នយោបាយ
តើកូនថ្នាក់ដឹកនាំបក្សប្រជាជនណាខ្លះឈរជាបេក្ខជនតំណាងរាស្ត្រឆ្នាំ២០២៣?
មន្ត្រីគណបក្សប្រជាជនកម្ពុជា បានបញ្ជាក់ឲ្យដឹងថា គណបក្សប្រជាជនកម្ពុជា បានសម្រេចដាក់បញ្ជីបេក្ខជនឈរឈ្មោះនៅ២៥ រាជធានី-ខេត្ត ដែលក្នុងនោះ បេក្ខជនឈរឈ្មោះពេញសិទ្ធិ ១២៥ រូប និងបេក្ខជនបម្រុង ១៤៩ រូប ខណៈបេក្ខជនជាស្រ្តីមាន ៥៤ រូប។ ជាការកត់សម្គាល់ គណបក្សប្រជាជនកម្ពុជាក៏បានដាក់បញ្ចូលអ្នកបន្តវេនថ្មីៗមួយចំនួនដែរក្នុងបញ្ជីជាបេក្ខជនឈរឈ្មោះសម្រាប់ការបោះឆ្នោតនេះ។

តើអ្នកបន្តវេនរបស់គណបក្សប្រជាជនកម្ពុជាណាខ្លះត្រូវបានតែងតាំងជាបេក្ខជនឈរឈ្មោះការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ខាងមុខ?
យោងតាមបញ្ជីបេក្ខជនឈរឈ្មោះរបស់គណបក្សប្រជាជនកម្ពុជា បានឲ្យដឹងថា កូនប្រុសច្បងរបស់សម្ដេចតេជោ គឺឯកឧត្តមបណ្ឌិត ហ៊ុន ម៉ាណែត ដែលជាបេក្ខភាពអនាគតនាយករដ្ឋមន្ត្រីផងនោះ គឺត្រូវបានតែងតាំងជាបេក្ខជនឈរឈ្មោះពេញសិទ្ធិនៃមណ្ឌលរាជធានីភ្នំពេញ ខណៈឯកឧត្តម ហ៊ុន ម៉ានី ដែលជាកូនប្រុសពៅរបស់សម្ដេច គឺត្រូវបន្តឈរឈ្មោះជាបេក្ខជនតំណាងរាស្ត្រមណ្ឌលខេត្តកំពង់ស្ពឺ។
ក្រៅពីកូនរបស់សម្ដេចតេជោ ក៏នៅមានកូនៗរបស់ថ្នាក់ដឹកនាំជាន់ខ្ពស់របស់គណបក្សប្រជាជនកម្ពុជាមួយចំនួនទៀតផងដែរ ដែលត្រូវបានចាត់តាំងឲ្យឈរឈ្មោះជាបេក្ខជនតំណាងរាស្ត្រ រួមមាន៖

១/ លោក ស សុខា កូនប្រុសរបស់សម្ដេចក្រឡាហោម ស ខេង គឺឈរជាបេក្ខជនពេញសិទ្ធិលេខរៀងទី២ មណ្ឌលខេត្តព្រៃវែង។ សព្វថ្ងៃលោក ស សុខា កំពុងកាន់ដំណែងជារដ្ឋលេខាធិការក្រសួងអប់រំ យុវជន និងកីឡា។

២/ លោក សាយ សំអាល់ រដ្ឋមន្ត្រីក្រសួងបរិស្ថាន និងជាកូនប្រុសរបស់សម្ដេចវិបុលសេនាភក្តី សាយ ឈុំ គឺត្រូវឈរជាបេក្ខជនពេញសិទ្ធិលេខរៀងទី១ មណ្ឌលខេត្តព្រះសីហនុ។

៣/ អភិបាលខេត្តសៀមរាប លោក ទៀ សីហា ឈរជាបេក្ខជនពេញសិទ្ធិលេខរៀងទី៣ មណ្ឌលខេត្តសៀមរាប ខណៈឪពុករបស់លោក គឺសម្ដេចពិជ័យសេនា ទៀ បាញ់ ជាបេក្ខជនពេញសិទ្ធិលេខរៀងទី១ នៃមណ្ឌលជាមួយគ្នានេះ។

៤/ លោក យឹម លាត ឈរជាបេក្ខជនពេញសិទ្ធិរបស់គណបក្សប្រជាជនកម្ពុជានៅលេខរៀងទី៤ មណ្ឌលខេត្តកំពង់ធំ។ លោក យឹម លាត គឺជាកូនប្រុសរបស់លោក យឹម ឆៃលី សមាជិកគណៈអចិន្ត្រៃយ៍គណបក្សប្រជាជនកម្ពុជា។

៥/ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាកូនប្រុសលោក ឌិត មន្ទី សមាជិកគណៈអចិន្ត្រៃយ៍គណបក្សប្រជាជនកម្ពុជា គឺត្រូវឈរជាបេក្ខជនពេញសិទ្ធិលេខរៀងទី៦ នៃបញ្ជីបេក្ខជនតំណាងរាស្ត្រមណ្ឌលខេត្តត្បូងឃ្មុំ។

៦/ លោកស្រី ចម និម្មល កូនស្រីរបស់លោក ចម ប្រសិទ្ធ គឺឈរជាបេក្ខជនពេញសិទ្ធិលេខរៀងទី៥ នៃបញ្ជីបេក្ខជនតំណាងរាស្ត្រគណបក្សប្រជាជនកម្ពុជា មណ្ឌលខេត្តកំពត ខណៈឪពុករបស់លោកស្រី ឈរឈ្មោះជាបេក្ខជនពេញសិទ្ធិតែម្នាក់គត់នៃមណ្ឌលខេត្តកែប៕

ដោយ៖ ធឿន វ៉ាន់សុង
-
ព័ត៌មានជាតិ២ ថ្ងៃ មុន
សម្តេចតេជោ ៖ ខ្ញុំនឹងចុះហត្ថលេខា លើកិច្ចព្រមព្រៀងក្រមខណ្ឌគម្រោង សាងសង់ផ្លូវល្បឿនលឿន ភ្នំពេញ-សៀមរាប-ប៉ោយប៉ែត រសៀលនេះ
-
ជីវិតកម្សាន្ដ១ សប្តាហ៍ មុន
Jisoo តេស្តវិជ្ជមានកូវីដ ក្រោយវិលពីការប្រគំតន្ត្រីនៅថៃវិញ
-
ជីវិតកម្សាន្ដ៥ ថ្ងៃ មុន
ប្រកួតឆ្នាំដំបូង បវរកញ្ញាកម្ពុជា ឈ្នះមកុដ Miss Culture Global នៅឥណ្ឌូនេស៊ី
-
ជីវិតកម្សាន្ដ៦ ថ្ងៃ មុន
ក្រោយលែងលះជាមួយ Angelababy តារាប្រុស Huang Xiaoming មានមិត្តស្រីថ្មីការពារលើសមុន
-
ជីវិតកម្សាន្ដ៦ ថ្ងៃ មុន
ម្ចាស់មេដាយមាសស៊ីហ្គេម កូនកាត់ខ្មែរអាមេរិក លេចមុខថតសំអាងការ
-
សន្តិសុខសង្គម១ សប្តាហ៍ មុន
តខ្សែភ្លើងខុសបច្ចេកទេស ឆ្លងចរន្ដឆេះផ្ទះមួយខ្នង និងរថយន្ដមួយគ្រឿងទាំងស្រុង
-
ព័ត៌មានអន្ដរជាតិ៦ ថ្ងៃ មុន
លោក ថាក់ស៊ីន បញ្ជាក់ច្បាស់ៗពីពេលវេលាវិលត្រឡប់ចូលស្រុកវិញ
-
ជីវិតកម្សាន្ដ៧ ថ្ងៃ មុន
Dilraba រងការរិះគន់ថា ស្លៀកពាក់មិនសមក្នុងព្រឹត្តិការណ៍