អាជីព

៥ យ៉ាងសម្គាល់ថា ចៅហ្វាយកំពុងតែមិនទុកចិត្តយើង

បានផុស

៥ years មុន

នៅ

ថ្ងៃសុក្រ ១៩ មីនា ២០២១

ដោយ

ជាមធ្យមយើងនឹងចំណាយពេល ១ថ្ងៃៗពេញម៉ោង ដើម្បីបំពេញការងារដែលយើងស្រលាញ់ប៉ុន្តែបើចៅហ្វាយរបស់យើងបែរជាមិនចូលចិត្តយើង នេះជារឿងពិបាកមួយគួររកដំណោះស្រាយ។

ខាងក្រោមនេះគឺជាសញ្ញាដែលចៅហ្វាយរបស់យើង មិនពេញចិត្តយើង និងរបៀបដែលអាចធ្វើឲ្យប្រសើរមកវិញ ៖

១. ចៅហ្វាយហាក់ ជៀសវាងការទាក់ទងគ្នាតទល់

យើងធ្លាប់តែទទួលបានចម្លើយទល់មុខពីអ្វីពីចៅហ្វាយរបស់យើង ហើយទំនាក់ទំនងធ្លាប់មានប្រែជាតាមរយៈអ៊ីមែលទៅវិញ។ នេះបង្ហាញថា ពួកគេប្រហែលជាមិនចូលចិត្តយើងទេ។

ដោះស្រាយរឿងនេះដោយអញ្ជើញចៅហ្វាយទៅហាងកាហ្វេ ហើយអង្គុយជជែកគ្នា បង្កើតការនិយាយឡើងវិញរវាងអ្នកទាំងពីរ។

២. លែងប្រគល់ការងារសំខាន់ឲ្យយើង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងជាមនុស្សតែម្នាក់គត់ដែលចៅហ្វាយប្រគល់ការងារតូចតាចជាងគេ បើចៅហ្វាយរបស់យើងឱ្យមនុស្សគ្រប់គ្នាធ្វើការងាររបស់ពួកគេរៀងៗខ្លួន តែបែរជាមកដកដង្ហើមនិងពិនិត្យមើលអ្វីដែលយើងកំពុងធ្វើ ពួកគេប្រហែលជាមិនទុកចិត្តយើង ដែលមានន័យថាចៅហ្វាយមិនចូលចិត្តយើង។

វិធីដោះស្រាយគឺសួរមេរបស់យើងថា អាចមានអ្វីជួយក្នុងគម្រោងការងារនេះបានអ្វីខ្លះ។

៣.មិនសូវយកចិត្តទុកដាក់ចំពោះសម្តីយើង

ចៅហ្វាយចាប់ផ្ដើមព្រងើយកន្តើយនឹងយើងរាល់ព្រឹក ឬពេលល្ងាច ដែលយើងចាកចេញពីក្រុមហ៊ុន ហើយក៏មិនមានសួរនាំនៅពេលយើងត្រលប់មកពីចុងសប្ដាហ៍វិញ។

ដោះស្រាយរឿងនេះដោយនិយាយថា “ជម្រាបសួរ” និង “លាហើយ” ហើយតែងតែសួរថាតើចុងសប្ដាហ៍របស់ចៅហ្វាយតើយ៉ាងម៉េច។

៤. ប្រគល់ការងារមិនចំជំនាញឲ្យយើង

ជារឿយៗចៅហ្វាយតែងប្រគល់នូវការងារដែលមិនចំជំនាញឲ្យយើង នេះក៏ជាសញ្ញាមួយទៀតដែលពួកគេមិនចូលចិត្ត ឬមិនទុកចិត្ត ហើយគិតថាយើងមានសមត្ថភាពធ្វើការងារធម្មតាៗតែប៉ុណ្ណោះ ។

វិធីដើម្បីដោះស្រាយបញ្ហានេះគឺត្រូវ បង្ហាញដល់ចៅហ្វាយថា យើងអាចដោះស្រាយកិច្ចការធំ ៗ ហើយអាចទទួលបានជោគជ័យជាមួយពួកគេដោយមិនរាយថយ។

៥. មិនដែលផ្ដល់យោបល់អ្វីដល់យើងមិនថាល្អឬមិនល្អ

ថៅកែដែលយកចិត្តទុកដាក់ពីអនាគតបុគ្គលិកនៅក្រុមហ៊ុននិងអាជីពរបស់កូនចៅ
នឹងផ្ដល់ឱ្យនូវមតិកែលំអល្អឬអាក្រក់សម្រាប់អ្នកក្រោមបង្គាប់។ ដូច្នេះប្រសិនបើយើងមិនទទួលបានអ្វីមួយពីចៅហ្វាយរបស់យើងសោះ នេះជាវិធីមួយដែលគេមិនចូលចិត្តយើង មិនចង់និយាយរក។

វិធីផ្លាស់ប្ដូរគឺ ត្រូវបង្ខំចិត្តឱ្យចៅហ្វាយព្រមនិយាយជាមួយយើង ហើយផ្ដល់មតិយោបល់ដល់យើង។

នេះគឺជាបញ្ហាធំមួយដែលយើងគួរដោះស្រាយជាបន្ទាន់ មិនអាចទុកនៅនាំតែរីកមាឌដូចដំបៅបានឡើយ។ យូរៗទៅអាចនឹងក្លាយជាដំបៅដ៏ធំព្យាបាលលែងជា ហើយយើងក៏លែងមានភាពជិតស្និទ្ធរវាងមេនិងកូនចៅតទៀត៕

ប្រែសម្រួល៖ សាង ស្រីល័ក្ខ

ចុចអាន៖សញ្ញាខ្លះៗបង្ហាញថាចៅហ្វាយកំពុងមិនពេញចិត្តអ្នក ជាលក្ខណៈសំអប់ផ្ទាល់ខ្លួន

ចុចអាន៖ប្រសិនបុគ្គលិកល្អរបស់អ្នកនៅសុខៗ ស្រាប់តែប្រែទៅជាស្រងូតស្រងាត់