ព័ត៌មានជាតិ

សហគមន៍ខ្មែរនៅសាធារណរដ្ឋកូរ៉េ ប្រមាណ ២ ៥០០ នាក់ រៀបចំពិធីកាន់បិណ្ឌ ដើម្បីឧទ្ទិសកុសលដល់វិញ្ញាណក្ខន្ធរបស់វីរកងទ័ព

បានផុស

១០ ខែ មុន

នៅ

ថ្ងៃចន្ទ ១៥ កញ្ញា ២០២៥

ដោយ

ក្រសួងការងារ និងបណ្ដុះបណ្ដាលវិជ្ជាជីវៈ ស្ថានទូតកម្ពុជាប្រចាំសាធារណរដ្ឋកូរ៉េ និងសហគមន៍ខ្មែររស់នៅសាធារណរដ្ឋកូរ៉េ ប្រមាណ ២ ៥០០ នាក់ បានសហការរៀបចំពិធីកាន់បិណ្ឌវេនទី ៧ ដោយនាំយកបច្ច័យ និងទេយ្យទាន ទៅប្រគេនព្រះសង្ឃគង់នៅវត្តគូមី កាលពីថ្ងៃទី ១៤ ខែកញ្ញា ឆ្នាំ ២០២៥ ដើម្បីឧទ្ទិសកុសលដល់វិញ្ញាណក្ខន្ធរបស់វីរកងទ័ព។

ពិធីកាន់បិណ្ឌរបស់សហគមន៍ខ្មែរនៅសាធារណរដ្ឋកូរ៉េ រួមមាន កម្មវិធីសាសនា ការសម្ដែងសិល្បៈ ការលក់ដូរម្ហូបខ្មែរ និងការសំណេះសំណាលជាមួយក្រុមការងារយ៉ាងជិតស្និទ្ធបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហគមន៍ខ្មែរនៅសាធារណរដ្ឋកូរ៉េ ដែលចូលរួមពិធីកាន់បិណ្ឌ បានលើកទឹកចិត្តដល់ប្រជាពលរដ្ឋខ្មែរផ្សេងៗ ទៀត ចូលរួមឲ្យបានច្រើនកុះករ ក្នុងពិធីកាន់បិណ្ឌ និងភ្ជុំបិណ្ឌ ដើម្បីចូលរួមចំណែកក្នុងការថែរក្សា ផ្សព្វផ្សាយ និងលើកកម្ពស់វប្បធម៌ខ្មែរនៅលើឆាកអន្តរជាតិ ជាពិសេស ដើម្បីឧទ្ទិសកុសលដល់វិញ្ញាណក្ខន្ធរបស់វីរកងទ័ព ដែលបានពលីជីវិតក្នុងជម្លោះព្រំដែនកម្ពុជា-ថៃ នាពេលកន្លងមក៕