ព័ត៌មានជាតិ

តូចចិត្តសង្សារសុំទៅរៀបការជាមួយអ្នកផ្សេង យុវជនម្នាក់លេបថ្នាំសម្លាប់ខ្លួន

បានផុស

៥ years មុន

នៅ

ថ្ងៃចន្ទ ១១ មករា ២០២១

ដោយ

ផ្ដើមចេញពីការស្រលាញ់ខ្លាំងពេក យុវជនម្នាក់សម្រេចចិត្តបញ្ចប់ជីវិតខ្លួនឯង ដោយលេបថ្នាំសម្លាប់ខ្លួនចោលឪពុកម្តាយ បងប្អូនសាច់ញាតិ ខណៈដែលសង្សារសុំរៀបការជាមួយបុរសផ្សេង។

សមត្ថកិច្ចមូលដ្ឋានស្រុកភ្នំព្រឹកបានឲ្យដឹងថា ករណីយុវជនម្នាក់គិតខ្លីធ្វើអត្តឃាតដោយលេបថ្នាំពុលបញ្ចប់ជីវិតខ្លួនឯងនេះ បានកើតឡើងកាលពីយប់ថ្ងៃទី១០ ខែមករា ឆ្នាំ២០២១ត្រង់ចំណុចភូមិដំណាក់ក្សាន្ត ឃុំបួរ ស្រុកភ្នំព្រឹក ខេត្តបាត់ដំបង។ ដែលហេតុការនេះ ផ្តើមឡើងដោយសារតូចចិត្តនឹងសង្សារស្តីបន្ទោសថា ជនរងគ្រោះជាសង្សាស្រលាញ់នាងមិនស្មោះ ហើយក៏សុំទៅរៀបការជាមួយប្រុសថ្មីដែលគេស្រលាញ់នាងពិតប្រាកដវិញ ទើបមានហេតុការខាងលើកើតឡើងតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានបន្តថា យុវជនរងគ្រោះមានឈ្មោះ ប៉ាវ សង់ ភេទប្រុស អាយុ២០ឆ្នាំ មានឪពុកឈ្មោះខៀវ បូរ អាយុ៥២ឆ្នាំ និងម្តាយឈ្មោះ សុខ រឿន អាយុ៥១ឆ្នាំ រស់នៅក្នុងភូមិឃុំកន្លែងកើតហេតុ។

ក្រោយហេតុការកើតឡើង កម្លាំងនគរបាលជំនាញបានចុះពិនិត្យនិងធ្វើកោសល្យវិច័យ និងធ្វើកំណត់ហេតុ ប្រគល់សពជនរងគ្រោះទៅឲ្យក្រុមគ្រួសារដើម្បីរៀបចំធ្វើបុណ្យតាមប្រពៃណី៕

អត្ថបទ ៖ សៅ សារិទ្ធ