ព័ត៌មានជាតិ

ទិញថ្នាំញៀនមកទុកជក់ជាក្រុមត្រូវអាវុធហត្ថឃាត់ខ្លួន

បានផុស

៥ years មុន

នៅ

ថ្ងៃពុធ ១៧ មីនា ២០២១

ដោយ

កម្លាំងអាវុធហត្ថស្រុកមង្គលបូរីដឹកនាំដោយលោកអនុសេនីយ៍ឯក ចាន់ រដ្ឋា មេការកងរាជអាវុធហត្ថស្រុក ចុះបង្ក្រាបឃាត់ខ្លួនជនសង្ស័យ៥នាក់ ពាក់ព័ន្ធករណីគ្រឿងញៀនកាលពីវេលាម៉ោង៩យប់ ថ្ងៃទី១៦ ខែមីនា ឆ្នាំ២០២១ នៅចំណុចវាលស្រែ ភូមិជំទាវ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងប្រតិបត្តិការនេះ កម្លាំងបានដកហូតម្សៅក្រាមពណ៌សថ្លាចំនួន៤កូនថង់ ទម្ងន់១,៧៥ក្រាម ទូរស័ព្ទដៃ៣គ្រឿង ម៉ូតូ០១គ្រឿង និងសម្ភារៈវិចខ្ចប់ ព្រមទាំងឧបករណ៍ជក់គ្រឿងញៀនមួយចំនួន។លោក អនុសេនីយ៍ឯក ចាន់ រដ្ឋា បានបញ្ជាក់ឲ្យដឹងទៀតថា ជនសង្ស័យមានឈ្មោះ ១ ឈ្មោះ ឡេង ប៊ុនលី ភេទប្រុស អាយុ១៧ឆ្នាំ រស់នៅភូមិហ្លួង ឃុំឬស្សីក្រោក ស្រុកមង្គលបូរី ២ឈ្មោះ រឿង សុបិន ភេទប្រុស អាយុ២១ឆ្នាំរស់នៅភូមិអញ្ចាញ ឃុំឬស្សីក្រោក ស្រុកមង្គលបូរី ៣ឈ្មោះ ស៊ីម ពៅ ភេទប្រុស អាយុ២៣ឆ្នាំ រស់នៅភូមិស្ពានទំនាប ឃុំបួរ ស្រុកភ្នំព្រឹក ខេត្តបាត់ដំបង ៤ឈ្មោះ កែវ វួយហួរ ភេទប្រុស អាយុ១៧ឆ្នាំ រស់នៅភូមិជំទាវ ឃុំឬស្សីក្រោក ស្រុកមង្គលបូរី ៥ឈ្មោះ ម៉ៅ លីន ភេទប្រុស អាយុ១៨ឆ្នាំ រស់នៅភូមិប្រឡាយហ្លួងក្រោម ឃុំឬស្សីក្រោក ស្រុកមង្គលបូរី។

ជនសង្ស័យទាំង៥នាក់ត្រូវបានបញ្ជូនមកការិយាល័យបង្ក្រាបគ្រឿងញៀនអាវុធហត្ថខេត្តសាកសួរចម្លើយ និងធ្វើតេស្តទឹកនោមដើម្បីរកសារធាតុញៀន។

លោក ប៉ាន់ សៀន នាយការិយាល័យប្រឆាំងបទល្មើសគ្រឿងញៀន បានឲ្យដឹងថា ជនសង្ស័យទាំង៥នាក់ ក្រោយពីសាកសួរចម្លើយរួចមកបានឆ្លើយសារភាពថា ពួកគេបានទិញគឿងញៀនខាងលើមកទុកជក់ជាក្រុមតែម្តងជនសង្ស័យទាំង៥នាក់ ត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់៕

អត្ថបទ ៖ វ៉ាន់ ណាង

Related Topics: