សន្តិសុខសង្គម

នាំខ្លួនអ្នកសារព័ត៌មានម្នាក់ មកសាកសួរ ករណីញុះញង់ពលរដ្ឋនៅតំបន់ ៣ បំពានលើព្រៃមច្ឆាជាតិ

បានផុស

៣ years មុន

នៅ

ថ្ងៃអង្គារ ១១ មករា ២០២២

ដោយ

ការឃាត់ខ្លួនអ្នកសារព័ត៌មានម្នាក់ ខណៈដែលមុនការនាំខ្លួនជនបង្កកាលពីថ្ងៃទី ១០ ខែមករា ឆ្នាំ ២០២២ នេះ តំណាងអយ្យការអមសាលាដំបូងខេត្តបាត់ដំបង បានចេញដីការបញ្ជាឲ្យចូលខ្លួន ដើម្បីសាកសួរនៅសាលាដំបូងខេត្ត ដោយយោងតាមរបាយការណ៍របស់មន្ទីរជំនាញ ២ រួមគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចោទប្រកាន់ទៅលើជនបង្កមានឈ្មោះ សុខ សារ៉ាន់ អាយុជាង ៥០ ឆ្នាំ ភ្នាក់ងារព័ត៌មានគេហទំព័រកម្ពុជារាល់ថ្ងៃ ប្រចាំខេត្តបាត់ដំបង។ កាលពីថ្មីៗកន្លងមកនេះ លោក សុខ សារ៉ាន់ បានជួបជាមួយប្រជាពលរដ្ឋ នៅចំណុចព្រៃលិចទឹកតំបន់ ៣ ក្នុងភូមិព្រែកហ្លួង ឃុំព្រែកហ្លួង ស្រុកឯកភ្នំ ខេត្តបាត់ដំបង ផ្សាយព័ត៌មានតាមអនឡាញញុះញង់ឲ្យពលរដ្ឋនាំគ្នាតវ៉ា ឬស្នើសុំដល់ថ្នាក់ដឹកនាំឲ្យបានដាំដុះអាស្រ័យផលលើដែនដីព្រៃលិចទឹកតំបន់ ៣ បន្តទៀត។

ពាក់ព័ន្ធ នឹងការនាំខ្លួនអ្នកសារពត៌មានខាងលើនេះ អ្នកនាំពាក្យសាលាដំបូងខេត្តបាត់ដំបង បានប្រាប់ឲ្យដឹងថា តាមនីតិវិធីសំណុំរឿងខាងលើ បានបញ្ជូនដល់ដៃចៅក្រមស៊ើបសួរហើយ អាស្រ័យលើការសាកសួររបស់លោកចៅក្រមទៅតាមនីតិវិធីជាក់ស្តែងនៃបទល្មើសដែលបានចោទប្រកាន់ដូចខាងលើនេះ៕

អត្ថបទ៖ សៅ សារិទ្ធ