Connect with us

សន្តិសុខសង្គម

ឆេះផ្ទះស្តុកក្រណាត់បោះដុំ សម្លាប់មនុស្សម្នាក់និងពីរនាក់ទៀតរងរបួស​​

បានផុស

នៅ

អគ្គិភ័យឆេះផ្ទះស្តុកក្រណាត់បោះដុំមួយល្វែងយ៉ាងសន្ធោសន្ធៅ បណ្ដាលឲ្យស្ត្រីម្នាក់ស្លាប់ និងពីរ​នាក់​ទៀតរងរបួស ខណៈជាប់នៅខាងក្នុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគ្រោះអគ្គិភ័យនេះ បានកើតឡើងកាលពីវេលា​ម៉ោង៣​និង៣០​នាទីទៀបភ្លឺ ថ្ងៃទី២៦ ខែមករា ឆ្នាំ២០២២ នៅចំណុចផ្ទះលេខ១C ផ្លូវបេតុង ភូមិបឹង​សាឡាង ក្រុម១ ជាប់បុរី​សម្បត្តិ សង្កាត់​ឫស្សីកែវ ខណ្ឌឫស្សីកែវ រាជធានីភ្នំពេញ។

ជនរងគ្រោះនៅមិនទាន់ស្គាល់អត្តសញ្ញាណនៅឡើយ​ទេ គ្រាន់តែដឹងថា ជាអាជីវករលក់ក្រណាត់ បោះ​ដុំនៅផ្សារអូឡាំពិក បច្ចុប្បន្នកំពុងសង្គ្រោះនៅមន្ទីរពេទ្យ។

យោងតាមប្រភពព័ត៌មានពីប្រជាពលរដ្ឋនៅជិតខាងផ្ទះកើ​តហេតុបានប្រាប់អោយដឹងថា ផ្ទះ​ដែល​ឆេះ​គឺ​ស្តុក​ក្រ​ណាត់​ពេញក្នុងផ្ទះ ទុកសម្រាប់លក់បោះដុំនៅផ្សារអូឡាំពិក ហើ​យនៅមុនពេលកើ​ត ហេតុ ពេលល្ងាច គឺម្ចាស់ផ្ទះគាត់បានដុត​កម្ទេចក្រណាត់នៅមុខផ្ទះគាត់ តែត្រូវសមត្ថកិច្ចមូលដ្ឋាន ចុះទៅហាមឃាត់ ក៏ម្ចាស់ផ្ទះពន្លត់ភ្លើងវិញ។ លុះដល់ម៉ោងកើតហេតុស្រាប់តែមានអណ្ដាតភ្លើងឆេះ យ៉ាងសន្ធោសន្ធៅ នៅខាងក្នុងផ្ទះនិងខាងមុខផ្ទះឆេះរាលដាលដល់រថយន្តតូយ៉ូតាព្រូសមួយគ្រឿង បណ្តាលឲ្យខូចខាតទាំងស្រុងទើបបង្កការភ្ញាក់ផ្អើលដល់អ្នកជិតខាងនាំគោះទ្វារ និងស្រែកហៅ ម្ចាស់ផ្ទះ តែដោយសារភ្លើងឆេះខ្លាំងទៅហើយទើ​បអ្នកនៅខាងក្នុងមិនអាចចេញមកក្រៅ បានត្រឹម នាំគ្នារត់ទៅជាន់លើដំបូលគេចពីអណ្ដាតភ្លើង។

ប្រភពដដែលបានបន្តទៀតថា ភ្លាមៗនោះគាត់ក៏រាយការណ៍ ប្រាប់សមត្ថកិច្ចមូលដ្ឋានសុំរថយន្ដ ពន្លត់អគ្គិភ័យជាច្រើ​នគ្រឿងចេញអន្តរាគមន៍ជួយសង្គ្រោះ។

បន្ទាប់ពី​ទទួលបាន​ដំណឹង កម្លាំង​សមត្ថកិច្ច​នៃការិយាល័យបង្កា និងពន្លត់អគ្គីភ័យបានចេញរថយន្ត ពន្លត់អគ្គិភ័យជាច្រើនគ្រឿងចេញអន្តរាគមន៍​ជួយសង្គ្រោះ​អាយុជីវិតមនុស្សដែរជាប់នៅខាងក្នុង បានចំនួន០២​នាក់ គឺម្តាយនិងអ្នកស្នាក់នៅជាមួយគ្នា ចំណែកកូនស្រីម្ចាស់ឈ្លក់ផ្សែង និងរលាក សន្លប់ស្ដូកស្ដឹងនៅក្នុងផ្ទះ ត្រូវបានកម្លាំងសមត្ថកិច្ចជំនាញចូលទៅសង្គ្រោះ និងបញ្ជូនទៅសង្គ្រោះ ភ្លាមៗផងដែរ តែជាអកុសលជនរងគ្រោះបានស្លាប់បាត់ទៅហើយ ។

សមត្ថកិច្ចបានបញ្ជាក់ថា ក្នុងករណីអគ្គិភ័យនេះ ធ្វើឲ្យខូចខាតសម្ភារៈនិងក្រណាត់ទាំងស្រុងនិង រថយន្ត​ម៉ាក​តូយ៉ូតា ព្រូស មួយគ្រឿង៕ ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម