ព័ត៌មានជាតិ
វីតាល់ចែកសម្ភារៈថែរក្សាអនាម័យ ជូនអ្នកបើកបររ៉ឺម៉កកង់បី នៅរាជធានីភ្នំពេញ
ក្រុមហ៊ុនទឹកពិសាវីតាល់ បានរៀបចំយុទ្ធនាការប្រយុទ្ធប្រឆាំងកូវីដ១៩ នាព្រឹកថ្ងៃទី២៦ ខែមីនា នៅទីក្រុងរណបអភិវឌ្ឍបឹងកក់ ដើម្បីចែកកញ្ចប់អំណោយជាសម្ភារៈការពារ និងស្បៀងអាហារ ជូនអ្នកបើកបរត្រីចក្រយានយន្ត ចំនួន២៥០ គ្រឿង ក្នុងរាជធានីភ្នំពេញ។
យុទ្ធនាការត្រូវបានរៀបចំ ក្រោមប្រធានបទ “សុវត្ថិភាពខ្ញុំ សហគមន៍ខ្ញុំ” ដែលធ្វើឡើងក្នុងគោលបំណងចូលរួមចំណែកផ្តល់សុវត្ថិភាព និងសុខុមាលភាពដល់អ្នកបើកបររ៉ឺម៉កកង់បី ដែលកំពុងតែមានវិបត្តិផ្នែកជីវភាព ដោយឥទ្ធិពលនៃជម្ងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ។
ស្ថិតក្នុងឱកាសនេះដែរ លោក ជា ម៉េងគួង តំណាងនាយកដ្ឋានទីផ្សារ នៃក្រុមហ៊ុនទឹកពិសាវីតាល់ បានមានប្រសាសន៍ថា “នៅក្នុងស្ថានភាពដ៏តានតឹងនៃជំងឺកូវីដ១៩ អ្នកបើកបររ៉ឺម៉កកង់បី ជាក្រុមមនុស្សដែលប្រឈមនិងហានិភ័យខ្ពស់ ចំពោះសុខភាពដោយផ្ទាល់ និងប្រយោល ព្រមទាំងកំពុងជួបការលំបាកខ្លាំងដល់ផ្នែកជីវភាព និងសុខមាលភាពរបស់ពួកគាត់ និងគ្រួសារទៀតផង’’។ លោកបានបន្តថា “ក្នុងនាមជាក្រុមហ៊ុនក្នុងស្រុកដែលតែងតែយកចិត្តទុកដាក់ជានិច្ចលើសកម្មភាពសប្បុរសធម៌ និងគាំទ្រយ៉ាងសកម្មដល់កិច្ចការសហគមន៍ទូទៅ វីតាល់រៀបចំកម្មវិធីនេះឡើង ដោយក្រុមហ៊ុនសង្ឃឹមថា អំណោយថ្ងៃនេះ នឹងអាចជាផ្នែកមួយនៃការចូលរួមចំណែកផ្តល់សុវត្ថិភាពប្រចាំថ្ងៃ ហើយក្រុមហ៊ុនក៏សូមអំពាវនាវឲ្យបងប្អូនអ្នកបើកបររ៉ឺម៉កកង់បីទាំងអស់ នៅតែបន្តអនុវត្តវិធាន ៣ការពារ និង៣កុំ ឲ្យបានជាប់ជាប្រចាំ”។
គួរបញ្ជាក់ផងដែរ ចំពោះអំណោយដែលវីតាល់បានចែកជូននាថ្ងៃនេះ មានដូចជា ទឹកពិសាវីតាល់ មីជាតិ និងកញ្ចប់អំណោយជាសម្ភារៈថែរក្សាអនាម័យ ក្នុងម្នាក់មួយឈុត ដែលក្នុងនោះមាន ដូចជាម៉ាសក្រណាត់ការពារ សុវត្ថិភាព និងអាល់កុលបាញ់សម្លាប់មេរោគ។ ស្របពេលជាមួយគ្នានេះដែរ ដើម្បីចូលរួមទប់ស្កាត់ការរីករាលដាលនៃជម្ងឺកូវីដ-១៩ ចូលក្នុងសហគមន៍ជាលើកទី៣ វីតាល់សូមលើកទឹកចិត្តដល់ប្រជាពលរដ្ឋទាំងអស់ មេត្តាចូលរួមអនុវត្តយ៉ាងខ្ជាប់ខ្ជួននូវវិធានការ ៣ការពារ ៣ កុំ ដើម្បីការពារសុវត្ថិភាពផ្ទាល់ខ្លួន ក្រុមគ្រួសារ និងសហគមន៍ទាំងមូល។ វីតាល់ ជាក្រុមហ៊ុនក្នុងស្រុកដែលទទួលការគាំទ្រ ពីសំណាក់ប្រជាជនកម្ពុជាចំពោះការងារសប្បុរសធម៍និងសង្គម អស់រយៈជាង១០ឆ្នាំមកហើយ។ វីតាល់ក៏សូមបួងសួងឲ្យកម្ពុជាចៀសផុតពីស្ថានភាពដ៏លំបាកមួយនេះ៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?