សន្តិសុខសង្គម
ឆក់កាបូបបានសម្រេចទៀតហើយនៅខណ្ឌពោធិ៍សែនជ័យ ខណៈមានជនរងគ្រោះម្នាក់ទើបស្លាប់ថ្មីៗនេះ
ស្ត្រីម្នាក់ត្រូវជនសង្ស័យធ្វើសកម្មភាពឆក់យកកាបូបបានសម្រេចរួចគេចខ្លួនបាត់ដោយសុវត្តិភាព ដួលរងរបួស ខណៈកាលពីប៉ុន្មានថ្ងៃមុនមានជនរងគ្រោះម្នាក់បានស្លាប់ បន្ទាប់ពីត្រូវជនសង្ស័យកាបូបដួលផុងលលាដ៍ តែសមត្ថកិច្ចនៅមិនទាន់ស្រាវជា្រវបង្ក្រាបបាន។
ហេតុការណ៍ខាងលើកើតឡើងកាលពីវេលាម៉ោង៨និង១០នាទីព្រឹក ថ្ងៃទី២០ ខែមករា ឆ្នាំ២០២២ នៅតាមផ្លូវសហព័ន្ធរុស្សី ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ ។
ជនរងគ្រោះឈ្មោះ អួង ស្រីពៅ ភេទស្រី អាយុ៥៤ឆ្នាំ មានកូនស្រី២នាក់ រស់នៅភូមិទន្លេនាម ឃុំចំប៉ី ស្រុកអង្គរជ័យ ខេត្តកំពត ។
តាមសម្តីជនរងគ្រោះបានឲ្យដឹងថា មុនកើតហេតុ រូបគាត់បានជិះម៉ូតូម៉ាកZoomer ពណ៌ស ពាក់ស្លាកលេខ កំពត 1R-3127 ដឹកអង្កយកទៅឲ្យកូននៅឯផ្សារឌុយមិច សង្កាត់មនោរម្យ ខណ្ឌ៧មករា ដោយជិះតាមផ្លូវសហព័ន្ធរុស្សី ពីលិចទៅកើត ខណៈមកដល់ចំណុចកើតហេតុ ស្រាប់តែមានជនសង្ស័យ២នាក់ ជិះម៉ូតូហុងដាឌ្រីម ពណ៌ខ្មៅ មិនមានស្លាកលេខ មកឆក់ទាញយកកាបូបយកទៅបាត់ ។ ជនរងគ្រោះបានរៀបរាប់ថា ក្នុងកាបូបមានខោអាវ លុយជាង៥០ម៉ឺនរៀល ទូរស័ព្ទដៃ១គ្រឿង និងឯកសារមួយចំនួនទៀត ។
បើតាមប្រជាពលរដ្ឋបានលើកឡើងថា ក្នុងខណ្ឌពោធិ៍សែនជ័យ កើតមានចោរឆក់កាបូប ក្នុងមួយថ្ងៃគិតជាមធ្យម៣ករណី ជាតួរលេខមួយធ្វើឲ្យប្រជាពលរដ្ឋព្រួយបារម្ភ។
គួររំលឹកថា កាលពីវេលាម៉ោង០៩និង១៥នាទី ព្រឹកថ្ងៃទី១៥ ខែមករា ឆ្នាំ២០២២ ស្ថិតតាមបណ្ដោយ មហាវិថីសហព័ន្ធរុស្ស៊ី ក្នុងសង្កាត់កាកាបទី១ ខណ្ឌពោធិ៍សែនជ័យ ស្ត្រីម្នាក់ត្រូវបានជនសង្ស័យមួយក្រុមធ្វើសកម្មភាពឆក់កាបូបបានសម្រេចបណ្ដាលឲ្យដួលបោកក្បាលផុងលលាដ៍រងរបួសធ្ងន់ធ្ងរ ត្រូវបានបញ្ជូនទៅសង្គ្រោះភ្លាមៗ ហើយក៏បានស្លាប់បាត់បង់ជីវិតថ្ងៃទី១៩ ខែមករា នេះ។
ជនរងគ្រោះមានឈ្មោះ ពុំ រ៉ា វិន ភេទស្រី អាយុ៣៨ឆ្នាំ ស្នាក់នៅក្នុងភូមិត្រពាំងពោធិ៍ សង្កាត់ ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ៕
អត្ថបទ៖ សុខា
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៦ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ