Connect with us

អាជីព

ប្រសិនបុគ្គលិកល្អរបស់អ្នកនៅសុខៗ ស្រាប់តែប្រែទៅជា​​ស្រងូតស្រងាត់​

បានផុស

នៅ

ជា​នាយក​ក្រុមហ៊ុន​មួយ​ មិន​ត្រឹម​តែ​ធ្វើ​ជំនួញ​មួយ​មុខ​នោះ​ទេ អ្នក​ត្រូវ​ផ្សារ​ភ្ជាប់​ខ្លួនឯង​ទៅ​នឹង​ជីវិត​របស់​មនុស្ស​នៅ​ក្នុង​ក្រុមហ៊ុន។ ​នោះ​មាន​ន័យ​ថា​ អ្នក​នៅ​ទីនោះ​សម្រាប់​ពួកគេ​ក្នុង​គ្រា​លំបាក។

វិបត្តិ​ផ្ទាល់​ខ្លួន​ ​អាច​និង​អាច​ជះ​ឥទ្ធិពល​ដល់​បុគ្គលិក​ណាមួយ​ ហើយ​រាល់​វិបត្តិ​គឺ​ខុសគ្នា។ វា​អាច​ជា​បញ្ហា​សុខភាព​ផ្ទាល់ខ្លួន ​បញ្ហា​ប្ដី​ប្រពន្ធ ​ឬ​សមាជិក​គ្រួសារ ដែល​បង្ក​ជា​ភាព​សោកសៅ​ និង​ការ​បាត់បង់​នៃ​ការ​ផ្លាស់ប្ដូរ​ក្នុង​ជីវិត​ពួកគេ ។

ដើម្បី​យល់​ច្បាស់​ពី​បញ្ហា​បុគ្គលិក​​ នាយក​ក្រុមហ៊ុន​តូច​ធំ​គួរ​អាន​ដើម្បី​កាន់​តែ​ច្បាស់!

១. វប្បធម៌ឈឺច្អាល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុគ្គលិក​នឹង​មិន​មក​ជួប​អ្នក​ពី​បញ្ហា​របស់​ពួកគេ​ទេ។ តាម​ពិត​ទៅ​ ពួកគេ​ភាគ​ច្រើន​នឹង​ចៀសវាង​ឬ​គេច​យ៉ាង​សកម្ម​តាម​ដែល​អាច​ធ្វើ​ទៅ​បាន។ វិបត្តិ​នេះ​ក៏បាន​បង្កើត​ភាព​តានតឹង​ដល់​ពួកគេ​ នឹង​ជះ​ឥទ្ធិពល​ដល់​គ្រប់​ទិដ្ឋភាព​នៃ​ជីវិត ​រួម​ទាំង​ការងារ​របស់​ពួកគេ​ផង​ដែរ។

ក្នុង​នាម​ជា​ចៅហ្វាយ ​ត្រូវ​ស្គាល់​បុគ្គលិក​របស់​ខ្លួន​ឲ្យបាន​ច្រើន​ ដើម្បី​កត់​សម្គាល់​នៅ​ការ​ផ្លាស់ប្ដូរ​ឥរិយាបថ​ពួកគេ។ នៅ​ពេល​ដែល​បុគ្គលិក​ហាក់​ដូច​ជា​រវល់ ​ឬ​មាន​អារម្មណ៍​មិនល្អ​ សូម​សួរ​ពួកគេ​ថា ​តើ​មិន​អី​ទេ?

នេះ​ជា​ការ​បង្ហាញ​ក្នុងនាម​ជា​ចៅហ្វាយ ​ដែល​​យកចិត្តទុកដាក់​ ដោយ​ធ្វើ​ជា​អ្នក​ស្ដាប់​ដ៏​ល្អ​បំផុត​សម្រាប់​បុគ្គលិក។

២. បង្កើត​ប្រព័ន្ធ​គាំទ្រ​ក្នុង​ក្រុមហ៊ុន

ផ្ដល់​អាទិភាព​ដល់​សុខុមាលភាព​របស់​បុគ្គលិក​អ្នក ​ដោយ​បង្កើត​ប្រព័ន្ធ​គាំទ្រ​នៅ​ទូទាំង​អង្គភាព​ទាំងមូល។ ធ្វើការ​ជាមួយ​នាយកដ្ឋាន​និង​អ្នក​គ្រប់គ្រង​ធនធាន​មនុស្ស​របស់​អ្នក ​ឬ​ជាមួយ​កម្មវិធី​ជំនួយការ​បុគ្គលិក (EAP) នៅ​ខាងក្រៅ ​ដើម្បី​ដាក់​សំណាញ់​សុវត្ថិភាព​និង​ការ​គាំទ្រ​សម្រាប់​ពេល​បុគ្គលិក​មាន​វិបត្តិ​ផ្ទាល់ខ្លួន។

៣. ធ្វើ​ជា​មិត្តដែលអាច​ពិគ្រោះ

បង្ហាញ​បុគ្គលិក​របស់​អ្នក​ថា​ អ្នក​យក​ចិត្ត​ទុក​ដាក់​ចំពោះ​ពួកគេ ​ហើយ​ធ្វើ​ជា​គំរូ​ដោយ​ខ្លួនឯង។ ពេលខ្លះ​សមាជិក​ក្នុង​ក្រុម​ពួកគេ​អាច​បត់បែន​ការងារ​តាម​ម៉ោង ​ប្ដូរ​ការងារ​ពី​ផ្ទះ​ ឬ​ប្ដូរ​ការងារ​ទៅ​សមាជិក​ក្រុម​ផ្សេង​ទៀត​ជា​បណ្ដោះ​អាសន្ន។ នេះ​ក៏​អាច​ជា​បញ្ហា​របស់​បុគ្គលិក​ក្នុង​ក្រុមហ៊ុន។

មិនថា​បុគ្គលិក​ត្រូវ​ការ​អ្វី​ក៏ដោយ​ ការ​នៅ​ទីនោះ​ជាមួយ​ពួកគេ​ គឺ​ជា​ការ​បំពេញ​នូវ​បេសកកម្ម​និង​ការ​ប្ដេជ្ញា​ចិត្ត​ក្នុង​នាម​ជា​ចៅហ្វាយ​ល្អ​ម្នាក់​ ដើម្បី​ជា​គន្លឹះ​រឹងមាំ​ កសាង​កន្លែង​ការងារ​ឲ្យ​មាន​សុខភាព​ល្អ​ទៅ​ថ្ងៃ​មុខ៕

ប្រែសម្រួល៖ សាង ស្រីល័ក្ខ

ចុចអាន៖ក្រុមហ៊ុន៦បែបនេះ នៅ​ធ្វើការ​ខូច​អនាគត​មិនខាន

ចុចអាន៖បុគ្គលិក៥ប្រភេទ ​ដែល​ក្រុមហ៊ុន​នីមួយៗ​ដណ្ដើម​គ្នា​យក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម