Connect with us

សន្តិសុខសង្គម

ម្ចាស់ភោជនីយដ្ឋានម្នាក់ បាញ់សម្លាប់ខ្លួនក្នុងបន្ទប់ខុនដូ ស្តាស៊ីធី

បានផុស

នៅ

បុរសជនជាតិចិនម្នាក់ដែលជាម្ចាស់ភោជនីយដ្ឋានមួយកន្លែង បានបាញ់សម្លាប់ខ្លួន​នៅក្នុងបន្ទប់​ខុនដូជាន់ទី៦ នៃអគារខុនដូ ស្តាស៊ីធី ស្ថិតតាមមហាវិថីសហព័ន្ធ​រុស្សី ក្នុងភូមិ​ទ្រុងមាន់ សង្កាត់​អូ​បែកក្អម ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះត្រូវបានគេប្រទះឃើញដេកស្លាប់ក្នុងថ្លុកឈាមកាលពីវេលាម៉ោង១២និង០០នាទី ថ្ងៃទី​៣០ ខែមករា ឆ្នាំ​២០២២​ នៅបន្ទប់​លេខ​៦២០ ជាន់ទី៦ នៃអគារខុនដូ ស្តាស៊ីធី ។

​​សមត្ថកិច្ច​បញ្ជាក់ថា ជនរងគ្រោះ​មានឈ្មោះ Liao Hua Xi Ang ជនជាតិចិន ភេទប្រុស អាយុ២៨​ឆ្នាំ មុខរបរអាជីវករ «ម្ចាស់​ភោជនីយដ្ឋាន» ស្នាក់នៅ​កន្លែងកើតហេតុ​។ សមត្ថកិច្ច​បានរកឃើញវត្ថុតាង​​នៅ​កន្លែងកើតហេតុមានអាវុធ​ខ្លីម៉ាក Glock ចំនួន១​ដើម គ្រាប់ចំនួន៩​គ្រាប់ និង​សំបក​គ្រាប់ចំនួន១​គ្រាប់ និងសម្ភារ​ប្រើប្រាស់​គ្រឿងញៀន ដប​ទឹក​សុទ្ធ​និង​បំពង់​ទុយយោ​។​

យោងតាម​ការបំភ្លឺ​របស់​ឈ្មោះ Hu Guang wen ភេទ​ប្រុស អាយុ​៥៤​ឆ្នាំ ស្នាក់នៅ​បន្ទប់​លេខ៦២១​«នៅជាប់​បន្ទប់​ជនរងគ្រោះ» គឺនៅវេលា​ម៉ោង​ប្រហែល៨និង០០​នាទី ថ្ងៃទី​៣០ ខែមករា ឆ្នាំ​២០២២ ជនរងគ្រោះ បាន​ស្រែកប្រាប់​គាត់​ឱ្យជួយ​ខ្លួន​ផង ថា​មាន​គេ​ចង់​ធ្វើបាប​គាត់​។ ពេលគាត់​ចេញមក​មើលមិនឃើញ​មានអី គាត់​ក៏​ចូលក្នុង​បន្ទប់​វិញ​។ បន្តិចក្រោយមក​គាត់​បាន​ចុះទៅ​ក្រោម​រក​ទិញ​អី​ហូប​។ រហូតដល់​វេលា​ម៉ោង​៩និង៣០​នាទី គាត់​បាន​ត្រឡប់មកវិញ។ នៅ​ម៉ោង១២និង០០​នាទី​មាន​មនុស្ស​ប្រុស​ស្រី​ជា​ជនជាតិ​ចិន​០២​នាក់ មានឈ្មោះ Yi Xiao Yue អាយុ​៣២​ឆ្នាំ ភេទ​ស្រី​ជា​អតីត​សង្សារ​ជនរងគ្រោះ និង​ឪពុក ឈ្មោះ Yi Chuan Liang បាន​មករក​ជនរងគ្រោះ​ដល់​បន្ទប់​ ដោយសារ​មិនឃើញ​ជនរងគ្រោះ​ឆ្លើយតប​តាម​ឆាត លុះពេលបើក​បន្ទប់​ស្រាប់តែ​ឃើញ​ជនរងគ្រោះ​ដេក​នៅ​គន្លៀត​គ្រែ ដោយមាន​ឈាម​។ ឃើញ​ដូច​នោះ​ឈ្មោះ Yi Xiao Yue ដែល​ត្រូវជា​សង្សា​ជនរងគ្រោះ ក៏​ប្រាប់​អ្នកគ្រប់គ្រង​ខុន​ដូ​ឱ្យ​មកជួយ​រហូតដល់​វេលា​ម៉ោង​១៦និង០០​នាទី ទើប​សមត្ថកិច្ច​បានទទួល​ព័ត៌មាន​។​

តាម​ការសន្និដ្ឋាន​រប​ស់​សមត្ថកិច្ច​ជំនាញ​កោសល្យ​វិ​ច័​យ​ នៃស្នងការ​នគរបាល​រាជធានី​ភ្នំពេញ បាន​សន្និដ្ឋានថា ជនរងគ្រោះ​ស្លាប់​ដោយសារ​ធ្វើអត្តឃាត​បាញ់​ខ្លួនឯង​ស្លាប់​ពិតប្រាកដ​មែន​។ ​បច្ចុប្បន្ន​សព​ជនរងគ្រោះ​ត្រូវ​សមត្ថកិច្ច​យក​តម្កល់​នៅ​វត្ត​ទឹកថ្លា​៕

អត្ថបទ៖ សុខុម​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៧ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម