អាជីវករ និងកម្មករ អ្នករត់ម៉ូតូ កង់បី ៧៣នាក់ ទទួលបានអង្ករពីសម្តេចតេជោ

បងប្អូនអាជីវករ លក់តាមកញ្ច្រែងល្អី នៅផ្សារអូឡាំពិក កម្មករស៊ីនទ្រីសំអាតផ្សារ អ្នករត់រីម៉កកង់បី ម៉ូតូឌុប ចំនួន៧៣​នាក់ ដែលមានជីវភាពខ្វះខាត ក្នុងគ្រួសារត្រូវទទួលបានអង្ករ១បេ ពីសម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ២៩ ខែមីនានេះ តាមរយៈ លោក ឃួង ស្រេង អភិបាលនៃគណ:អភិបាលរាជធានីភ្នំពេញ យកទៅប្រគល់ជូន ក្នុងពេលនៃការរីករាលដាលជំងឺកូវីដ១៩ ក្នុងរាជធានីភ្នំពេញ។

ប្រធានគណៈកម្មការផ្សារអូឡាំពិក លោកឡយ ស៊ាងអាងមានប្រសាសន៍លើកឡើងថា “អំណោយដែលចែកជូនខាងលើ​នេះជាអំណោយដ៍ថ្លៃថ្លា របស់សម្តេតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈ លោក ឃួង ស្រេង អភិបាលនៃគណ:អភិបាលរាជធានីភ្នំពេញ ដើម្បីអោយគណៈកម្មការផ្សារអូឡាំពិក យកមកចែកជូនផ្ទាល់ដល់បងប្អូនអាជីវករនិងកម្មករអនាម័យ អ្នករត់កងបី រត់ម៉ូតូឌុបដែលមានជីវភាពខ្វះខាតនិងទីទ័លក្រ ក្នុងតំណាក់កាលនៃជម្ងឺកូវីដ-១៩ កំពុងរីករាលដាលនៅក្នុងរាជធានីភ្នំពេញនេះ”។

លោកឡយ ស៊ាងអាងបានមានប្រសាសន៍លើកឡើងទៀតថា សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុន សែន យកចិត្តទុកដាក់ខ្លាំងណាស់ ចំពោះបងប្អូនប្រជាពលរដ្ឋ ក្រីក្រជួបការលំបាល៕

អត្ថបទ៖ស្រីរ័ត្ន