ថានភាពនៃអាកាសធាតុ និងបរិស្ថានប្រហាក់ប្រហែលគ្នា៕
អត្ថបទ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៦ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ