ព័ត៌មានជាតិ

អ្នកពាក់ព័ន្ធក្នុងពិធីមង្គលការនៅភូមិក្រាំងលាវ នឹងត្រូវធ្វើតេស្ដលើកទី៣បន្តទៀត ក្រោយធ្វើតេស្តលើកទី២ អវិជ្ជមានកូវីដ១៩

បានផុស

៥ years មុន

នៅ

ថ្ងៃអង្គារ ២៣ មីនា ២០២១

ដោយ

លោក កេត ម៉ៅ អភិបាលស្រុកសំរោង ប្រាប់ឲ្យដឹងថា ប្រជាពលរដ្ឋ ដែលបានប៉ះពាល់ជាមួយបុគ្គលឈ្មោះ កក្កដា សោភ័ណ្ឌ ក្នុងពិធីមង្គលការមួយកន្លែង នៅឃុំរវៀង ស្រុកសំរោង ខេត្តតាកែវ ដែលបានធ្វើតេស្តលើកទី២មានចំនួនជាង៩០នាក់ សុទ្ធតែទទួលបានលទ្ធផលអវិជ្ជមានទាំងអស់។ ចំពោះការធ្វើតេស្តរកកូវីដ១៩ លើកទី៣ នឹងត្រូវធ្វើឡើងនៅថ្ងៃទី២៦ ខែមីនា ឆ្នាំ២០២១ ខាងមុខនេះ ។

លោក កេត ម៉ៅ បានបញ្ជាក់ថា លោកកំពុងរង់ចាំការវិភាគសំណាកលើកទី៣បន្តទៀត ដែលគ្រោងនឹងធ្វើនៅថ្ងៃសុក្រចុងសប្តាហ៍នេះ សង្ឃឹមថាអ្វីៗនឹងប្រសើរឡើងវិញ និងសូមឲ្យបងប្អូន បន្តការពារដោយអនុវត្តន៍នៅវិធានការរបស់ក្រសួងសុខាភិបាល ៣ការពារ និង ៣កុំ ឲ្យបានខ្ជាប់ខ្ជួនបន្ថែមទៀត ដើម្បីចូលរួមកាត់ផ្តាច់ការចម្លងចូលសហគមន៍ ក្នុងការឈានទៅបិទបញ្ចប់ នៅព្រឹត្តិការណ៍សហគមន៍២០កុម្ភៈ ឲ្យបានឆាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកក្រៅពីប្រជាពលរដ្ឋក្នុងស្រុកសំរោង ខេត្តតាកែវ ជាង៩០នាក់ ដែលបានធ្វើតេស្ត ក៏មានប្រជាពលរដ្ឋស្រុកបាទី ខេត្តតាកែវជាង៣០នាក់ទៀត បានប៉ះពាល់ក្នុងពិធីមង្គលការផងដែរ ដោយលទ្ធផលតេស្តលើកទី២ សុទ្ធតែអវិជ្ជមានកូវីដ ១៩ ដូចគ្នា។

សូមបញ្ជាក់ថា កាលពីថ្ងៃទី១១ និងថ្ងៃទី១២ ខែមីនា ឆ្នាំ២០២១ បុគ្គលឈ្មោះ កក្កដា សោភ័ណ្ឌ បានមកចូលរួមពិធីមង្គលការមិត្តភ័ក្ដិរបស់ខ្លួន នៅក្នុងភូមិក្រាំងលាវ ឃុំរវៀង ស្រុកសំរោង ខេត្តតាកែវ ។ បន្ទាប់ពីបានចូលរួមមង្គលការបានពីរថ្ងៃ បុគ្គលខាងលើបានទៅធ្វើតេស្តរកជំងឺកូវីដ-១៩ ដែលលទ្ធផល គឺវិជ្ជមាន ។ បន្ទាប់ពីទទួលបានដំណឹងវិជ្ជមាននេះ អាជ្ញាធរខេត្តតាកែវ បានរកឃើញអ្នកពាក់ព័ន្ធផ្ទាល់ និងប្រយោល ជាមួយបុគ្គល កក្កដា សោភ័ណ្ឌ ជិត ៤០០នាក់ ដោយបិទភូមិរបស់ប្រជាជន និងកំណត់ឲ្យធ្វើចត្តាឡីស័ក រយៈពេល ១៤ថ្ងៃ ដើម្បីតាមដានសុខភាពផងដែរ៕

អត្ថបទ ៖ រ៉ាវុទ្ធ

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា