ផ្លូវថ្មើរជើង មានអាយុជាង៥ខែ ទទួលបានប្រជា​ប្រិយភាពខ្លាំងពីពលរដ្ឋគ្រប់មជ្ឈដ្ឋានទាំងក្នុង និងក្រៅប្រទេស

គិតមកដល់ពេលនេះ ផ្លូវថ្មើរជើង «Walk Street» មានអាយុជាង៥ខែមកហើយ ក្រោយដាក់ឱ្យដំណើរការសាកល្បង ចាប់ផ្តើមពីម៉ោង៦ដល់ម៉ោង១១យប់ រៀងរាល់ថ្ងៃសៅរ៍ និងថ្ងៃអាទិត្យ និងកំពុងទទួលប្រជាប្រិយភាពយ៉ាងខ្លាំងពីសំណាក់​ប្រជាពលរដ្ឋគ្រប់មជ្ឈដ្ឋានទាំងក្នុង និងក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃួង ស្រេង អភិបាលនៃគណៈអភិបាលរាជធានីភ្នំពេញ បានយកចិត្តទុកដាក់ខ្លាំងទៅលើបញ្ហាសន្តិសុខសណ្តាប់ធ្នាប់របៀបរៀបរយសាធារណៈ បរិស្ថាន និងអនាម័យលើផ្លូវថ្មើរជើង «Walk Street»នេះ។ ផ្លូវថ្មើរជើង «Walk Street» ក៏ទទួលបានការយកចិត្តទុកដាក់យ៉ាងខ្លាំងពីសម្តេចមហាបវរធិបតី ហ៊ុន ម៉ាណែត ប្រមុខរាជរដ្ឋាភិបាលកម្ពុជា ដែលបានប្រែក្លាយផ្លូវថ្មើរជើង «Walk Street» ជាកន្លែងទាក់ទាញភ្ញៀវទេសចរមកពីគ្រប់ទិសទីឲ្យមកលេងកំសាន្តដោយចាត់ទុកជាពិធីបុណ្យអុំទូកប្រចាំសប្តាហ៍នៅរាជធានីភ្នំពេញទៀតផង។

ដោយសារផ្លូវថ្មើរជើងនៅភ្នំពេញនេះ កាន់តែល្បីល្បាញពីមួយសប្ដាហ៍ទៅមួយសប្ដាហ៍នោះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសពីខេត្តកំពង់ធំនាថ្ងៃទី៣កក្ដដា ២០២៥នេះ ដើម្បីលើកទឹកចិត្តឱ្យអាជ្ញាធរខេត្តទាំងអស់ប្រកួតគ្នាបង្កើនសោភ័ណភាពនៅទីសាធារណៈ ហើយបើក្លាហានប្រជែងជាមួយ«ផ្លូវថ្មើរជើងនៅភ្នំពេញWalk Street»៕

អត្ថបទ៖ ស្រីរ័ត្ន