ព័ត៌មានជាតិ

នាយករដ្ឋមន្រ្តីកម្ពុជាប្រកាសថា នឹងសម្ពោធព្រលានយន្តហោះថ្មីនៅខែកក្កដានេះ

បានផុស

១ year មុន

នៅ

ថ្ងៃចន្ទ ២១ មេសា ២០២៥

ដោយ

នៅក្នុងពិធីសម្ពោធបើកឲ្យប្រើប្រាស់កំពង់ផែទេសចរអន្តរជាតិកំពត នាយករដ្ឋមន្ត្រីកម្ពុជាបានថ្លែងថា នៅខែកក្កដានេះ សម្តេច នឹងចូលរួមសម្ពោធបើកឲ្យដំណើរការអាកាសយានដ្ឋានអន្តរជាតិតេជោ ដែលកំពុងឈានបញ្ចប់ការសាងសង់ក្នុងពេលឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានថ្លែងថា មានសមិទ្ធផលថ្មីៗជាច្រើនទៀត ដែលរាជរដ្ឋាភិបាលបានខិតខំកសាង និងត្រូវសម្ពោធជាបន្តបន្ទាប់ ដើម្បីបម្រើប្រយោជន៍ដល់ប្រជាពលរដ្ឋនិងការអភិវឌ្ឍសង្គម។ ក្នុងនោះនៅថ្ងៃស្អែក សម្ពេចក៏នឹងទៅសម្ពោធរោងចក្រដំឡើងរថយន្ត FORD របស់អាមេរិកនៅខេត្តពោធិ៍សាត់ផងដែរ។

ជាមួយគ្នានេះ សម្តេចប្រកាសថាក៏នឹងទៅសម្ពោធដាក់ឲ្យដំណើរការអាកាសយានដ្ឋានអន្តរជាតិតេជោ នៅអំឡុងខែកក្ដដាខាងមុខនេះ ខណៈអាកាសយានដ្ឋានទំនើបតម្លៃជាង ១៥០០ លានដុល្លារ របស់កម្ពុជានេះសម្រេចការសាងសង់បានប្រមាណជាង ៩៥% ដែលគ្រោងបញ្ចប់ក្នុងពេលដ៏ខ្លីខាងមុខនេះ។

រំលេចពីការបើកឲ្យដំណើរការកំពង់ផែទេសចរណ៍អន្តរជាតិកំពត នាយករដ្ឋមន្រ្តីកម្ពុជាបានអះអាងថាគឺជាសមិទ្ធផលថ្មីមួយទៀត ដែលសម្តេចបានចូលរួមសម្ពោធនៅក្រោយពិធីចូលឆ្នាំថ្មីប្រពៃណីជាតិ។

បើតាមប្រមុខរដ្ឋាភិបាល រាជរដ្ឋាភិបាលមិនល្អឥតខ្ចោះនោះទេ តែនឹងបន្តប្រឹងប្រែងកសាងសមិទ្ធផលថ្មីៗ ដែលរួមចំណែកដល់ការអភិវឌ្ឍសេដ្ឋកិច្ចសង្គមកម្ពុជា។

អាកាសយានដ្ឋានអន្តរជាតិតេជោ សម្រេចការសាងសង់បានប្រមាណ ៩៥% និងគ្រោងដាក់ឲ្យប្រើប្រាស់នៅអំឡុងខែកក្កដាឆ្នាំ ២០២៥។

អាកាសយានដ្ឋានអន្តរជាតិតេជោ ដែលនឹងក្លាយជាមជ្ឈមណ្ឌលដឹកអ្នកដំណើរប្រចាំតំបន់ ត្រូវបានសាងសង់ឡើងក្រោមទុនវិនិយោគប្រមាណ ១ ៥០០ លានដុល្លារ ខណៈដំណើរការសាងសង់បានគិតគូរយកចិត្តទុកដាក់លើគ្រប់ចំណុច ដើម្បីក្លាយជាអាកាសយានដ្ឋានលំដាប់កំពូលមួយរបស់ពិភពលោក៕