សន្តិសុខសង្គម

ជម្លោះក្នុងគ្រួសារដុតផ្ទះខ្លួនឯងចោលរាលដាលដល់ផ្ទះអ្នកជិតខាងសរុប៤ខ្នង

បានផុស

៨ ខែ មុន

នៅ

ថ្ងៃសៅរ៍ ១៥ មករា ២០២២

ដោយ

ប្តីប្រពន្ធមួយគូរបានផ្ទុះជម្លោះដាក់គ្នារហូតឈានដល់ការដុតផ្ទះចោលបង្កជាអគ្គិភ័យឆាបឆេះរាលដាលដល់ផ្ទះអ្នកជិតខាងយ៉ាងសន្ធោសន្ធៅបង្កការភ្ញាក់ផ្អើលកាលពីវេលាម៉ោង១១និង២០នាទីយប់ ថ្ងៃទី១៤ ខែមករា ឆ្នាំ២០២២ ស្ថិតនៅចំណុចផ្ទះលេខ៧២ ភូមិ២១ ក្រុម២៥៧ សង្កាត់ស្រះចក ខណ្ឌដូនពេញ រាជធានីភ្នំពេញ ព្រមទាំងឆេះបំផ្លាញផ្ទះចំនួន៤ខ្នង និងសម្ភារៈអស់ទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ម្ចាស់ទីតាំងមានឈ្មោះ លៀង ទិនធី ភេទប្រុស អាយុ ៣២ឆ្នាំ មុខរបរជាងសំណង់ ចំពោះមូលហេតុ នៃការឆាបឆេះបណ្តាលមកពីជម្លោះក្នុងគ្រួសារ ដុតផ្ទះខ្លួនឯងបង្កជាអគ្គិភ័យឆាបឆេះរាលដាលដល់ផ្ទះអ្នកជិតខាង។

ក្នុងហេតុការណ៍គ្រោះអគ្គិភ័យខាងលើនេះបណ្តាលឲ្យឆាបឆេះផ្ទះឈើលើថ្មក្រោម ទំហំ៤ម៉ែត្រ x ៨ម៉ែត្រ ខូចខាតចំនួន៤ខ្នង និងសម្ភារៈអស់ទាំងស្រុង។

សម្រាប់ប្រតិបត្តិការសង្គ្រោះវិញ កម្លាំងជំនាញបានប្រើប្រាស់រថយន្ដការិយាល័យបង្ការ និងពន្លត់អគ្គិភ័យចំនួន២១គ្រឿង ប្រើប្រាស់ទឹកអស់២១ឡាន ស្មើរនឹង៨៤ម៉ែត្រគូប រថយន្តពន្លត់អគ្គិភ័យរបស់ក្រុមហ៊ុនស្រាបៀរកម្ពុជា ចំនួន១គ្រឿង ប្រើប្រាស់ទឹកអស់១ឡាន ស្មើរនឹង៦ម៉ែត្រគូប និងរថយន្តពន្លត់អគ្គិភ័យរបស់ក្រុមហ៊ុន OCIC ចំនួន៦គ្រឿង ប្រើប្រាស់ទឹកអស់១ឡាន ស្មើរនឹង៦ម៉ែត្រគូប ។ នៅក្នុងគ្រោះអគ្គិភ័យខាងលើនេះ កម្លាំងសមត្ថកិច្ចជំនាញបានគ្រប់គ្រងទាំងស្រុង នៅវេលាម៉ោង១២និង២០នាទីយប់រំលងអាធ្រាត្រ ៕

អត្ថបទ៖ សុខា