Connect with us

សេដ្ឋកិច្ច

កសិករ​ដាំបន្លែ​នៅស្ទឹងត្រែង​ ជួប​បញ្ហាប្រឈម​ជំងឺ ខណៈបន្លែ​កំពុង​ទទួលផល

បានផុស

នៅ

កសិករដាំបន្លែ នៅសង្កាត់ព្រះបាទ និងសង្កាត់ស្ទឹងត្រែង កំពុងជួបបញ្ហាប្រឈមដោយសារបន្លែបានទទួលផលហើយបែរជាកើតជំងឺងាប់ដើមជាបន្តបន្ទាប់ បញ្ហានេះក្រុមកសិករ សំណូមពរទៅមន្ត្រីជំនាញកសិកម្មសូមឱ្យចុះមកផ្តល់បទពិសោធន៍ក្នុងការថែរទាំផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឡុងសារាត កសិករដាំបន្លែនៅសង្កាត់ព្រះបាទបានបញ្ជាក់ថា បច្ចុប្បន្នបងប្អូនប្រជាពលរដ្ឋ នាំគ្នាដាំបន្លែតាមការណែនាំរបស់អាជ្ញាធរ ដើម្បីកែប្រែជីវភាពរស់នៅ តែដាំបានល្អហើយសង្ឃឹមថា ទទួលបានផលល្អប្រសើរតែពេលនេះបែរជាជួបបញ្ហាមិនដឹងថាកើតមេរោគអ្វី។

លោកបន្តថា ឆ្នាំនេះបន្លែដែលដាំបានធំលូតលាស់ល្អហើយ បែរជាកើតជំងឺស្វិតដើម និងងាប់នៅពេលបន្លែកំពុងទទួលផល ដូចជាដំណាំ.ត្រប់ ម្រះ សណ្តែកគួ ត្រសក់ ត្រឡាច ត្រប់ និងម្ទេសជាដើម។

លោកស្រីផលពៅកសិករដាំសណ្តែកគួនៅភូមិរាជានុកូល សង្កាត់ស្ទឹងត្រែង បានបញ្ជាក់ថា ការដាំបន្លែប៉ុន្មានឆ្នាំចុងក្រោយនេះគឺជួបនៅបញ្ហាច្រើន ដូចជាសត្វល្អិតគ្រប់ប្រភេទមកស៊ីបំផ្លាញ ដង្កូវម៉ូស្លឹក និងមានមេរោគផ្សិតរលួយឬសនេះជាដើម។

លោកស្រីសំណូមពរឱ្យមន្ត្រីជំនាញកសិកម្មចុះមកពីនិត្យជាក់ស្តែង និងជួយបង្ហាញពីវិធីសាស្ត្រប្រើប្រាស់ថ្នាំកសិកម្ម និងការថែទាំ សំណូមពរចង់ឲ្យខាងកសិកម្មជួយបង្ហាត់បង្រៀនបច្ចេកទេសដាំឱ្យបានល្អ។

លោក ទំ នីរ៉ូ ប្រធានមន្ទីរកសិកម្មរុក្ខាប្រមាញ់និងនេសាទ ខេត្តស្ទឹងត្រែង បានទទួលយកការស្នើឡើងនេះ ហើយសូមឱ្យបងប្អូនកសិករ កុំបាក់ទឹកចិត្ត ត្រូវបន្តនាំគ្នាបង្កើនការដាំបន្លែជាលក្ខណៈគ្រួសារឱ្យបានច្រើនគ្នា ដើម្បីរួមគ្នាជួយទប់ស្កាត់ជាមួយបន្លែនាំចូល និងលក់បានប្រាក់ចំណូលសម្រាប់ដោះស្រាយជីវភាពក្នុងគ្រួសារផង។

លោកបន្កថា មន្ទីរកសិកម្មនិងបញ្ជូនមន្ត្រីជំនាញ ឱ្យចុះមកដល់សួនបន្លែរបស់កសិករយើងតែម្តងដើម្បីស្រាវជ្រាវ ហើយធ្វើប្រឹក្សាគ្នាស្វែងរកដំណោះស្រាយ ដូចជាការផ្លាស់ប្តូរជី និងការប្រើប្រាស់ថ្នាំសម្លាប់មេរោគក្នុងដី ដែលមានពពួក​(បាក់តេរី) បង្កឱ្យដំណាំកើតរោគផ្សិតឬសធ្វើឱ្យងាប់ដើមនេះ។

សូមបញ្ចាក់ថា នៅខេត្តស្ទឹងត្រែងមានកសិករជាង ៦០ក្រុម កំពុងផលិតបន្លែសរីរាង្គនាំយកមកផ្គត់ផ្គង់នៅទីផ្សាស្ទឹងត្រែង។

តែការផ្គត់ផ្គង់នេះមិនទាន់បានឆ្លើយតបទៅនិងតម្រូវការទីផ្សារនៅឡើយទេ ដោយសារបងប្អូនកសិករមួយចំនួនមិនទាន់បានផ្លាស់ប្តូរទំលាប់ដាំដុះបន្លែទៅតាមលក្ខណៈបច្ចេកទេសនៅឡើយទេទើបកើតមានបញ្ហាប្រឈមច្រើនបែបនេះ៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៣ នាទី មុន

ជនសង្ស័យ​២​នាក់​ ជិះ​ម៉ូតូ​បាញ់​កញ្ចក់​រថយន្ដ​យក​ទ្រព្យសម្បត្តិ​នៅមុខ​ហាង​លក់​គ្រឿងអគ្គិសនី​សេង​ម៉ាំង

សេចក្ដីជូនដំណឹង២៧ នាទី មុន

សេចក្តី​ជូនដំណឹង​ស្តីពី​ការ​អញ្ជើញ​ចូល​រួមដេញថ្លៃ​ការ​ផ្គត់ផ្គង់​ទំនិញ​របស់មន្ទីរ​សុខាភិបាល​នៃ​រដ្ឋបាល​ខេត្តបាត់ដំបង

សេចក្ដីជូនដំណឹង៣៥ នាទី មុន

សេចក្តី​ជូនដំណឹង​ស្តីពី​ការអញ្ជើញ​ចូល​រួមពិគ្រោះថ្លៃ​ការ​ផ្គត់ផ្គង់​អុកស៊ីហ្សែន​របស់មន្ទីរ​សុខាភិបាល​នៃ​រដ្ឋបាល​ខេត្ត​បាត់ដំបង

សន្តិសុខសង្គម៣៨ នាទី មុន

ឃាត់ខ្លួន​ជនសង្ស័យ​៣​នាក់ ពាក់ព័ន្ធ​ករណី​ឆបោក និង​រំលោភ​លើ​ទំនុក​ចិត្ត

សន្តិសុខសង្គម៤៣ នាទី មុន

តុលាការសម្រេច​ឃុំ​ខ្លួន​ ស្ត្រី​ដែល​ប្រើ​ហិង្សា​វៃ​ធ្វើ​បាប​ក្មេង​អាយុជាង៦ឆ្នាំ ដាក់ពន្ធនាគារ​

Sokha Hotels

ព័ត៌មានពេញនិយម