សន្តិសុខសង្គម

សំណង់មិនរៀបរយ៥ខ្នងផ្ទះ ត្រូវអគ្គិភ័យឆាបឆេះគ្មានសល់នៅសង្កាត់ច្បារអំពៅ២

បានផុស

២ years មុន

នៅ

ថ្ងៃពុធ ២៩ ធ្នូ ២០២១

ដោយ

ផ្ទះឈើប្រក់សង្ក័សីតូចៗ ចំនួន៥ខ្នងផ្ទះ ត្រូវអគ្គិភ័យឆាបឆេះបំផ្លាញអស់ហ្មត់គ្មានសល់ កាលពីវេលាម៉ោង២០និង១៥នាទី យប់ថ្ងៃទី២៨ ខែធ្នូ ឆ្នាំ២០២១ ស្ថិតនៅតាមបណ្តោយផ្លូវលំ ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រពភព័ត៌មានអោយដឹងថា នៅមុនកើតហេតុ គឺមានអណ្តាតភ្លើងឆាបឆេះចេញពីផ្ទះមួយដែលមានម្ចាស់ឈ្មោះ ស៊ុក គ្រៀវ ភេទស្រី អាយុ៤៦ឆ្នាំ មុខរបរលក់កាហ្វេ បង្កអោយមានជាអណ្តាតភ្លើងឆាបឆេះរាលដាលដល់ផ្ទះជាប់នោះជាបន្តបន្ទាប់ ហើយកាន់តែខ្លាំងឡើងតែម្តងទៅ ។

បន្ទាប់ពីមានការឆាបឆេះ កម្លាំងអាជ្ញាធរមូលដ្ឋានរួមទាំងរថយន្តពន្លត់អគ្គីភ័យ នៃស្នងការដ្ឋាននគរបាលរាជធានីភ្នំពេញ ជាច្រើនគ្រឿងបានចុះអន្តរាគមន៍ធ្វើការបាញ់ពន្លត់អណ្តាតភ្លើង ។ ក្រោយការខិតខំប្រមាណកន្លះម៉ោងរួចមកឃើញថា អណ្តាតភ្លើងបានរលត់សូន្យសុងទៅវិញ១០០ភាគរយ ដោយបានបំផ្លាញផ្ទះអស់ចំនួន៥ខ្នងផ្ទះ ។

លោក ញាណ ចាន់សោភា នាយករដ្ឋបាលខណ្ឌច្បារអំពៅ បានប្រាប់ឲ្យដឹងថា ចំពោះមូលហេតុ នៃការឆាបឆេះ បណ្តាលមកពីការឆ្លងចរន្តអគ្គីសនី។ លោកបន្តថា ក្នុងករណីដដែលនេះ កម្លាំងជំនាញបានប្រើប្រាស់រថយន្ដការិយាល័យបង្ការ និងពន្លត់អគ្គិភ័យ អស់៣ឡាន និងរថយន្តពន្លត់អគ្គិភ័យរបស់សាលាខណ្ឌច្បារអំពៅ១គ្រឿងផងដែរ ៕

អត្ថបទ៖ លីហេង