ព័ត៌មានជាតិ

លោក ឃឹម សុជាតិ ប្រតិកម្មចំពោះអ្នកគាំទ្រមួយចំនួនតូចគិតតែពីជេរក្រោយបរាជ័យ

បានផុស

១ year មុន

នៅ

ថ្ងៃចន្ទ ២៤ មីនា ២០២៥

ដោយ

លោក ឃឹម សុជាតិ បានប្រតិកម្មភ្លាមៗនៅពេលមកដល់ប្រលានយន្តហោះអន្តរជាតិភ្នំពេញទៅកាន់អ្នកគាំទ្រមួយចំនួនតូចដែលបានជេរប្រមាថដល់កីឡាករពិសេសការប្រកួតនៅឯប្រទេសអូស្ត្រាលីដែលធ្វើមិនបានល្អទាំងពីរនាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃឹម សុជាតិ និង ចំរើន ពេលមកដល់ខ្មែរ

លើកឡើងក្នុងកិច្ចសម្ភាសមួយលោក ឃឹម សុជាតិ ថាលោកពិតជាមិនយល់ទាល់តែសោះអ្នកគាំទ្រមួយចំនួនគិតតែពីជេរកីឡាករនៅពេលប្រកួតចាញ់ម្ដងៗ។ ការជេរប្រមាថទាំងនោះគឺវាប៉ះពាល់ជាខ្លាំងចំពោះកីឡាករ គ្រូ ឬអ្នកដឹកនាំចេញទៅប្រកួតជាដើម។ លោកបានចោទសួរទៅកាន់អ្នកទាំងនោះបានជួយអ្វីដល់គុនខ្មែរ បានជួយអ្វីដល់កីឡាករ ឬបានត្រឹមតែជេរនោះទេ។

លោក ឃឹម សុជាតិ ពេលធ្វើអាជ្ញាកណ្ដាល

អាជ្ញាកណ្ដាលឆ្នើមរូបនេះឲ្យដឹងទៀតថា កីឡាមានចាញ់ មានឈ្នះ មិនថាជើងខ្លាំងប៉ុនណាក៏នៅមានចាញ់ដែរជារឿងធម្មតារបស់កីឡា។ ប៉ុន្តែម្នាក់ៗបានខំប្រឹងអស់ពីសមត្ថភាពហើយចាញ់ឈ្នះវាជារឿងធម្មតា។ ការចេញទៅ៣លើកមុនទទួលបានជោគជ័យម្ដេចមិនសរសើរ ឬលើកពីគុណសម្បត្តិផង នៅពេលចាញ់ម្ដងបែរជាជេរកីឡាករ ជេរគ្រូទៅវិញ។

ការជេរប្រមាថទាំងនេះគឺធ្វើឲ្យលោកផ្ទាល់លែងមានអារម្មណ៍ចង់នាំកីឡាករចេញក្រៅប្រកួតទៀតហើយដោយសារទទួលយកការជេរប្រមាថរបស់អ្នកគាំទ្រមួយចំនួនតូចមិនបាន។ ចាប់ពីពេលនេះទៅលោកក៏លែងត្រជាក់ផងដែរចំពោះអ្នកគាំទ្រណាជេរប្រមាថធ្ងន់ធ្ងរមកលើរូបលោក និងយកច្បាប់មកដោះស្រាយចំពោះបុគ្គលទាំងនោះវិញ។

លោក ឃឹម សុជាតិ

បញ្ជាក់ដែរថា ការជេរប្រមាថលើកីឡាករ ឬគ្រូបង្វឹកនេះត្រូវបានគេដឹងថានៅពេលដែលកីឡាករ ចំរើន គុនខ្មែរ និង សាន់ គុនខ្មែរ បានរងបរាជ័យទាំងពីនាក់នៅឯប្រទេសអូស្ត្រាលី កាលពីថ្ងៃសៅរ៍ ទី២២ ខែមីនា ឆ្នាំ២០២៥ កន្លងទៅនេះ។ ថ្ងៃនេះផងដែរ សាន់ គុនខ្មែរ ចំរើន គុនខ្មែរ លោក ឃឹម សុជាតិ និងប្រតិភូ បានមកដល់កម្ពុជាវិញហើយ៕

Related Topics:កីឡាប្រដាល់គុនខ្មែរ