ព័ត៌មានជាតិ
អ្នកនាំពាក្យទ័ពជើងគោកច្រានចោលការចុះផ្សាយថាមានការប្រឈមមុខគ្នារវាងកងទ័ពកម្ពុជានិងថៃ
អ្នកនាំពាក្យកងទ័ពជើងគោកឧត្តមសេនីយ៍ទោ ម៉ៅ ផល្លា ច្រានចោលការចុះផ្សាយរបស់សារព័ត៌មានថៃ The Nation ដែលថាមានការប្រឈមមុខគ្នារវាងកងទ័ពកម្ពុជានិងថៃ នៅតំបន់ប្រាសាទតាមាន់ធំកាលពីថ្ងៃទី១៣ ខែកុម្ភៈកន្លងទៅ។
សារព័ត៌មាន The Nation របស់ថៃបានចុះផ្សាយនៅថ្ងៃច័ន្ទនេះដោយចោទប្រកាន់ថាកងទ័ពកម្ពុជានៅតំបន់ប្រាសាទតាមាន់ធំបានចូលទៅក្នុងទឹកដីរបស់ថៃក្នុងខេត្តសូរិន ហើយបានច្រៀងបទនគររាជ ធ្វើឱ្យមានការប្រឈមគ្នាដោយអាវុធជាមួយទ័ពថៃ។ ទោះជាយ៉ាងណាបន្ទាប់ពីការសម្របសម្រួលទ័ពកម្ពុជាបានដកចេញទៅទីតាំងដើមវិញ។
លោក ម៉ៅ ផល្លា ប្រាប់កម្ពុជាថ្មីថាស្ថានភាពព្រំដែនកម្ពុជា-ថៃមានភាពស្ងប់ស្ងាត់ល្អ គ្មានការប្រឈមមុខគ្នាដូចការលើកឡើងរបស់សារព័ត៌មានថៃនេះនោះទេ។
លោកថា៖ «ខ្ញុំទើបមកពីភូមិភាគ៤ដែរអត់មានរឿងអីទេ! [..] ទៅជឿអីពួកថៃគេកំពុងឆ្កឹះឆ្កៀលរឿងហ្នឹង(ព្រំដែន)ទេ»។
ប្រាសាទតាមាន់ធំ ស្ថិតនៅលើខ្នងភ្នំដងរែក ក្នុងខេត្តឧត្តរមានជ័យ ជិតបង្គោលព្រំដែនលេខ២៣ ដែលបានធ្វើឡើងដោយបារាំង-សៀម ឆ្នាំ១៩០៤-១៩០៧។ យោងតាមសន្ធិសញ្ញា និងអនុសញ្ញាបារាំង-សៀម ឆ្នាំ១៩០៤-១៩០៨ ប្រជុំប្រាសាទតាមាន់តូច ប្រាសាទតាមាន់ធំខ្មែរ ស្ថិតនៅក្នុងអធិបតេយ្យភាពរបស់កម្ពុជា។ ទោះជាយ៉ាងណាក្រោយជម្លោះព្រំដែនរឿងប្រាសាទព្រះវិហារឆ្នាំ២០០៨ ប្រទេសកម្ពុជានិងថៃបានពង្រាយទ័ពរៀងខ្លួននៅតំបន់ទាំងនេះ៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ