ព័ត៌មានជាតិ
ស្រុកចំនួន៤នៅកោះកុងកំពុងសកម្មលើវិធានការទប់ស្កាត់ជំងឺកូវីដ១៩
អាជ្ញាធរស្រុកចំនួន៤នៅក្នុងខេត្តកោះកុង បាននឹងកំពុងផ្តោតការយកចិត្តទុកដាក់ខ្ពស់លើវិធានការទប់ស្កាត់ជំងឺកូវីឌ១៩តាមរយៈដាក់ប៉ុស្តិពិនិត្យសុខភាព និងអប់រំណែនាំអនាម័យយ៉ាងសកម្មជូនប្រជាពលរដ្ឋ។
យោងតាមស្មារតីគណៈបញ្ជាការឯកភាពខេត្ត គេសង្កេតឃើញថា ៣ទៅ៤ថ្ងៃមកនេះ អាជ្ញាធរស្រុកស្រែអំបិល ស្រុកបូទុមសាគរ ស្រុកគិរីសាគរ និងស្រុកកោះកុង បានពង្រឹងការទប់ស្កាត់ការរីករាលដាលជំងឺកូវីដស្ទើរតែគ្រប់មូលដ្ឋានគោលដៅទាំងអស់។
លោក ជា ច័ន្ទកញ្ញា អភិបាលស្រុកស្រែអំបិល បានឱ្យដឹងនៅថ្ងៃទី១៤ មីនា ២០២១នេះថា អាជ្ញាធរសមត្តកិច្ចរបស់លោក ដាក់គោលដៅពិនិត្យចំពោះអ្នកធ្វើឆ្លងកាត់ស្រុកឃុំភូមិទាំងផ្លូវគោក និងផ្លូវទឹក ទាំងថ្ងៃទាំងយប់ ក្នុងគោលបំណងសួរនាំព័ត៌មានពីគោលដៅធ្វើដំណើរឱ្យច្បាស់លាស់ពីមនុស្សចំណូលថ្មី។
លោកអភិបាលស្រុកស្រែអំបិល អះអាងទៀតថា គោលដៅផ្លូវគោលមាននៅចំណុចអូរជ្រៅ ឃុំបឹងព្រាវ និងឃុំជ្រោយស្វាយ រីឯផ្លូវទឹកវិញមានផែនេសាទតាមដៃព្រែកនានា។ ករណីមានការសង្ស័យណាមួយ អាជ្ញាធរនឹងមានវិធានការឃាត់ខ្លួនយកទៅធ្វើចត្តាឡីស័កនៅមណ្ឌលដែលមានស្រេច។
លោក ហាក់ ឡេង អភិបាលស្រុកបូទុមសាគរ ថ្លែងដែរថា មូលដ្ឋានស្រុករបស់លោក មានគោលដៅត្រួតពិនិត្យសុខភាពមនុស្សចេញចូលឆ្លងកាត់ចំនួន៤គោលដៅឯណោះ។ ទី១ នៅស្ពានព្រែកជីក ឃុំកណ្តោល ទី២ ស្ពានជីត្រេះ ឃុំអណ្តូងទឹក ទី៣ កំពង់ទូកព្រែកខ្យង ឃុំតានូន និងទី៤ គឺចំណូចអូរអិល ឃុំថ្មស។
អាជ្ញាធរក៏ស្នើសុំឱ្យពលរដ្ឋចូលរួមសហការផ្តល់ព័ត៌មានបន្ទាន់ប្រសិនបើឃើញមានមនុស្សប្លែកមុខចូលក្នុងភូមិ ដើម្បីអាជ្ញាធរសមត្ថកិច្ចមានវិធានការទាន់ពេលវេលា ជៀសវាងផ្ទុះជំងឺកូវីឌ១៩កាន់តែធ្ងន់ធ្ងរឡើងថែមទៀត។
ស្រុកគិរីសាគរ មានគោលដៅរឹតបន្តឹងចំនួន២ ទី១ នៅមុខអធិការដ្ឋាននគរបាលស្រុក និងទី២ ច្រកចេញចូលក្រុមហ៊ុនញញៀន គ្រាមូលដ្ឋានស្រុកនេះ ជាគោលដៅចម្បងជាងគេនៃបញ្ហាជំងឺកូវីដ១៩ ដោយមានមនុស្សប្រមាណ២០០០នាក់កំពុងធ្វើចត្តាឡីស័កនៅទីនោះ។ ជាក់ស្តែងកាលពីថ្ងៃទី១១ ខែមីនា រកឃើញមនុស្សប្រុសស្រីចំនួន៨នាក់ ជាកម្មករសំណង់ក្នុងក្រុមហ៊ុនតារាសាគរ មានវិជ្ជមានកូវីដ បច្ចុប្បន្នត្រូវបញ្ចូនមកកាន់មន្ទីរពេទ្យខេត្តរួចរាល់ហើយ។
ដោយឡែកស្រុកកោះកុងវិញ អាជ្ញាធរដាក់ប៉ុស្តិត្រួតពិនិត្យសុខភាពនៅមុខសាលាឃុំត្រពាំងរូង រង់ចាំវាស់កំដៅ សួរប្រវត្ថិគោលបំណងធ្វើដំណើររបស់អ្នកចរាចរណ៍ និងតម្រូវឱ្យពាក់ម៉ាស់ លាងដៃនឹងអាល់កុលជាប្រចាំ។ ដើម្បីជាការជំរុញទឹកចិត្តដល់កម្លាំងសមត្ថកិច្ច អាជ្ញាធរស្រុកទាំង៤ខាងលើ បានយកចិត្តទុកដាក់គៀងគរស្វែងរកជំនួសបន្ថែមពីសប្បុរសជនឧបត្ថម្ភជាម៉ាស ទឹកអាល់កុល ទឹកសុទ្ធ និងស្បៀងអាហារផ្សេងៗមកជួយទ្រទ្រង់ដល់កងកម្លាំងផងដែរ។
សរុបមកវិញជារួម លទ្ធផលនៅមិនទាន់មានអ្វីគួរឱ្យកត់សម្គាល់ខ្លាំងនោះទេ ព្រោះពលរដ្ឋហាក់ចូលរួមអនុវត្តវិធានការយ៉ាងល្អប្រសើរជាមួយរាជរដ្ឋាភិបាល ក្រសួងពាក់ព័ន្ធ និងគណៈបញ្ជាការឯកភាពខេត្ត ស្រុក។
ស្ថានភាពជំងឺកូវីដកាន់តែធ្វើឱ្យបារម្ភឡើង ខេត្តកោះកុងទាំងមូល គឺផ្អាកមិនឲ្យមានការរៀបចំកម្មវិធីមង្គលការ ឬជប់លៀងផ្សេងៗទាំងស្រុកហើយ គ្រាដែលសហគមន៍កំពុងឆ្លងរីករាលដាលជំងឺកូវីដ១៩គួរឲ្យព្រួយបារម្ភខ្លាំង។ អាជ្ញាធរ ណែនាំដល់ប្រជាពលរដ្ឋចូលរួមសហការ និងអនុវត្តតាមវិធានការរបស់ក្រសួងសុខាភិបាល ៣កុំ និង៣ការពារ៕
អត្តបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង